صبغ الشعر في الشهر الثامن!!

السلااام عليكم

بنات بسالكم عن صبغ الشعر اضر الجنين ا لا؟؟؟عفيه بنات مابي احد يقول شي واهوا مو سائل دكتور او مو مجرب
والي مجربه اتقولنا وجم مره صبغت وباي شهر؟؟؟
والي سائلين دكتور يقولنا شقالهم

ناطرتكم ،،، لانه انا صبغت وخلصت بس بعرف يضر او لا

الله يهداج جان سالتى قل لاتصبغين لان انا بغيت اصبغ ودكتورتى منعتى من الصبغ … بس ان شالله مافيج الا كل خير يارب

مادري بس اعرف بنات وآيد يصبغون
شعورهم واهما حوامل بس للامانه انا ماصبغت

وبعدين ليش تصبغين مابغى شئ وتولدين
بالسلامه خل الصبغ على طلاعتج احلا

شمعيلج على الصبغ وانتي بالثامن حلاتها لاخلصتي الاربعين تطلعين بلوك يديد احلى بس انشالله ما فيج الا الخير يارب عسى ربي يتمم عليج انشالله

وانا اللي اعرفه ان الصبغ والاكسجين والتشقير ممنوع طوول فتره الحمل جذي قالت لي دكتورتي انا حتى حواجبي ماأشقرهم اخاف على الياهل ..

عسى الله يتمم عليج ويسهل عليج ياقلبي

ماعندي فكره

مشكورين بنات

بس انا شايفه خالتي تصبغ وعادي ماصار شي

باربي الكويت ،،، منو دكتورتج؟؟

ام احلى خلودي منو دكتورتج؟

حبيبتي الخوف من اربع شهور الاولي بسسس

ومافي الا العافيه

انا صبغت شعري لون بني باول يوم بالشهر الثالث صبغه خاليه من الامونيا وقبلها كنت مكلمه دكتورتي قالت مامنه مضره ولافي دراسة تحذر من الصبغ وعلاقتها بالجنين وجبت بنتي اسم الله عليها مافيها الا العافيه ,,,,

صحيح الكل كان مخوفني ويحذرني وكنت خايفه من كلامهم وقعدت احاتي بس توكلت على الله وغامرت لان كان عندي عرس حماتي وشعري نازله صبغته واول عرس وانا عندهم قلت لج قصه حياتي بس لاني بطمنج وهالكلام قبل ثلاث سنوات,,,, وللامانه ما افكر اصبغ ثاني مره وانا حامل لان ألحين بالصيدليات موجود رش صبغ مؤقت نفس اللي بالصالونات يوحد اللون,,,

ودام انتي بالثامن ماعليج شر عسى الله يحفظ البيبي ويقر عيونج بشوفته سليم معافى يارب

على فكرة دكتورتي استشاريه سلوى الرفاعي

دمثه ياحيااتي مشكوووره

مسك وطيب طمنتيني الله يطمن قلبح ويخليلج بنووتج ياارب
وانا كنت ابي كلام دكتور احد فاهم مو كلام حريم وكله تخوف

مادري بس الله يستر عليج وعلى البيبي

انا صبغة شعري وانا بالثامن بس الحمد الله مافي شي وعالعموم في دكاتره تقول عادي وفي تقول لا بس مافي شي اكيد

انا بغيت اصبغ اصلا حتى الصالون مايرضوون يصبغوون لج ..

اخذت صبغه من الصيدليه وصبغته لون واحد بالبيت من دون امونيا عادي ..

الصبغه اصلا تأثر عالجنين وعليج ساعات لانه في ناس ماتتأثر