صبايا اليهال الي عمرهم 4 شهور شنو يعطونهم غير الحليب؟؟؟؟

بنات شنو يعطون الياهل بو 4 شهور

هلا فيج جاكلين
الياهل اللى من عمر اربع شهور يبتدى ياكل بس اكل مهروس يعنى هرسيلة خضار او اشتريلة من الجمعيات المعلبات الخاصة باليهال وايد حلوة ومافيها مواد ملونة او حافظة وفيها فيتامينات بس انتبهى من العمر مكتوب عالعلبة ابتداء من اربع شهور وفى ابتداء من ست شهور
ونصيحتى لج اذا الياهل فى صدر او كحة بعدى عن منتجات القمح والمانجا الانها تزيد من حساسية الصدر عندج سريلاك بالتمر وغيرة وعندج ارز مطحون خفيف بعدى عن البسكويت الانة من القمح هذا لو الطفل عندة حساسية
واكو عصاير حلوة لطفل وان شاللة اكون افدتج

حبيبتي البيبي ابو 4 اشهر يبدا ياكل اهرسي له بطاط أو عيش مع الفوحه يعني الماء (ابيض) وتفاح وموز اشويه لا تكثرين منه يسوي امساك واشوية خضار مسلوقه ويقطين بعد حلو
وبسكوت فارلز والله يخليلك ياه

ميلوبا ارز او خضار او فواكه … ومكتوب عليه لاربع شهور .. وعندج بعد بسكوت فارليز في البدايه عطي نص بسكوته وذوبيها مع الحليب

من نشرة من إعداد استشارية طب الأطفال د.ليلى حجازي.

تغذية الطفل من 4 إلى 7 أشهر:-

الحبوب (أرز سيريلاك , شوفان).
خضراوات مسلوقة و فاكهة مصفاة(موز , تفاح , كمثرى , بطاطا , بطاطس , جزر)
عصير الفاكهة الطازج (عدا الحمضيات)

شو فى يا قلبى اول شى الطفل فذا العمر لازم تبدين تاكلينه اكل مهروس ومسلوق اول شى نبداء بنوع خظار واحد لمده ثلاث ايام عشان نعرف ان نوع الخظار اللى استخدمتيه ما يسبب لطفلك حساسيه مثلا نسلق جزر ونعطيه ثلاث ايام ونشوف اذا ما سبب له حساسيه نجرب خظار ثانى لين ما نعرف انه اى نوع ما يسبب له حسايه والنوع اللى يسسبب له الحساسيه عطيه بعد ماء مسلقو اللحم من غير لحم بس الماء اعيد واقول من غير اللحم بس الماء زبادى زين له تفاح مسلوق ومهروس الموز بدرى عليه من اربع اشهر الموز على الست اشهر التفاح الكمثرى الكيوى الافوكاتو زين له ابدى معه ملعقه ملعقه وزيدى الكميه مع الوقت يعنى اول يوم ملعقه لا تجبرينه وبعدين اليوم الثانى ملعقتين عشان الطفل ما يتعب لين ما يسير ياكل وجبه كامله باليوم عندك السيرلاك البسكوت فارليز ذوبيه مع حليب وعطيه العصير بدرى عليه عند لاربع اشهر على الست اشهر يشربه شوفان مع حليب زين له واتمنى انى افدتك باى

شو فى يا قلبى اول شى الطفل فذا العمر لازم تبدين تاكلينه اكل مهروس ومسلوق اول شى نبداء بنوع خظار واحد لمده ثلاث ايام عشان نعرف ان نوع الخظار اللى استخدمتيه ما يسبب لطفلك حساسيه مثلا نسلق جزر ونعطيه ثلاث ايام ونشوف اذا ما سبب له حساسيه نجرب خظار ثانى لين ما نعرف انه اى نوع ما يسبب له حسايه والنوع اللى يسسبب له الحساسيه عطيه بعد ماء مسلقو اللحم من غير لحم بس الماء اعيد واقول من غير اللحم بس الماء زبادى زين له تفاح مسلوق ومهروس الموز بدرى عليه من اربع اشهر الموز على الست اشهر التفاح الكمثرى الكيوى الافوكاتو زين له ابدى معه ملعقه ملعقه وزيدى الكميه مع الوقت يعنى اول يوم ملعقه لا تجبرينه وبعدين اليوم الثانى ملعقتين عشان الطفل ما يتعب لين ما يسير ياكل وجبه كامله باليوم عندك السيرلاك البسكوت فارليز ذوبيه مع حليب وعطيه العصير بدرى عليه عند لاربع اشهر على الست اشهر يشربه شوفان مع حليب زين له واتمنى انى افدتك باى

الله يعطيكم الصحه والعافيه وماقصرتو حبايبي

بس شلون اذوب البسكوت مع الحليب اي حليب تقصدين

جاكلين حليب البيبى يعنى كسرى البسكوتة نصين وكسرى النص ربع وحطيها بالممية مالت الياهل واهى بتذوب

انزين شلون اعطيه الشوفان ؟

4 شهور بس حليب وماي

من 6 شهور يبدي ياكل

هذي الدراسه اليديده واطباء الاطفال اجمعوا على جذي الدكتور قالي

يقول قبل 6 شهور نسبه الحساسيه تزيد وممكن يتحسس من نوع معين من الاكل وماياكله طول عمره

اذا نطرتي لي السادس تكون كل اجهزه الجسم مكتمله ممكن ياكل اي شي