صار معاكم مثلي والله مت من القهر!!!!!!!!!!!!!

السلم عليكم اشلونكم وكل عام وانت بخير ……بعد التحية
تصدقون اني رحت اييب عيالي من بيت يدتهم وانا ماشية ولا اشوف سيارتي حرارتها مرتفعة ومفورة شان اخذ يمين واشب فلاشر واوقف تصدقون ولا واحد راضي يوقف لي المهم قلت حق ولدي روح مطعم ماكدونالز وشوف ولد الحلال اذا يقدر يسويها لي …..

المهم يه ريال ويو بعد شباب يزاهم الله خير وحطو لها ماي المشكلة ان ريلي بالبر واتصلت عليه ما يرد مت من القهر والله حتى دعيت عليه من القهر ماكو رياييل سنعة كلششششششششششش صار الموقف يوم الجمعة بالليل.
يا ترى صار لكم هالموقف ولما تتصلين على ريلج يحقر ولا يرد عليج ؟؟؟ يلا ابي ردودكم شتسوون بالحالة هذي ؟؟؟؟؟؟؟؟
ومشكورين ويعطيكم العافية

قلب بارد

الله يعوضج بعيالج ان شاءالله

فمان الله

وعليه ريلج شنو ذنبه قاعد بالبر مومعقوله لو رد عليج بييج من البر صعبه انتي ماترضينها يدوس بالطريج عشان سيارتج واقفه جان دقيتي على اخوانج حموانج والشباب الي سووها ماقصروا وعادي لو ابي شي ضروري من ريلي وادق ومايشيله كله مايسمعه ماشالله

ادق يا على اخوي او ابوي

بس غريبه ما وقف لج احد بالشارع؟؟

هالمواقف ممكن تصير لكل وحده تسوق

وزوجج ليش تدعين عليه يمكن عنده عذر وما رد >>> يقول جعفر بن محمد قال: إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه.

استغفري الله واحمدي ربج ان الله سخر لج شباب فيهم الخير وساعدوج

امبييييييييي حرام عليج ليش جذي نيتج ابزوجج صفي النيه شلون جذي تدعين عليه ماتقولين حرام يمكن مشغول يمكن ما سنع تلفونه يمكن ناسي تلفونه سايلنت يمكن بالحمام يمكن ناسي تلفونه بالبيت

لا حبيبتي ما يجوز جذي تدعين عليه والله لا سمح الله لو راح من ايدج ابسبة دعوتج محد ابيبجي عليه دم كثرج
تعوذي من ابليس ولا تدعين على زوجج والله يعوضج بعيالج

نفس الي كنت بقوله

الله يهداكم الحين بغيتكم عون صرتو لي فرعون وين اخوان اخواني كل وحد لاهي بزوجته واللي مسافر وبعدين هذي مو اول مرة بصراحة توقف سيارتي وخواتي مسافرن حج
وعندي اخت حتى لو بتيي ما تقدر لان سيارتي وقفت الساعة 11 بالليل الله يسامحكم يعني ما فكرتو بهالشي محد عندي الا ربي سبحانه الله كريم والمسلمين وايد وبصراحة حتى لو توقف مرة ثانية ما راح اتصل عليه علشان لا ادعي عليه

لا حرام عليج لا تدعين علي ابو عيالج انتي بنفسج قلتيها كان رايح للبر يعني مو مطنش متعمد ما تدرين شنو وضعه يوم تدقين عليه
استغفري ربج وادعي حق ريلج بطوله العمر اذ مولج لعياله تراهم محتاجينه
حبيبتي قولي عساني اشكيه ما ابكيه والله والله والله صدقيني احنا من دونهم مانسوي شي وهذا اعترف رسمي مني اهم الامان والحنان والاستقرار الله يحفظهم ويهديهم ويسخرهم لنا قولي آمين
والموقف اللي مريتي فيه طبيعي ممكن يصير حق اي احد يسوق

زوجج شكو؟؟؟؟؟
انتي مره ثانيه شيكي على السياره قبل تطلعين مو بس تدقينها سلف وتمشين !!!!

احمدي ربج لقيتي احد يساعدج

لو زوجج يدري جان اكيد ماخلاج بس يمكن ازعاج عنده او ناسي تليفونه بالسياره حرام عليج ماله ذنب

انا ما لومج و قفت عليج السيارة بالليل و عيالج معاج و زوجج مارد عليج

بس مو زين تدعين يمكن ما سمع التلفون ول مو يمه

والله لو صاير فيه شي جان متي من الحسافه

يالله ربج سهلها

على سياره بتتهاوشين ؟

عادي يمكن مو يم التلفون

اول شي ماله داعي تدعين عليه

الكل يدري وقت البر الكل يلهى وحتى احنا رايحين نستانس ولا نجابل فوناتنا؟

ثانيا

انا وايد تصير فيني ومو بس ادق على ريلي

ريلي وابوي واخوي

اب اب اب