شي ماشفتوه ()

السلام عليكم ورحمة الله وبركاته..

هلا وغلا بخواتي في ركني المنزلي للأشغال اليدوية..
وكل شي فيه انا مركبته بايدي

حيااكم.. وسامحوني التصوير مو واضح لأنه من كامرة الآي فون وكامرته مو واضحة..

طبعا هذا الركن بشكل كامل وهني آنا اشتغل..

وهذا الكبت من قريب..

هذا الدرج فيه أنواع وأشكال من الشرايط (جوخ وخام ونايلون وشبك ) عراض وسخاف..

وهذا من الداخل..

وهذا داخل الصندوق

وهذا الدرج فيه أنواع الجياااس.. (نايلون كرتون ورق)
وأحجام بعد
وهمن داخله صندوق البطايق..

وهذا من الداخل..

وهذا صندوق الكروت..

وهذا الدرج فيه الجوخ والطين
وألوان الزجاج وألوان الخام وأغراض الأشغال اليدوية بشكل عام..
وخيوط صوف وقطن..

وهذا من الداخل..

ننتقل للشي الثاني

بين الكبتين حاطة سلة قش
وفيه أنواع وأشكال من جلاليد الهدايا..
ورق وخام ومخمل ألوان وأشكال والتصوير ظالم أغراضي وااايد..

وهذي الجارارات..

الدرج الأول فيه..
شبابيص وتيجان وشغلات التزيين
وفيه قصاصات الجوخ ألوان وأشكال والقطع الصغار للتلزق..

وهذا درج تكمله للدرج الأول فيه همن شرايط خام وتور شيفون ونايلون
وأحجام وأشكال..

وهذا الدرج فيه بقايا التوزيعات وتغليف البخور ودهن العود..

وهالدرج فيه عواده آيس كريم ملونة..
والقواطي الخشب الصغار فيه مشابك ملونة وباجي الأغراض اللي أحتاجهم..
وجبريت وسيامة تساعدني في الربط..

وبسسسسس
إن شاء الله قسمي يعجبكم..

مع السلامة..

شكرا لانج ذكرتيني باني انسانه غير مرتبه،
ما شاء الله عليج خوش ركن وخوش ترتيب، بروح المخزن الحين اقط نص اللي فيه لان مافي مكان حق ارفف وادراج زيادة

كااااااااااااااااااااااك
يا حلوج يا برنسس..

يالله يالله شدي حيلج وروحي رتبي
ترى الترتيب والنظافه تشرح النفس للشغل..

ما شاء الله .. خوش قسم و مرتب .
و صاجه الترتيب دوم يشرح النفس

ما شاء الله على الترتيب والتنسيق

اكيد لما تصير الأغراض مرتبة سهل تلقين الشي اللي تبينه

ويفتح نفسك للشغل انا نفسك حاطه لي خزانه خشب بابين وحاطه

فيهم شغلي …………. الله يعطيك العافية يا قلبي

ما شاءالله تبارك الرحمن

لا تنحبطين يا برنسس مو بس انتي عفوسية حتى انا :>

تبوني اصور لكم دثرتي اقصد ركن الفنية عندي :>>>

طبعا دعاء امي الي كله تدعي علييي فيه اهووووو

ان شاءالله تتزوجين وافتك من عفستج لوووووووووول

بس صج ماشاءالله عليج يا زبرجل ان شاءالله ركنج يكبر ويصير غرفة :>

موفقين بنات

حيااكم بناات وشكرا على ردودكم

وياا سن صووري شوقتيني
واذا مستحيه دزيهم هالخاااص
؛)
واعطيج افكااار للترتيب ؛**

ههههههههههههه على اي حال يقولون المبدع نادر يكون مرتب، ان شاء الله ا صور اول ما ألقى كاميرتي بوسط الدثرة او اتذكر وين حطيتها

رووووووووووووووووووعة ماشاء الله تبارك الرحمن!!
عاد انا غرامي الترتيب بدقة!!
بس ماحب الخزاين اللي ارفف وبيبان!!
ابي نفس خزاينك تكفين قوليلي من وين شاريتها؟!؟!؟!؟

روووووووووووووعه

الخزاين من ايكيا

وانتي تصممين على كيفج
تبين اجرار تبين بيبان أو جرارات وسعرها رخيص وايد وايد

برنسس المبدعون هاااااا

ما شاء الله عليج مرتبه تبارك الرحمن..

ماشالله عليج,,

خووش ترتيب وغريضات

يعطيج العافيه