|
|
قوه بنات حابه اسألكم بخصوص دكتوره شيرين شلونها وشلون اسعارها ؟؟؟
انا جسمي حلو مايبيله شي بس ابيه يصير مثالي يعني بعض الزوائد تغث ابي من شد من شفط
اشلون المواعيد بعيده ولا قريبه ؟؟ العمليه تسويها بعلاج كلينك ولا بره ؟؟؟
التعامل هل تاخذ وتعطي وتوفي الشرح والتفاصيل ولا ملوله ودها تخلص بسرعه ؟؟؟
موعدي وياها بتاريخ 25 الشهررر جاوبوني والى ماتعرف لو ترفعلي الموضوع ويعطيكم الف عافيه
ماقدر احكم قبل ما اشوف النتيجه النهائيه موعدي معاها بعد اسبوع
بس كتعامل توب وبالها طويل وحبوبه واسعارها وايد مناسبه
انا سوتلي تكبير الصدر وشفط شوية دهون من الاجناب واسفل الفخذ صوب الركب وحقن الويه كله ١٣٠٠
غير سعر المستشفى ٦١٢ حسابهم
بس موعدج 25-12
مو جنه وايد بعد !!
لوف اتوري شنو هذا يعني كله حروه الـ 2000 !!!!!!!!!!!!!
لا وايد والله
الله يكتب لج اللي فيه الخير
اي والله طلع علي هالكثر
اهي قايلتلي بعد مسويتلي خصم ولا كان حسابها ١٤٠٠
تكبير الصدر وشفط دهون وحقن الويه
المستشفى حسابهم بروح الدكتوره بتاخذ حسابها بروحه قبل العمليه بجم يوم … لما تحددين .. علشان تحجزلج العمليات
عاد انتي بيوم العمليه تروحين قبلها تسوين دخول للمستشفى
عمليتي ما احتاجت اني انام بالمستشفى .. بمجرد الدكتوره تطمنت اني مافيني دوخه وايد قالت طلعي
عالعموم اختي ترى شيرين ارخص من غيرها … ومو مسألة رخص بس .. المهم انها شاطره ووايد مجربينها بنات
غيرها ياخذون فوق الالفين والثلاث وهم نتايج مو شي
وهم لا تنسين الاستخاره .. انا لين يوم العمليه الصبح وانا استخير
ماوقفني غير الدوره ولا كنت بستخير قبل ما ادش غرفة العمليات
وموفقه اي سؤال حاضره
الاستاشارات قبل العمليه تقريبا ٤٠
التحاليل .. سويهم بمستوصف ابلاش .. لي كثروا ١٣ دينار
المستشفى يحسبون تكبير الصدر .. الساعتين ب٣٠٠ دينار .. وكل مازادت ساعه تزيد ١٠٠ دينار ( دكتورتي ما زادت الحمدلله)
الشفط الساعه ب ١٠٠ او ٢٠٠ ماذكر بالضبط
الغرفه الخصوصيه ب ٢٥
يعطونج ادويه ومسكنات بحروة ٤٠ دينار
وشغل الدكتوره .. الصدر حسبته ب ١٣٠٠
والسحب والحقن بميتين
يعني يوم طلعت من المستشفى كنت دافه لهم وللدكتوره توتال شغلهم ١٦٠٠ وخرده
عموام مشكوره ماقصرتي وعليج بألف عافيه
اي السلام غالي شوي
حاولت معاها بالهادي او اي عياده قالت اكو اجهزه للصدر مو متوافره الا بالشفا او السلام
والشفا اغلى من السلام
عالعموم اخذيلج فره
واستخيري قبل كل شي
أسأل الله العظيم رب العرش العظيم أن يشافي ولد اختي ومرضي المسلمين
لا اله الا الله ومحمد رسول الله
رب اشرح لي صدري ويسر لي أمري
استغفرالله للمؤمنين والمؤمنات والمسلمين والمسلمات الأحياء منهم والأموات
بس توقيعج جرحني يالبيه ياكيريم وفاطمه 
بالاول كنت حدي مستانسة
بس الحين عقب سنتين لمن شفت الخوارة اللي مسويتها لي تحسفة قد شعر راسي اني رحت عندها