شوو تشورون عليه في الاختيار

السلام عليكم خواتي

انا بستشيركم في سالفه حساسه شوي

لو انتي مكاني ورايحه تخطبين لولدج بنت ناس اول مره تشوفينهم وهم جيرانكم بس اول مره تدخلين بيتهم وتتعرفين عليهم

دخلتي وشفتي الام ونعم فيها وجريئه ولاتسكت عن الكلام سالفه تجر سالفه مدرسه وتشرح لج كل شي بتفصيل الممل تتخايلين نفسج في مدرسه للانها مدرسه هههههه

المهم خلكم من الام ندخل ع البنات الكبيره جمالها مقبول وكلامها مختصر ورزينه باين عليها

الصغيره جمالها جيد وجريئه وايد حتى تتكلم في امور الولاده واللي انا الحرمه الكبيره استحي اتكلم فيه جدام حد

المهم جريئه والله يستر عليها

الحين شوو تقررون تختارون لولدكم من هذيل البنتين

انا الصراحه حسيت في ضيجه في قلبي من شفت حركات جي

انا بقولكم اللي متعودين عليه البنت يوم تشوف حد غريب تسلم عليهم وتجلس شوي وتطلع عن الضيوف بس انها تيلس وتاخذ وتعطي وتتكلم في كلام عيب مايصح ولاحد يتقبله

وسمحولي بس بغيت استشيركم في حيرتي

أولاً الله يرزق وليدج بالبنت الصالحه الطيبه الحلوه اللي تسعده وتبر فيج وتحطج ع راسها ،

يالغاليه ..
الخطبة مو لعب .. بل شي جداً دقيق ولازم تكونين جيده في الاختيار لانها حياة ولدج
والنسب والتناسب أمر ظروري نفكر فيــه بشكل كبير ونعمل له ألف حساب ..

من هالعايله اللي رحتي لها شكلج ما ارتحتي
وبما انج مو مرتاحه بلاها هالخطبه بالاساس وكسبتي معرفتهم ع الاقل ..
دوري لولدج البنت اللي تستحي وتخاف الله وأهم شي ادرسي امها عدل ترا الام هي الاساس

والله ولي التوفيق

مو مقتنعه فيهم هالثنتين اطلعي وروحي بيت ثاني

اهم شي تختارين لولدج وحده مقتنعه ميه بالميه

الصغيره يمكن ع نياتها وهذا طبعها هم يدرون انج تبين تخطبين ؟

كلامج عين العقل وسليم ميه ميه وتسلمين الغاليه ماقصرتي

وهذا اللي ان شااء الله بيصير الاختيار صعب لزوجه والله يقدرنا ونحصل له بنت الحلال التقيه والوسيمه اللي تخاف ربها وتحترمه وتقدره وتراعيه وتصون بيته

حبيبتي انتي مومجبوره تاخذين منهم وانتي مومقتنعه
وياماا في بنات كانو هاديين وثقل بوقت الخطبه وبعدين تكتشفين العكس
الحلو انه الواحد يكون على طبيعته مو يتصنع

حبيبتي اذا الام والنعم فيها واخلاقها جيدة ومربية البنات تربية صحيحة عليك اختيار البنت الكبيرة جمالها مقبول صح لكن المهم الخلاق والعقل

لكن ا1ذا الام ماهي مقنعة وحاسة انك منتي مرتاحة من هالاسرو وش حادك دوري غيرها والله يرزقكم الاحسن

والله يوفقكم

استخيري

والله يااختي ماقتنعت فيهم وحسها مابتنفع ولدي لانه ولدي من النوع اللي مايحب الهذره ويبغي بنت هاديه ولاملسونه

اكيد البنت ع نياتها من جي طرحت الميانه وتمت تسولف في اللي يصلح واللي مايصلح

وهم يدرون اني بزورهم ادور لولدي بنت

لاني متصله في الام وقلت لها نحن بنزوركم بنتعرف عليكم ومنها بنشوف البنات لاني ادور لولدي بنت الحلال

ومشكوره الغاليه ع ردج ماقصرتي وربي يسعدج .

كلامج صح يالغاليه وايد بنات تصنعن انهم هاديت وبعدين طلع لهم الف لسان هههههه

بس والله مب مرتاحه لهم بس الام احسها شايفه نفسها وايد

والبنات مارتحت لهم

الله كريم

والله يااختي انا هاناس ماعرفهم اول مره ادخل بيتهم بس مارتحت سبحان الله من صليت العصر حسيت بضيقه ع قلبي

حتى كنت شاله لهم هديه ومن الضيجه نسيتها بسياره ولاذكرت غير يوم رديت البيت هههههههه

بس البنت الكبيره جمالها مقبول وولدي طلبه تكون البنت جميله يعني ولدي مامدح فيه بس اذا بقارنه فيها بيطلع احلي منها وهي يبغي بنت احلى منه مايصير البنت اقل جمال من الولد ولا عينه بتشوف برع وهم قالي هذا الكلام ابغي بنت تخليني ماشوف غيرها هههههههههه

الله كريم وربي ييسر الامور

استخرت يااختي ولا ارتحت سبحان الله

عليك بالاستخارة بارك الله فيك

والله يوفقة

ستخيري ياختي هذازواج موكلام فاضي لازم تقولين لولدج وهو يقرر بعد واذا انتي اول مره تدخلين بيتهم شلج فيهم اكيد ماتعرفينهم زين ولام شكلها تحب تفلسف مادري عساني ماكون ضالمتهم والله يوفق راسين بالحلال ويكتب الي فيه الخير لولدج

باذن الله بستخير مره ومرتين وثلاث والله يكنب اللي فيه الخير

ويزاج الله خير الغاليه

لا والله وانتي الصادقه ماظلمتيهم وانا هذا اللي حسيته الام وايد تتفلسف وكلامها كله انا سويت وانا وانا وانا وهذا اللي ماعجبني فيهم وولدي نفس طبعي مايحب الناس اللي شايفين نفسهم يحب الناس البصيطين في تعاملهم واطباعهم

الله يستر عليهم وان شااء الله بنستخير وربج كريم مع اني احس بضيجه ماتنوصف الله كريم