|
|
زوجي يا بنات كل ما تعلق باحد من ربعه هب فيه هبا سنعه ونسى كل شي وراه قبل تعلق بواحد من ربعه 24 ساعه معاه مهما نتصل مهما نموت ما يرد وكلا عذره التلفون صامت لما نسى صديقه هذا مع الايام والحين طاح على واحد ونعم الاخلاق ما اعترض ابد عليه بس المشكله مهما اتصل عليه مايرد على ابد لو نموت انا ولده نحترق نبجي ما يرد خيره كلا للصديق اليديد اللي يتعرف عليه تهاوشت معاه قبل كم يوم ولما الحين ما نتكلم انا اناقشه بالمعقول واهو يدخل مليون مضوع مع بعض اقوله يا حبيب يا قلبي اذا احتجنا لك شلون نحصلك فرضا صار فينا شي منو لنا بعد الله الا انت ؟؟؟ على طول يسكر البيبان بوجهي هذا رده اللى ما يتغير ابد (( انتي تدرين اذا دخلت المسيد احول التلفون صامت وانسى ارده ))) شوفوا الرد اللي يغث مع انه مره اتصل على 3 مرات كنت مشغوله مو يم التلفون دخل عفس البيت فوق تحت وعشرين مسج داز لي ردي متى تردين علينا ومن هالكلام لما دخل قلت له التلفون مو معاى كنت مشغوله !!!!!
والله مليت من الوضع هذا ويشتغل على الصديق المحظوظ اليديد بالهدايا والكرم اللى ماله حدود مع انه معاى مو كريم مثل ماهو مع رفيجه ونصل الشهر قال لج المعاش ما ادري وين طار واذا قلت له انت حاول توفر عشان معاشك ما يطير قب على يبي يذبحنى انا وين اوفر انتى تشوفين ومن هالكلام مع انه يدرى اني ما اخذ منه فلس معتمده على معاشي والحمدلله بس اقوله ايب اغراض البيت ولازم طبعا يتحلطم الاغراض طلعت 40 دينار تصدقين قلت له الله يخليك لنا ومن هالكلام مع انى اشترى من معاشي اغراض للبيت من غير ما يدرى وساعات يشوف بعينه والله مليت يا بنات ما ادري شنو اسوي انغث لما تصل اكثر من 5 – 6 مرات وما يرد على بالمره مع ان وقت الصلاة طاف يروح يقول لي ما اعرفنا لكم يالحريم ضلع اعوج تبينى ارافق ناس مو زينه اقوووووووووووووووووله انا مو معترضه على صديقك ولا تكلمت عنه اقولك رد على التلفون لو سمحت فرضا صار فينا شي يرد يقول خلاص مني رايح المسيد ولا شي انتى تبين جذي اقوله شنو دخل هالجمله بين الموضوع اللى انا اناقشك فيه يرد يقول انا مخليكم فى البيت مو بالشارع ما فيكم شي مهما تقولين ما كو فايده مت قهر والله يابنات
ابي حل الله يخليكم صبت مليون مره وانا اصبر نفسي وترد ريما لعادتها القديمه والله المستعان
المسيد لربك ولك مو لي تهددني فيه !
وخليه لا تدقين نهائيا
وان صار لكم شي لا سمح الله اخاف بيفيدج اهو؟
الله يخلي 777
طنشيه لاتدقين عليه كلش
على ماتخلص هبابته
مثلا
لو تتعبين صج او ولدج وتدقين على أهلج واهم اللي يتصرفون ،، ويكتشف بعدين اللي صار
هني
بيعرف شلون يرد على التلفون
بس بعرف ،، اهو شنو سبب نسيانه انه يرد يشغل الموبايل ويطوله عقب الصلاة ؟؟؟
يعني مثلا عقب صلاة العشا يضل لي الليل ناسي الموبايل ولا يدري عنه @@
مشكلته انه شكله عنييييييييييد
واللي براسه براسه
الله يهديه ويصلحه لج
مدام اهو رجال مصلي..ذكريه بربه…قوليله خيركم لاهله…وقوليله احنا برقبتك ولنا حق فيك اكثر من رفيجك..خاف الله فينا
من ها الكلام…وحبيبتي لا تضيقين خلقج..الزواج لا يبنى على ها السوالف…اهم شي رجال خلوق..وحاولي معاه
سوي مثل ما يسوي…مع الوقت بحس!!!
وطبعا ما انسى…الدعاء الدعا ثم الدعاء ..
اللهم يا مسخر القلوب العاصيه والجبال الراسيه اللهم سخر لي زوجي على خير وفي خير
الله يتمم عليكم السعادة وراحه البال
|
المشاركة الأصلية كتبت بواسطة اشتياق
 المسيد لربك ولك مو لي تهددني فيه !
وخليه لا تدقين نهائيا وان صار لكم شي لا سمح الله اخاف بيفيدج اهو؟ الله يخلي 777 طنشيه لاتدقين عليه كلش على ماتخلص هبابته |
ويييييييييييييييييه
غيرو الرقم 122
لا تبلشين البنيه هههههههههههههههههههههه
لازم يصير موقف يصحيه الله يبعد عنكم الشر
وسويها انتي صج مثلا كوني تعبانه وروحي الطبيب مع احد من اخوانج واذا قالج ليش ماليش قوليله لانه تليفونك سايلنت وهذا جوابك لي تبيني اموت
الله يخليلي اخواني ماقصروا خليه ينقهر
وبنفس الوقت قوليله بس صج حزتها تمنيتك انت اللي موديني وطاير فيني حزتها بأحس اني بخير وانك تحبني
يعني تعاليله من كذا طريق
والله يعينج ياقلبي
بس سؤال جم سنه صارلكم متزوجين ؟؟
قبل لا يطلع اطلبي منه كل شي تبينه ولا يروح لربعه قبل لا ينفذ اللي تبين وبعدين خليه لربعه
وبجذي يرتاح وترتاحين
خففي من مكالماتج عشان يحس ويسأل
واذا مافاد وياه
خليه على راحته
نفس ماقلتي هذي هبه
وكلام ( مي ) عين العقل
رب العالمين ماقال روح صل بالمسيد واكشت فبيتك واهلك وعيالك ..!!
فهميه هالشغله وعلميه ينظم وقته بين بيته وربه واصدقائه مايصير يهب بشي على حساب شي ثاني ..
ونصيحه اذا زوجج عصبي وخري عن الحده بالكلام والصراخ بالنقاش كلميه بدلع وبانكسار لان العنيد مع الصراخ يفقد ويركب راسه زياده ..
بس مع اللين والانكسار يمكن يطخ ويلين
اذا طلع مره ثانيه لا تدقدقين عليه
شتبين فيه ؟؟؟
وشراح يصير فيج مثلن ؟؟ماكو الا العافيه .. واذا لا سمح الله صار فيكم شي نزلي عند خالتج اذا انتي ساكنه عندهم
او دقي علا اهلج
واذا قال ليش ما دقيتي علي قوليله تلفونك سايلنت انته وبس
زوجج له سوابق انتى متاكده انه مع ربعه
مو معقولا تلفون يدق ولا يدرى عنه ولا يرد عليه
الا اذا هو قاصد ما ير د
المسجد والتلفون صامت مو عذر حبيبتى
ما يطالع ما يشوف الساعه ما يدق على ربعه