|
|
مرحبا بنات
ولدي عمره شهرين تقريبا عسي الله يحفظه لي ويشفيه قولوا امين تكفون ادعوله
ولدي كله يتعصر ويصير وجهه احمر بسبة الغازات غيرت حليبه وجبت له ضد المغص ماكو فايده
تدرون صارت عنده السسسسسسسره بارزه واخاف يكون فتاق
تكفووون قالوا لي تروح مع روحة الغازات ابي حل للمغص والغازات جربت يانسون كمون كراويه ماكو فايده؟؟؟؟؟؟؟؟
جربتي ابتاميل كمفورت
واذا مافاد راجعي د. محمد سعيد انصحج فيه وااايد فاهم يعرف حق الياهل عدل
والله يشفيه وخليه لج يارب
من اقل مغص و بجي يجير فيهم فتاق .. الظاهر موضه الفتاق هالفتره
انا بنتي عمرها شهرين الحين و صاير فيها فتاق نفس الشي سرتها منتفخه و صايره كبيره .. من الغازات و البجي و الحنننننه
بس الدكتورة طمنتني و قالتلي ان الفتاق يروح بروحه لما يصير عمرها سنتين و نص لأن العضلات لي الحين ما تكونت عدل صوب البطن و السره .. و اشتريله حزام ينباع بالصيدليات حق الفتاق ( للرضع مخصوص ) و لبسيه على طول و راح تشوفين ان التفخه تقل
و بالنسبة للغازات انا استخدم دوا واايد زين من الصيدلية اسمه ( ديسفلاتيل ) عباره عن قطاره و تحطين 15 قطره مع كل رضعه + استخدم دوا اسمه ( Gas ) بالصيدلية بعد .. عباره عن مكونات طبيعية و اعشاب .. تعطينه 10 نقط مره باليوم
بالاضافه طبعا حق الماي غريب كل ما شفت الياهل فيه غازات عطيته
و هذي عدة الغازات ماشيه عليها من على بجري و الحين بنتي الثانيه هم نفس الشي .. و يالله تمشي السالفه و تخف الحنه شوي
و حاولي تكون آخر رضعه قبل نومة الليل شاي الاعشاب من ميلوبا .. تكون دافيه و خفيفه فتريح معدة الياهل بالليل
و ان شاء الله ماكو الا العافية
وعسى ربي يريحه من الغازات والمغص
عادى لا تحاتين
الله يشفيه ويخليه لج ماعندي فكره..
لان نفس مشكلتي وغيرته
وفي دوه ممتاز اسمه gas
حق الاطفال يخليهم يسووون سنفونيات لووول
الله يحفظهم
وعطيه ماي غريب بس مو اي وااحد اخذي اللي صناعته من مصر راح تشوفينه يهدي ويرتاح وحتى يطول بنومته
والله يخليه لج ان شاء الله 
عسى ربي يشفيه يارب
دوا هيملايا للغازات بالصيدليه وااايد زين
ومايشوف شر ..
وعطيه شاي الاعشاب مال الاطفال وايد زين
|
المشاركة الأصلية كتبت بواسطة ^q8ia^
 استخدمي مميات اسمها dr brown وااايد زينين حق الغازات
وعطيه ماي غريب بس مو اي وااحد اخذي اللي صناعته من مصر راح تشوفينه يهدي ويرتاح وحتى يطول بنومته والله يخليه لج ان شاء الله |
مثل كلامها
بس زيدي عليه إنج تنومينه على بطنه ومسحي عليها بس ها تحت عينج مو تخلينه يختنق