|
|
شهر العسل
من يأيد يكون بعد الزواج مباشرة ؟؟ ومن يأيد يكون عقبة باسبوع ؟؟ ومن يأيد يكون عقب الزواج بكم شهر ؟؟
ماهي آرائكم مع ذكر الاسباب ؟
من الاراء اللي لقيتها ان شهر العسل بعد بفتره للاسباب التالية :
(اولا
بسم الله الرحمن الرحيم كتاب المناسك باب الخروج إلى الحج
2882 حدثنا هشام بن عمار وأبو مصعب الزهري وسويد بن سعيد قالوا حدثنا مالك بن أنس عن سمي مولى أبي بكر بن عبد الرحمن عن أبي صالح السمان عن أبي هريرة أن رسول الله صلى الله عليه وسلم قال السفر قطعة من العذاب يمنع أحدكم نومه وطعامه وشرابه فإذا قضى أحدكم نهمته من سفره فليعجل الرجوع إلى أهله حدثنا يعقوب بن حميد بن كاسب حدثنا عبد العزيز بن محمد عن سهيل عن أبيه عن أبي هريرة عن النبي صلى الله عليه وسلم بنحوه
يعني ليش الواحد يجيب العذاب لنفسه في احلى ايامه
بعدين مهما تعودت عليها ايام الملكه
حتكتشف انك ماكنت تعرف شيء
لانه مهما كان علاقتك بها قبل الزواج ماحتكون زي ماتكونو 24 ساعه في وجيه بعض
فحتظهر اشياء ماتعجبك واشياء تعجبك وهذا شيء طبيعي
لكن افضل عشان تكون السفره حلوه انه مايكون فيها الاكتشافات هذه الللي ممكن تنكد على الواحد وتضيع له حلاوة السفر
ايضا
انه الواحد في شهر العسل مايبغى اي شيء غير العسل
ماهو رايق للتمشيه والهجوله اللي مالها داعي
لا وانا بوجهي ده رايح جنوب افريقيا
نصها هجوله وسفر من جهه لجهه وحيوانات وسفاري و
احسن شيء لما تتعودون على بعض (وهذه يبغالها سنين طويييييله) تسافرون
لكن حيروح طعم سفرة العسل
فلاتنتظر هذه الفتره كلها
لكن انتظر لين ماتتعودون على وجودكم مع بعض طول الوقت
وسافروا
يعني
اتوقع بعد 3 شهور وانت طالع
والاخير شوف ثقافه شهر العسل جات من فين
من الغرب
اللي بعد مايتعرفون على بعض شهور
ويتمشون مع بعض شهور
ويسكنون مع بعض شهور
وبعدها يتزوجون
يطلعون شهر العسل
نحنا نبغى من ثاني يوم نسافر !!!!! )
في منهم بالديرة اهني فنادق منتجعات شاليهات .. الخ
واكيد يختلف من عروسة لي ثانية على حسب اول شي
الميزانية والخطة اللي متفقين عليها المعاريس والتجهيزات
اذا كانت خالصة من ملابس و المكان اللي راح يسكنون فيه
اما عن نفسي
انا ملجت وعقبها ب3 شهور سافرت وما سويت عرس لظروف
وعقب السفر بشهرين سويت استقبال كبير ولبست ابيض يعني
مثل العرس بالضبط وريلي زفوه
وعقبها رحنا فندق 3 ايام .gif "Eh S(22)")
مشكورة حبيبتي عالموضوع واتمنى فدتج بالرد 
يمكن اتحملين و يصير ماله زهوة
انا تزوجت وبعد 10 شهور سافرت معاه … لما تعدلت ظرووووفنا
بس بعد العرس ما خلينا مكان بالكويت مارحنا له … يعني الحمدلله مقزرينها طلعات ووناسة 
على طوووووووووول قبل الحمال ويسوي خايف علي من الطياره وهالعياره هذي
لان الخوف اذا تأجل السفر يصير الحمل و تخترب النفسيه ولا يصير سفر
انا سافرت بعد العرس ب اربع ايام
وعقبها يخت بالبحر
وشاليه ومطاعم قزرناها
لان صارت ظروف دوامه وفاة ولويه
بس حجزنا شهر عسل حق شهر 2 الياي لووول
اي تونا عادي لاحقين المهم الظروف اتعدل
بس احلى لو كان بعد العرس بيومين جذي
عن تجربه عقب فتره شيضمن لج ان ماتحملين
وبالعكس حلاته الاكشن مال شهر العسل بالاول لووول
انا أفضل بعد العرس بشهر عشان تكون طايحة الميانة وأتشرط ع كيفي لوووول
السفره الي بعد العرس بثلاث شهور جنها سفره عاديه متزوجين و بتسافرون مثل سفرات الصيف او الاعياد يعني سفره لكسر الروتين بس مافيها نكهة مميزه
غير جذي اول ما تتزوجون حلووو تحسووون انكم بروحكم و بعيييييييييد عن الناس بس انتي و زوجج … الاهله تزورينهم و اهلج يون يتطمنون عليج … لا حلاتها تقطون الدنيا وراكم و تسافرون بروحكم تحسون انكم صج حق بعض 
و صح كلام البنات ما تضمنين ما تحملين و عقبها وين تسافرين مع النساه و لا و كرشج جدامج و لا عقب ما تولدين و تحاتين اليهال