شهالحقران قطيعه . والله مت من القهر

السلام عليكم
بنات انا منقهره حدي اقولكم ليش وحطو نفسكم مكاني
انا فبيت حموله وعندنا يوميا نزله عالغدا وانتيمع ونقعد سوالف وضحك وانا معاهم كلهم اوكي اضحك واسوالف ولا عمري قطيت كلمه على فلانه ولا فلانه احنا جناين ثلاثه انا الثالثه .. انا صالي اسبوع قاعده فبيت اهلي تعبانه وما اقدر اروح بيتي
وانا من النوع اللي ما انام عند اهلي الا بالشديد القوي على قولتهم اذا نمت عندهم اعرفو انه فيني شي جايد مو مرض خرابيط نشله ولا سخونه لا اكون كلش تعبانه انا طلعتلي حساسيه من كريم استعملته وقب ويهي كله صار شكلي يخرع والله يابنات عشان جذي قعدت المهم عاد بهالسبوع اللي قعدت فيه ولا وحده منهم كلفت نفسها ودقت علي تسأل عني شدعوه كل يوم متقابلين على الغدا وبعد الغدا شاي وقهوى يعني مافقدوني والله يابنات اني ادق عليهم على طول وحده كانت حامل وتعبانه يعني تروح وترد فبت اهلها اقسم بالله كل مانزلت ومالقيتها قلت فشله تعبانه ادق عليها واسأل والثانيه نفس الشي عاد اهم على نشله راحت اقعدت عندهم وانا ادق وفقدج وماتشوفين شر واذا جت اطلب الفطاير والحلو واقعد عندها وانا صارلي اسبوع ولا احد سأل عندي ولا درا عني والله انقهرت حييييل وتضايقت شهالحقران هذا انزين اتصل مجامله حاولت ادورلهم عذر ماكو مالقيت عذر بس لما يت لقيتهم قاعدين بس شلونج عسى مااشر وينج؟؟ تعبت عمرها والله …
خلاااااااااااص بعد هالموقف لو اسمع انها بتموت والله ما ارفع التلفون عليها تكفووووون بنات حطو نفسكم مكاني شيصير فيكم شتفسرون اللي صار ….. والله اقسم بالله مافيه عداوه بيني وبينهم كلامي معاهك عادي وعلاقتي جداجدا زينه ما اتدخل فيهم ولا عمري قطيت كلمه عليم ولا شي بالعكس والله احبهم واحترمهم بس انصدمت ……

انتو شرايكم باللي صار احد عنده تفسير اللي صار على الاقل يهون علي ما احسن اني منسيه ولا مالي قدر

لاعادي انتي عرفتيهم الحين

خلاص ليش تعبين عمرج عامليهم مثل مايعاملونج بالضبببببط

ولا تعبين عمرج عشانهم

حبيبتي ,,

خلج اكبر منهم عقل
اذا مرضو دقي لله مو لهم ,, وعشان الصله اللي بينكم
ولاتخلين الشيطان يدخل بينكم مهما يكون

او ارسلي لها اذا مرضت ماتشوفين شر وبسس
خلج اعقل منهم وتاخذين اجر لوجه الله مو لهم

والحين دامهم مادقو عليج لا تدقين اهم شي
اسألي عن خالتج ,, وبس وحمواتج لاتعاتبينهم ولاشي
خلي الوضع طبيعي لانهم مو اكبر همج يا الغلا

انسي حبيبتي وعاملي الناس بخلاقج وطيبتج مو بأخلاقهم أريحلج ولا تفكرين ولا تنطرين اي مقابل منهم

جان عاتبتيهم يوم قالوا اشلونج وينج ,,,,,,علشان يحسون وتحرجينهم

والله حبيبتي مافي سببيخليهم جذي!
بس مو يمكن احد موصل لهم انج عادي مو تعبانه ورايحه جذي؟ والله مادري فديتج
وخلاص لا رديتي خليج عاديه او رسميه وبس

مره ثانيه لاتدقين ولاشي بس مسج لله موعشان سواد عيونهم

يقهرون صراحه

لا يدرون لاني سألت زوجي قلتلها محد سأل عني قال امي سألت وقلت لها تعبانه
وقلت البنات ؟؟ قال كلهم قاعدين ذاك اليوم كانو متجمعين حتى اختي كانت زايره ودرت
عاد ماقصرت حماتي دقت بنفس اليوم اللي درت فيه واسأل عني حتى خالتي بعد اتصلت وقالتلي عاد اليوم كلنا متيمعين انا والبنات ما طلعنا من 2 الظهر لي 11 بالليل فقدناج والله .. خالتي حبيبه تسأل وتوجب بس هالحريم اللي مايبين فيهم الطيب يعني لو يوم يومين عادي بس اسبوووووع والله وايد

نصيحه لا تدقيقن على الشكليات هذه انت معاج حق تتضايقين بس علشان ترتاحين لا تنطرين من احد يسأل ويجامل
وكان ممكن تعاتبينهم يوم سألوج عسى ماشر وتقوليلهم اشدعوة صارلي اسبوع في بيت اهلي محد سأل عني

عادي حبيبتي يمكن انشغلوا لاتحطين بخاطرج

هذه المره الاولى عذريهم

مره ثانيه عامليهم بالمثل بس تكونين متأكده ان الكل يعرف ظرفج

ولاتزعلين

طاف

عتبج بمحله صح

بس بعلق عن نفسي مو عنج

انا املك قاعده كبيره من الحبايب والاهل

بس من تبدأ المدارس ……

اسوي حصار على كل شي

تلفون البيت رنته of

موبايلي يتسكر بالبيت

يومي الصباحي

دوام ….غدا مع العيال وابوهم….راحه …تدريس… مكتبة او جمعية …عشاء …….نت ……..نوم

والله ما عندي وقت اتصل بفلانه وعلانه

ملًوا من التشره والعتب

وعرفوا طبعي وخف عتبهم

بس مكانتهم بقلبي كبيره ….وانشغالي ما يقلل من قدرهم

بس فعلا الدنيا تلاهي

<<<وطبعي مو حلو لحد يقلدني

فوفو

عدنه و عندج خيييييييييييييييييييير وفير

الحمدلله و الشكر قطيعة

طول شهر رمضان اخدم وياهم و اشيل و احط

و بعدين يطلعون طلعه العيد ولا يقول لا لي و لا الى زوجي

و زعلت من العيد الى هاليوم محد سأل عني

طبعا هذيلين بيت حمولتي

نصيحة لا تعورين راسج و انسي السالفه

اهم شي انتي مسوية الي عليج ومو مقصرة

اهم لا تظلمينهم يمكن عندهم ظروف ، لا تتصورين شغلات موزينة ياقلبي

عشات لا تستاثمين

حبيبتي اهوو هالشي يحز بالخااطر
بس كسري عينهم بطيبج صدقيني بيستحووون وانتي بالنهاايه احسن منهم