شهاده الدبلوم

مرحبا بنات انا انشالله اخر كورس لي ادرس بتجاري وتخصصي بنوك تنصحوني اكمل دراسه ولا اشتغل انا وايد متردده ناس تقولي اشتغلي اول ماتخرجين وناس تقولي لا كملي دراسه انزين اذا بغيت اكمل اي جامعه تنصحوني وفي فرق بسيط بين معاش شهاده الدبلوم والبكالريوس ابي رايكم بليز ومشكورين

اذا يايبه معدل 3.67 كملي على العلوم الاداريه _ جامعة الكويت

واذا يايبه اقل قدمي على جامعة الخليج ولا الجامعه العربيه المفتوحه

اكيد يفرق حبيبتي حتى بالدرجه الوظيفيه والترقيات

راتبج بالوزارات 585 على الدرجه الخامسه

الجامعي 653 وعلى الدرجه الرابعه

اشتغلي وكملي دراستج مافي مشكله بالعكس حلو الطموح

مشكوره حبيبتي على الرد شكلي بكمل دراسه

انا شهادتي دبلوم
ومالي خلق اكمل الظرووف ماتسمح
بس انتي اذا لج خلق اتكمليين كملي شهادة الجامعية احسن وبسرعه تترقين والمعاش اعلى
الله يوفقج

هــــــلا حبيبتي

انا انصحج كملي كمــــــلي ، احسن لج شهاده للزمن

اذا معدلج 3.50 يقبلونج علوم ادارية جامعة الكويت << نفسي انا

ويعادلون لج جم ماده ، والايام تمر بسرررعه وماتحسين ..

واذا تبين شوفي لج وظيفة العصر ع شهادة الدبلوم << نفسي بعد ناااطره هالديوان ..

واذا معدلج انزل شوفي اي جامعه مثل ما قالت اختي كويتيه_1984 ما قصـــــــرت

والله يوفقج حبيتي وينور لج طريقج "

.

انا تخرجت الصيف اللي فات تخصص بنوك وللحين م اقبلوني للوظيفه وكل اللي نفس تخصصنا ياخذون وقت
انا اقول كملي احسن (انا ما احب الدراسه ماصدقت خلصت )
اذا انتي حابه الدراسه كملي احسن
ومثل مافالت الاخت يفرق بالدرجه والترقيات
والله يوفقج

الوظيفة احسن
كاهم خريجين جامعات وماجستير ودكتوراه ومو لاقين وظايف
الوظيفة احسن
واذا تخرجتي ومالقيتي وظيفة ممكن تكملين على ماتطلع لج الوظيفة
بس برأيي الوظيفة احسن الشهادة مو كل شي

لا كملي احسن لج

انا بصراحه مليت من الدراسه من جذي ادور وظيفه

صلي استخارة و توكلي على الله

الله يوفقج للي فيه الخير انشاء الله

انتي تخصصج بنوك يعني ما لج وظيفه غير البنك والبنك قطاع خاص ما تفرق فيه دبلوم ولا جامعي لانه الراتب بسرعه يصعد

وحسب مجهودج بتحصلين من رايي قدمي بالاول على وظيفه علما يطلع قبلولج ترا الوظيفه مو سهالات مثل اللي ببالج تخرجتي اليوم تتوظفين

باجر واذا مو مصدقتني تصفحي القسم اللي احنا فيه وشوفي المآسي فالاضل في هالزمن تحصلين وظيفه لان الدراسه مو طايره والحين

الحمدالله صار في جامعات خاصه يعني تقدرين تدرسين بالوقت اللي تبين مو شرط صباحي شاللي يمنع تقدمين وتدرسين علما يطلع قبلولج

وتالي لين انقبلتي تضبطين جدولج عشان يتفق مع دوامج الشهاده صج مهمه لكن الوظيفه هالايام صارت اهم