شهادة الــ icdl اذا خذيتها بتنفعني بوظيفتي .؟؟؟

.

..

.

..

مرحبااا خواااتي

انا من سنه الهدامة مسجله بديوان الفقر

ولي الحين ماتوظفت

اذا خذيت شهادة الــ icdl

تنفعيني بشي ولا انقعها واشرب مايها

لاني مفكرة اخذها لانهم بيعممونها على جميع الوزارات

ووين اخذها ابي مكان موثوق بشهادته؟؟؟

ويعطيكم العافية

وان شاء الله الكل يتوظف يارب يارب

لاني حاسه فيكم وبالفراغ الزايد

شوفى انا تخصص حاسوب وقدمت على الديوان وطلع اسمي بالتربيه ويوم رحت اقدم الاوراق قالولي لالازم شهادة ال icdl

انا ما احتاج انى ادرس الدوره بس قاعده اقدم الامتحانات وبقالى امتحان واحد ان شاء الله عقب باجر

انا قدمت الامتحانات بمعهد نيوزون بحولي وعندهم دورات اذا ما تعرفين شي بالكمبيوتر انصحج تاخذين دوره وبعدين تمتحنين وأي سؤال انا حاضره

digital

مشكورة حبيبتي

بجم الدورة خذيتيها؟؟

وعسى الله يوفقج يارب

العفوووو
حبيبتى انا ما خذيت الدوره بس امتحن عندهم

الامتحان كل ماده ب 5 واهمه 7 مواد يعنى 35 مع 10 دنانير رسوم تسجيل ما ادرى شنو اسمهه

هذا رقمهم دقي وسأليهم احسن 2 2642402

وترى عندهم فرع ثاني بالسالميه بس ما اعرف رقمه وهذا المعهد معتمد و معترف فيه

أحسن لج تاخذينها دامج فاضيه الحين لان بعض الوظائف تحتاج هالدوره..
أنا خذيتها بمعهد الخوارزمي بجامعة الكويت بالشويخ مكان حلو وراقي انا خذيت الدوره كامله مع الإمتحانات 150 دينار بس يقولون ارخصت الحين بس مو واثقه من هالكلام انتي مريهم وشوفي واذا ليما الحين 150 دوري مكان ثاني لان في اماكن ارخص ……..

مشكورة حبيبتي

واسفه ان كلفت عليج

مشكورة حبيبتي والله يوفقج يارب

والله حتى انا خاطري اخذها بس مادري من وين اخذها

سؤال

و الي درس مواد حاسوب و مواد متطوره بالحاسوب

خصوصا انه احنا درسنا مواد برمجه

همن لازم ناخذ هل شهاده حق جهات معينه بالوزارات للتوظيف؟

احنا هندسة مو ملزومين ناخذها لان شي طبيعي المهندسه او المهندس يعرف بامور الكمبيوتر والبرامج وهسوالف ..

بس توني ادري من صاحبه الموضوع انه يبون يعممونها على كل الوزارات ! .. مادري صج ولا بس كلام..

بس بالنسبه لمشكلتج انتي اخذيها يمكن على وعسى تفيد وتتوظفين وهم سالي بنات دفعتج شوفيهم توظفو على هالشهاده ولا عادي

انا اللي اعرفه مو كل مكان يحتاجونه والديوان بس مجرد يرشحج مايشوف شنو الدورات اللي اخذتيها وبعدين انتي تنسقين بينج وبين المكان اللي رشحوج يا يطلبونها منج يا لا بس اغلب الاماكن الحكوميه مو مشروطه

يعني لاتحطين بالج اذا اخذتيها بيرشحونج الديوان على طول ترى مو على هالاساس يمشون

بس دامج قاعده اخذيها شوراج بس حطي ابالج انها مو شرط اساسي للترشيح

لا مو لازم لان الهندسة شي طبيعي دارسه مواد البرمجه والبرامج وتعرفين حق البور بوينت والاكسل وملحقاته

بس يمكن قريت من بعض البنات يقولون مثلا جامعة الكويت اذا بتتوظفين فيها من شروطهم يبون هالشهاده ..

انا سمعت من بنات بالمنتدى يعني مو متأكده انتي اذا تبين تتوظفين بالجامعه استفسري عنهم ..

بس اغلب الوزارات اعرف مهندسات فيهم محد طلب منهم هالشهاده ..

الديوان ما يفرض هذه الشهادة أو غيرها لانه فيه شهادة ic3 بعد
ويعتمد هالشي على الوزارة اللي بتقدمين لها
جامعة الكويت شرط للتوظيف تكوني حاصلة على ic3 أو icdl
والحين مسويين خصومات قوية على ic3 ب 70 دينار شاملة الكتب والاختبارات والدورة التدريبية كاملة والشهادة هذه عبارة عن 3 اختبارات فقط مو 7
وزارة الاوقاف والشئون الاسلامية خلال هذه الفترة بتخلي ic3 شهادة معتمدة لموظفينها

انا امس رايحة جامعة الكويت الخالدية سجلت بمركز الخوارزمي حق دورة الicdl اب 120د.ك والدورة تبدا شهر 11 ومدتها 7 اسابيع من الاحد الى الخميس ساعتين باليوم

البنات ماقصرو دلونا على اماكن موثوق بشهادتهم

يمكن بس تاخذينها كــ اعتماد شهادة مو دراسه