شنو يعني الصباحيه ؟

السلام عليكم

بنات بليز شنو يعني الصباحيه شنو يصير يعني انا عيميه ريلي حبيبي بدووي

منو راح ايي اهله ولا اهلي ؟ عشا ولا غدا ولا ريوق؟ في هدايا ؟ ومن منو؟ شالسالفه يعني
في ناس اتقولي دي جي ورقص وناس اتقول قعده عاديه
مادري شلوون احس روحي ظايعه واستحي اسأل خالتي

انا عيمية حالي حالج

و مادري شالسالفة

ان شاء الله خواتنا البدويات يساعدونج

ادري ما يقصرون

الناس غير عن بعض
في البعض يسوون حفلة
والبعض
بس أهل المعرس يمرون يسلمون عالمعاريس
وفي ممكن يتعشون
عادي اسألي
حتى البدو بين بعضهم البعض يسألون
لأن كل بيت غير عن الثاني

حبيبتي آنا بدويه وحنا في الغالب نسوي صباحيه اللي هي الليله الثانبه من الزواج تكون حفلة دى جى وعشاواهل المعرس هم اللي يسوونها وتنزل العروس لهم بآخر كشخه ,والعروس يسوولها اهلها عشا رد اسبوعها,اما اذا قصدج عن الصباحيه فهذه تكون من المعرس ويعطيج اللي ربي يقدره عليه بعضهم فلوس وبعضهم ذهب كل واحد حسب مقدرته صج نسيت اقولج بالحفله الاولي الغالب منهم يجيب هديته وياه حق العروس ومبروووووووووووووووووووووووووووووووك مقدمممممممممممما .

شوفي قلبي..

هو عشا..حق اهل العروس والمعرس المقربين .. كشخي ولبسي بدلة حفلة خاصة واذا في حفلة وديجي روحي صالون..سألي زوجج يسال امه بيكون حفلة وطقطقة وتحتاجين تروحين تسوين شعرج ومكياجج بالصالون ولا لا

اها عيل لازم اساله يسأل امه
مشكورين بعد عمري ماقصرتو والله يبارك فيكم :*

حبيبتـــــــــــــــــــــــــــي الصباحيه تكون هديه يقدمها الزوج لزوجته …………..

ولازم يجونج اهل المعرس واهلج بالهدايا يعني يزورونج

بالتوفيق

هلا حبيبتي اول شي مبروك الله يهينج ويبارك فيه

الصباحيه تكون ريوق وقعدة عاديه الحريم يقعدون والعروس تروح الصالون تكشخ وتقعد عنهم

موفقه

انا مو عيميه ولا بدويه انا حضريه و هم ما اعرف شنو يعني صباحيه و سمعت انها اتكون حفله الصبح تلبسين نفنوف حفله و تختبين تروحين الصالون و اتسوين شعرج و اتييبين مصوره لأن انا دايما اشوف البومات اعروس البدويات يكون عندهم البومين واحد العرس و الثاني الصباحيه و اتكون لابسه نفنوف حفله خبه يعني نافش و مكياج و تسريحه والله يوفقج

شوفي لازم يكون عندك ثوب للصباحيه وتجهزين نفسك عند صالون وتلبسين ذهبك
واذا قصدك صباحتك يعني طقم ذهب او هديه فلوس من زوجك ومن اهله لك
يعني البدوووو يدللون العروس انا زوجي شرالي طقم ذهب وابوه عطاني فلوس

نفس كلامي بس انا سمعت ان الحفله تكون بليل ؟

اللي بالليل اسمها مسائيه والصباحيه هديه من الزوج
انتي اسألي اذا فيه مسائيه لازم بدله حلوة وتلبسين ذهبك وتكونين متزينه عند الصالون

الله يوفقج إن شاء الله

الصباحية يعني الاستقبال
يكون ثاني يوم مثل ماقالوا الاخوات
يكون يا عشا او غدا مستحيل ريووق لانة مايمدي
اممممم لازم تلبسين وتكشخين وهذا وتنزلين نص ساعة ساعة الاربع وبس ….