|
|
حبيباتنا المعلمات .. وإداريات المدرسة
شنو ودك ادارتك تسوي.. علشان تكون المدرسة بيئة جاذبة للمعلمات.. للموظفات .. للطلبة
واذا لك تجربة في مدرستك الحين وهي بيئة جاذبة.. قوليلنا اشلون.. عطونا افكار
نقدر نقترحها في مدارسنا ونطبقها
توفير صالات للترفيه ولااااااااازم وجود تلفزيون وستالايت يعني مو غرفه وحده بس فيها تلفزيون
وصالة استراحة بكنافات مثل استراحات الجامعه
هلا حبوبه
أول شي تحاول تريـح المعلمـه .. لان المعلمـه .. هي العنصر الفعال في المدرسه ..
واذا حاولت تريح المعلمه هذا رايح ينعكس ايجابيا على الطلبه وعلى الحصه وعلى المجال التدريسي ..
ثانيا تحاول توفر الاشياء الاساسيه اللي تحتاجها المعلمه من وسائل .. واشياء تفيد الحصه ..
ثالثا تحاول تجمـل المدرسه .. أو توفر أماكـن تسليه وممتعه لـ الطلبه والطالبـات ..
مثل نادي ترفيهي .. أو نادي لكره القدم ..
يعني هذا اللي طرا على بالي الحين ..
بس ما اتوقع في مدرسه بهالمواصفات ..
واتخلي مرة او مرتين بالاسبوع رحلة
ياريت يسوووون تجمع للتعارف يعني يحجزون شاليهات او مخيمات للمعلمات للتعارف ونسوي شوي ما شوي وملاعب والله علاقل نكسر الروتين اشوي
ماقلتي اقتراحج ….. ؟
نبي داتاشو وكومبيوتر في كل صف عشان تصير الحصص والشرح فيه احلى ومشوق
كافتريا للمعلمات عشان ما يضيع الوقت باعداد الريوق والريحة بالاقسام تفوح.. نبي كافتريا نلقى فيها كل شي جاهز ونقدر نفرفش فيها نص الدوام
للطالبات نبي غرفة تسلية فيها ادوات كأنها نادي صحي وحمام سباحة في كل مدرسة وشورات
نبي المقصف يقلب مطعم بكراسي وطاولات والاكل حلو ولذيذ
نبي الزرع يترس المدارس ونبي الممرات ملونة ومشوقة
جان زين يغيرون لبس البنات لونه وشكله يلوع الجبد…. خدمنا بالبيت يلبسونن احلى منهم
نبي لون وذوق وشكل احلى ( قميص وفوقه جيليه وتنورة وكرفته مثل المدارس الاجنبية وجاكيت مثلا ) يعني مادري بس نبي ستايل
نبي نبي ونبي
انت تريد وهو يريد والله يفعل ما يريد
|
المشاركة الأصلية كتبت بواسطة شعلة الزين
 وانتي لوكال
ماقلتي اقتراحج ….. ؟ |
حبيبتي انا مديرة مساعدة فيهمنى لما اصير مديرة اني اسوي بمدرستي..
وبعدين مدرستنا الحين سووها جنها مدرسة خاصة .. سكروا كل الممرات .. والوزارة قاعدة تعدل المبنى المدرسي.. وحطينا بالممرات الداخلية زرعات.. وسوينا للطالبات مظلات وقاعدين نعدل..
بس انا عندي انه ممن الضروري البيئة الجاذبة للمعلمات اكثر من اي شيء.. لان الانسان اذا ارتاح بمكان يقدر يعطي أكثر..
والموضوع كله .. علشان احنا نستفيد كمعلمات.. وكإدارة.. اكيد في مديرات يقرون موضوعنا وخليهم يعرفون شنو نبي منهم
اول شي
الصفوف يكون فيها داتا شو
وتلفزيون وفيديو
بالاحتياطات يشغلون الفيديو للطلبة رسوم متحركه تعليمية او اي شي مفيد
ويكون شكل الصف كله الوان حلو مو قااامت ويضيق الخلق
والمدرسات يكون لهم كافتيريا خاص
ومقصف الطلبة يكون فيه كراسي وطاولات واكل مفيد
وتراعي الظروف الشخصية
ومانبي قيل وقال واذا في أبلة فتنت يجعمونها مو ياخذون بكلامها وتصير دندره
واذا سوينا شي الاداره تشكر وترز اللي تتشتغل وتكرف
ويوم مفتوح بآخر السنة
بس هالأشياء راح تخلي الروضة او المدرسة بيئة جاذبة جدا جدا للمدرسات وتشوفين طق اعصي على مدرستج الكل يبي ينتقل لها
|
المشاركة الأصلية كتبت بواسطة شعلة الزين
اشرايج باقتراحاتي ؟
|
انا وايد اشجع المعلمات على العلاقات الاجتماعية..
وانا من مؤيدين الطلعة الجماعية..
اما بالنسبة للانترنت.. ترى مدرستنا فيها بالاقسام الادارية والحاسوب.. والحين بيوصلون للمكتبة
وعجبني وايد اقتراح الاخت الثانية الألوان والكافتيريا للمعلمات.. وصج ياليتها تتحقق.