|
|
سلاام عليكم
شنو فايدة الرداداه ومتى اقدر اجيبها بالنفاس
وابي رقم رداده زينه ومجربينها
يدتي تقول الرداده ظروري تييبينها تدهنج وتردد عظامج المفججه
وسألت يدتي بأي يوم وقالت باليوم السابع ويوم 14 ويوم 21
وانا بعد ابي رقم رداده زينه فيدونا يا بنات 
الردآده مثل المسآج بعد الولآده .. !
تريحج يعني و تخليج fresh 
ديري بالج تنسين الرداده ترى مهممممممه والله اسأليني
انا ماترددت ولاتشوفين عوار عظامي لي الحين وانا صارلي 7 اشهر والده ..
97131496
هذا رقم رداده مصريه عطتني رقمها اختي املي كبير ووايد تمدحها ..
موفقه خير
اللي تبي رداده صينيه
انا اعرف وحده يايبه رداده صينيه بس للأمانه ماجربتها لان توني حامل ابجري
هذا رقم الفلبينيه مادري صينيه
مركز جانا للمساج 7669683
7668704
لاحظو ان الرقم سبع ارقام لاني مخزنه الرقم بتلفوني من زمان بس انتو ضيفوله الرقم اللي اول شي
يله خل نستفيد
واللي تجرب المركز اللي عطيتكم ياه تكفى خل تكتب لنا تجربتها لاني ناويه اييبها على ولادتي وابي استفيد معاكم
|
المشاركة الأصلية كتبت بواسطة tom & jerry
 .
الردآده مثل المسآج بعد الولآده .. ! |
ايه فعلا
الترديد مساج
مو صحيح اللي يقولون يرد الرحم
لأن الرحم يرد مكانه حتى بدون ترديد
وأنا سألت دكتورة نسا استشارية وقالت هالكلام
يعني مامنه ضرر
بس مو ضروري
الردادة مو زينة لان تسبب ارتخاء بالاربطة
والله اعلم
والله العظيم لا ولدت أحسب الأيام عشان أركض حق الردادة !
وحدة مصرية وطويلة وعريضة كبر الباب ! بالمنقف بس شنو زحمةةةةةةة ! أجيها الساعة 7ونص الصبح وألقى قدامي فوق ال20 وحدة ! << مدري متى يروحون لها !!
تمسكني وتدلكني وتقعد على وروكي من الصوبين وأنا أختنق من وزنها بس ونااااااااسة ! لأن أنا عذابي من أحمل لين أولد وروكي !
وبعدها تسويلك كاسات هوى حق بطنك وظهرك ووروكك ، وكانت تقوللي كل اللي يجوني يكون الهوى بارحامهم !
بس أنا كله بوروكي أموووووووووووت لا حطت الكاسات ! وبعدها تعطيك فوطة صحية تكويها بالكواية عشان تصير حارة وتصب فيها أعتقد زيت زيتون ! وتقولك البسيها ! وتعطيك تحاميل بعد على كيف كيفك ! وبس ! بس الله لما أرد منها آخذ نومة سنعه وأقوم وحدة ثانية !
^
يمااااااااااي تخرع ..
الحين ماعرفنا الرداده زينه ولالا طبيا شقولون؟
|
المشاركة الأصلية كتبت بواسطة om_ksha
^
^ يمااااااااااي تخرع .. الحين ماعرفنا الرداده زينه ولالا طبيا شقولون؟ |
اتوقع ثقة دام من عياده طبيه عند دكتور معروف و ملتزم و خصوصا ان زوجته دكتوره ولاده