|
|
السلام عليكم خواتي
انة بكتب مسشكلة صديقتي كويتية
والله يشهد عليي انها مشكلة صديقتي مو مشكلتي
صديقتي متزوج مطلق عنده خمس عيال مع امهم وصديقتي عندها منه اثنين
ماخذة زوجها عن قصة حب ورجال زين ومحترم ومو مقصر معاها باي شي
المشكلة من قبل لا تاخذه التزاماته المادية واجد وعليه قروض مع ان راتبه ممتاز
هو موظف بالاضافة الى عنده بزنس خاص فيه
بس تعرفون قروض والتزامات طليقته وعيالهم والتزامات زوجته وعيالها
بالاضافة الى انه البزنس ماله خسر فيه
المشكلة الحين وين ان الرجال حالته النفسية واجد تعبانة بشكل غير طبيعي وضغطه على طول مرتفع
وهو حايشته جلطة خفيفة قبل والحين حتى وزنه نازل وايد
حاولت معاه تتكلم تسولف تغير له جو مافيه فايدة
شارت عليه بتاخذ له قرض على اساس انها موظفة وهو موراضي
على قولته انه رجال البيت ومايبي يبلشها بقروض تخصه خصوصا هي عليها قرض خاص فيها
فكرت تكلم امه تكلمه بس هونت لان اهله يدرون بشكل عام عن ان عنده مشاكل مادية وزوجه مايحب تدخل اقرب المقربين بحياتهم
وفوق كل هذا طليقته كل يوم اتصلت او خلت العيال يتصلون وهواش ونجرة
هو مقدم حق صندوق الاسرة والملزوم كان في مارس او ابريل تتم له التسوية بس للاشف صارت للبعض وهو ماصارت له
الحمدلله معاملته لزوجته طيبة ولاتغيرت من حيث الاخلاق بس من يقعد معاها بروحهم تهون عليه نفسه لدرجة احيانا يقعد يبجي
انة بصراحة كتبت المشكلة هني لان ماقدرت اشور عليها ولا بشور واحد
اتمنى اذا الخوات عندهم شور يقترحون عليي
ورحم الله والديكم طلب وليس امر كل وحدة تدخل الموضوع تدعي لهم بالفرج والرحمة
كل زاج يمر بمرحلة صعبة او فترة مالية شديدة
وصديقتج احين في وقت أزمة .. المطلوب منها تسوي مثل ما كل المتزوجين يسوون توقف يمه وتخفف عليه ( وما تعطيه حلول ) الريال مو ناقص ولو يبي شورها جان طلب .. اهيه عرضت عليه تساعده ماليا واهوه رفض خلاص جزاها الله خير
تدعي له في صلاتها واهوه لو مو لاقي راحته عندها جان ما قدر يفضفض لها
مسالة طليقته ما تقدر تسوي شي
باختصار توقف يم زوجها وبس وان شالله مرحلة وتعدي واذا على القروض الناس كلها عليها قروض ودامهم عايشين وما عليهم قاصر تقول الحمدالله
لازم توقف معاه وتسانده هذي الدنيا يوم لك ويوم عليك لو اهي انحطت بهالموقف شنو تتوقع منه ماتبيه يوقف معاها ويساندها ولو بكلمه حلوه
حته لو تعبان ومريض تتحمل مو عشان خذته عن حب تتقوع حياتها كلها عسل بعسل والحمدلله دام الريال ماتغير عليها ولا يبي يلزمها معاه
توقف معاه وتسانده وماتكثر طلبات وماتحسسه ان ناقصها شي لين يوقف على ريله مره ثانيه
تقدر تشيل شوي من المسؤولية مثلا لما أغراض البيت ينقصون تروح تشتريها بدون ما تقوله ( عاد ما تدش جدامه بجيسة الماجلة !!!!! لا من ينقص سيده تشتري )
+ بما انه العيد ورمضان ياي تقدر تشتري اهيه جزء من ثياب العيد حق عيالها بس اتييب الموضوع بطريقة انه انا جفت شي وعجبني وشريته من زمان وخشيته ، او رحت مع اختي وجفت جم شي وطخيتهم فرصة كان مخفض
عشان اكون اكثر وضوح النقطة الي مضايقتها انها خايفة على زوجها يصيده شي
هي بالعكس تدعي له وتحاول تسولف معاه وماتخليه بروحه
وكل الالتزامات اللي عليه مسلمة امرها لرب العالمين وتدري ان في عائلات امورهم اصعب
بس خايفة وتحاتي ان زوجها من الضيق والاكتئاب يصيده شي
وان شاءالله تعدل امورهم الصبر زين