|
|
شنو شعورج تجاه امج اول ما ولدتي..
تحسين انها شي عظيم اكثر من العظمه اللي اهيه فيها .. وتحبينها اكثر من اول ..
انا طول ما انا في الاربعين افكر في امي .. وتخنقني العبرة ..
يعني انا جابلت ولدي اربعين يوم بس وقلبي طاير عليه واخاف عليه واحبة واحس احساس غريب من ناحيته مو نفس احد بالدنيا ..
تخيلي ان في احد يحس من ناحيتج هالاحساس .. فما بالج امج .. مجابلتج طول عمرج ..ومجابله ولدي معاي …
احس وودي اقولها كلااام يعني " يمه بس اللي سويتي لنا كفايه من قلب.بس ابيها ترتاح "بس هالجمله بروحها ما تكفي صج .
كل وقت افكر ان امي فرحت فيني هالفرحه كلها يوم ولدتني تخنقني العبرة
الواحد صج ما يدري شلون يطلع من جزا الام
تتحسفين على اشياء وايد بحياتج سويتها
تحسفت على يوم كنت اشوف التلفزيون وامي تناديني وما ارد عليها من اول مره ..تحسفت يوم امي اتطرشني حق شي اقولها يمه تعبانه خليه بعدين..
وتحسفت على اشيااااء وايد مادري شقول وشخلي .. واتخيل نفسي توني مولوده .. ابجي .. وامي تفزلي من النوم .. ولا مهتمه حق التعب .. المهم عندها راحتي
يارب ارزقنا رضى الوالدين وارحمهم يا ارحم الراحمين
اللهم امين
مشكورة اختي على الموضوع الحلو
الله يحفظلنا امهاتنا يا رب ويطول عمرهن
ام هاجر
ياااااارب اني اكوون باارة بوالديني ولايحرمني من رضاااااااهم
صج الام شي لايمكن انه ينوصف بكلماااااات
أذكر يوم كنت حامل ببجري ويوم أيني الطلق حسيت بأمي وكيف يابتني وتميت مده لين ولدت ويوم ولدت فعلآ حسيت بمعنى الام وكيف هي يابتني بألم ومعاناه
والله يخلي لنا أمهاتنا ويطول باعمارهم أن شاءالله..
وياليتها عايشه حتى اعوضها…
كثير تمنيت تكون معي اف زواجي وولادتي وتشوفني لما اكبر ..لاني اخر العنقود عندها…حيل مرت علي ايام احتجتها
بس الاخت مثل الأم بعد
وخواتي ماقصروا
و الحمدلله على كل شيء
اللهم ارحمها وأغفرلها كما ربتني صغيره…
الله لا يحرمنا منهم ويقدرنا على خدمتهم
مع اني ماتزوجت لما الحين بس تأثرت وايد بكلامج .. عسى الله يقدرنا على برها
