شنو ردت فعلكم يا مدرسات عقب قصة بنت العارضية

طبعا السؤال واضح من العنوان
بس حبيت اعرف ردت فعلكم يا معلمات من هالقضية
لان بصراحة احس الحين مهنة المدرسة من اصعب المهن , بصراحة عيال الكويت ما ينجاسون كلش و اولياء الامور بلشة تلقينهم يبون يتهاوشون مع ا لمدرسة على اتفه الاسباب بس لو اهم مكان المدرسة بسوون نفس الشي

انا مع ولية الامر ماكو احد يرضى ان ولده او بنته ينطقون و هذا شي طبيعي بس انج تكلمين الطالب/ة او تنهينها عن الغلط هذا عاد ماله داعي الاعتراض يتراوالي حتى لو بتصرخ المدرسة لانها تكون مضغوطة طول اليوم و ليه دخلت الصف تعالوا شوفو اليهال اللي تتكلم و اللي تاكل و الا تشرب و ماشالله عليهم هالجيل ليه كلمتيهم يطنشونج ما يهابون الا ليه عليتي النبرة و حمرتي العين

و شي اكيد ان المدرسة المسمية و المصلية و بنت الاصول ما بتقصد انها اضر الياهل اذا صرخت او هاوشت لان قصدها بس مجرد انها تضبط الصف

و صراحة عقب سالفة بنت العارضية و شلون انبلشت فيها المدرسة اللي عطت و المدرسة اللي على حسب الكلام اللي انقال صرخت و حتى الناظرة ما سلمت من الموضوع
يا جماعة الموضوع ما يمنع ان في غلط من المدرسة و لكن بالنهاية هذا يوم البنت و هذا الشي قضاء و قدر

و الحين انتظر رايكم ؟ و ابي اعرف هل تغير سلوك المدرسات في تعاملهم مع الطلبة و الطالبات عقب هالسالفة؟

اتوقع موته هالبنت غيرت كثير من المفاهيم لدى المعلمات والناظرات وكل من يعمل في المدرسة
الله يرحمها يارب
والوحدة تعامل عيال الناس بمايرضي الله ويرضي ضميرها ومثل ماتبين الناس تعامل عيالج عاملي عيال غيرج
اتمنى اننا نغير مفهوم الناس عن المعلمة ونخليه انه المعلمة
علم
حنان
اخلاق
هدوءوثبات
رقي
احساس
ضمير حي
اخلاص في العمل
وصدقيني مراقبة الله عزوجل في العمل تحقق لكم كل شي
وتجلب لكم الخير وتبعد عنكم الشر
والله يعينا يارب

بس صرخه عن صرخه تفرق

بعدين اولى ابتدائي يبيلهم تعامل خاااص بصراحه

لان اقل شي يكرههم بالمدرسه والابله

كمثال انا كنت ب2 ابتدائي اكره كرررررررررره العمى ابلة الفنية ليييييييييييييييش؟؟؟؟؟؟؟؟؟؟

لانها كانت تصرخ علينا وكان يوم الفنيه صياح وقلق نفسسسسسي لان نفس الطالبة لالي باول ابتدائي او 2 او 3 ماتستحمل يمكن 4 و5 و6 اهون شوووووي تتقبل لانها خذت وتعودت عالمدرسه

انا مااقول مانصرخ لا نصرررخ بس ماامسك وحده معينه واصرخ عليها
لا طبعا اصرخ عالفصل كله وبشكل تتقبله الطفله

انا معلمة مرحلة ثانويه واشوف البنات وانا صااده اللي تشرب مايس وتاكل واللي تتعلك بس اطالعهم بس نظرررررررره وحده لا صراخ ولا اقول لهم قطي اللي بحلقك ولا شي هم من نفسهم يوقفون عن الاكل والشرب وغيييره

يعني مهنة التدريس يبي لها فن تعامل راقي وبس

مشكله المعلمين والمعلمات يترحمون على مهنة التتدريس اول واحترام المعلم اللي ماعاد له وجود
ويقولج ..جيل هالوقت غير ..
فعلا جيل هالوقت غير… ومعلمين هالوقت ايضا غير
جيل متفتح .واعي ..يرد ويناقش ..طيب انت كمعلم او انتي كمعلمه لازم تتطورين معاه وتطورين نفسج
كماده وكتعامل..
يعني احنا كنا نحس باهتمام المعلمة قبل وحرصها رغم صراخها او شدتها معانا
بالعكس للحين نتذكر الابله الشديدة معانا ونحس انا تعلمنا منها ..والابله الضعيفة في شخصيتها او مادتها مالها اي تأثير فينا
لا في شخصيتنا ولا في ذاكرتنا..
الحين الابله تنفس عن همومها ومشاكلها وكبتها في الصف ..
في النهايه هذيلا صغاار …وامانه باعناقنا سواء ابتدائي متوسط او ثانوي
يعني ابله الابتدائي تدش الصف ومتوقعه انها بتخرع الجهال وراح يطيعونها طاعة عميااء
في الثانوي ..تحط نفسها ند للبنت ..هالبنت بتغثني او تعاندني …او تطالعني بنظره …؟؟
في النهايه هي جاهل ..وكل مرحله لها طبيعتها ..واحنا دارسين في كلية الترربية مواد تأهلنا للتعامل مع كل مرحله
عمريه بما يناسبها .. تأهلنا لتحديد الفروق الفرديه بين الطلبه
انتي عارفه الصف فيه نوعيات مختلفة ونفسيات مختلفة ..بس للاسف معظم المعلمات يختلط عندها الحابل بالنابل
لكن للاسف الدراسه شي والتطبيق شي آاااخر …
البنت اللي توفت الله يرحمها …جد تعور القلب ..لانه المعلمات والاداره يتحملون ذنبها
المعلمه تصرخ …لانها مكبوته ؟؟ طيب الى اي مدى هالصرخة اللي خلت البنت حتى ما تقدر ترد النفس …؟؟
حشا اسد مو معلمة ..
والاداره ؟؟؟ موقفها سلبي جدا ..
لو كل وحدة فينا كمعلمات تحط في بالها انها قاعدة تؤدي واجبها كمعلمة ارضاء لربها وضميرها
وتخاف الله في طلبتها ..
بعيد عن محاولات كسب الادارة والموجهين ..بعيد عن " كم خذيت في تقرير الكفاءة "
جان التعليم بخير وعيالنا بخير
لو كل وحدة فينا تحط انه اللي جدامها هذيلا مثل عيالها ..
جان التعليم بخير وعيالنا بخير

الله يرحم شهد المطيري ويسكنها الجنة ويصبر قلوب اهلها …

والله ردة الفعل الي لازم كل مدارس الكويت يتخذونها وبقرار وزاري اهو دورة شاملة للاسعافات الاولية وثاني شي السستر الي بالمدرسة تكون متفرغة للحالات الطارئة ومو سستر اسنان؟؟؟ شستفيد انا بوضع مثل وضع البنت الي ماتت؟؟ الف رحمة ونور عليها وعلى قلب اهلها

ليش ماتؤمنون ان هذا يوم البنت
ماتت بالحلاوولا بغيره
من زمان واحنا نعطي الطالبات حلويات ليش ماماتوا؟؟؟؟؟؟؟
يعني الي يموت من السياره خلاص يحرم يركب سياره؟؟؟؟
البنت غصت نفس ما الكل يغص بس الغلطه انه ماكو اسعافات اوليه بس
لا المدرسه مجرمه ولا شي

صح كلامج دانه الكويت

هذا يومها البنت

ببعدين صراحه انا اشك

انا ادارة المدرسة والمدرسة والمدرسات ماسوا شي للبنت ؟؟

مو معقوله كلششش ماتحركوا …

والله يابنات العام عندنا واحد فيه صرع اسم الله عليكم

وعلاجه بالمدرسة

والله مرة طاح ماقصرنا فيييه كلشششششش
حتى المدرسة حطتله التحميله من ورا

ولا انقرفت ولا شي

مو معقوله البنت طايحه جدامهم ولا وحده تحركت

هذولا صج اللي يبيلهم عقاااااااب

والصراخ عادي لاتقولون احنا مانرضى على عيالنا

ماترضون خلوا عيالكم بالبيت

واحنا المدرسات نخاف عليهم اكثر منكم

وحنا نداوم نربيهم ونعلمهم زياده على تربيتكم وتعليمكم

مو معقوله طول الحصه بقعد مع الطلبة من غير لاازف ولا اهاوش الغلطان ولا اصارخ واقولهم اسكتوا

اوكي بس مو كل الحصه

اذا شافوا الابله طول الحصه تصارخ اكرهوها

واذا شافوها طول الحصه ساكته ولا تهاوش وتعاقب خلوها مسخرة وصار الصف فوضى

وانتوا اشدراكم ان الابله صارخت عالبنات يقطون الحلاو بشكل يخررررع ؟؟

انا اذا شفت الطالب ياكل بالصف مازفه بس اطالعه

واقول بصوت عالي لكل الصف

الاكلللللل ممنوع بالحصه واذا خلصنا درسنا بسرعه اخليكم تاكلون

واذا بعدها فرصه اقولهم اوديكم المقصف تشترون قبل لايطق الجرس

بس ولي امر الطالبة

طااااااااح بالمدرسة والابله طييييييييييح

الله يرحمها ويصبر اهلهااااا على فراقهاااااااااا

الحلاو سبه لموت البنت ,, هذا يومها

الله يعين قلب اهلها

لكن المعلمه المفروض انها تتحكم بانفعالاتها مهما كانت ظروفها

يعني اذا عندها ظرف او ضغط من اي جانب شنو ذنب الطفل الي امانه بايدها ؟؟؟؟

المغروض نتعامل مع اليهال بالمعقول ما نتهاون معاهم ولا نستنقر عليهم

بصراحه مع إني تعين جديد إلا إني أحس إن المدرسه ماله أي هيبه والا قيمه كل من هب ودب يصرخ عليها ويشلخونها بشكاوي بعض الناس بس يبون يشتكون أي نعم إن في مدرسات يستاهلون بس عاد مو الهدرجه . أن متعاطفه حيل مع البنت عسي الله يجعلها شفيعه لأهلها. بس هم المدرسه شنو كان ممكن تسوي تكتبلها عمر جديد ولا تسويلها إسعافات أوليه وهي مو دكتوره . لازم يكون هناك قانون يحميان شنو لنا وشنو علينا .

بنات لا تنسون شغلة البنت ما توفت من اللحظة اللي بلعت فيها الحلاوة توفت بسبب تأخير الاسعاف والمدرسة ما تقدر تتصرف من كيفها هذي مسئولية وبعدين المدرسة ما فيها اسعافات اولية وناس متخصصين بالموضوع مثل ممرضة يعني هني اذا بنلوم لازم نلوم الوزارة وفوقها نلوم المسئولين اللي فوق الوزارة بعد

قدر الله ماشاء فعل

في جهال يموتون وهم بحضن امهم

وهذا يومها قدر الله انها تموت في هاليوم وبهالساعه وبهالطريقة

والمعلمة ما خصت البنت بروحها عشان يحملونها ذنب الخطأ من الطفلة اللي بلعت الحلاوة وتصرف المعلمة عادي جداً

وهالحوادث تصير في بيوتنا

والمفروض فعلاً وجود عيادة طبية في كل مدرسة خاصة الابتدائيات لأن مشاكلهم كثيره
موضوع
وشكرا لصاحبة ال

انا ضد الصراخ,,
لانه ينعكس على نفسية الطلبة ,,
ممكن الاستاذة تستخدم نبرة صوت حازمة او تهدد بالدرجات,,بس الصراخ لا لانه اسلوب فيه قسوة,,

وسلبياته كثيرة,,

حتى لو الصراخ مو على طالب معين وكان على الصف بشكل كلي,,
هم الطلبة بيخافون وموبعيدة يكرهون الابلة والحصة وتصير عندهم عقدة من المادة,,

وانا صادفت وايد مدرسات ماعندهم اسلوب الصراخ وكانوا يعاملون الطلبة باسلوب التودد وكان الصف ينضبط,,

والطفل نفسيته حساسة بسرعة تتاثر وهالشي بياثر مو بس على نفسيته بالوقت الحالي وانما بعد على شخصيته وعلى المدى البعيد,,

وللعلم ان الصراخ ممكن حتى ياثر على نفسية الابلة نفسها ومع الايام يصير الصراخ شي معتاد عندها مو بس بالمدرسة حتى بيتها مع اهلها وعيالها وزوجها,,وهذا اعتراف من احد المدرسات اللي اعرفهم,,