|
|
صبـاح الخيــر كروشات عسى ربي يسهل عليكم كلكم وتقر عيونكم بشوفة بيبياتكم متعافيه بحضنكم .gif "Eh S(17)")
انا توني ولدت بشهر 10 وجبت ولد عسول عسى ربي يحفظه لي ويخليه ومثل كل بجريه كنت ماني عارفه شنو ابي وشنو ما ابي ولما اروح اتسوق للبيبي طبعا المحلات ملياااانه شغلات حلوه ماتعرفين شتاخذين وشتخلين وللمنتديات الي تقول انا خذت هذا وخذت واحنا نضيع بالوسط
طبعا هالموضوع صج للبكريات يستفيدون منه بس هم يمكن وحده والده من قبل وانا جربت شي هي ماجربته واستفدت منه افيدها
حياكم معاي بسم الله نبدأ
اول شي مخدة الرضاعه مثل الي بالصوره تحت
الصراحه انا هذي كلش ما استفدت منها للرضاعه الطبيعيه بس استفدت منها للرضاعه الصناعيه والحين بقولكم شلون, انا لما كنت ارضع طبيعي ماكنت اجندس علي جدام كنت ايب الياهل صوبي وانا متسنده هالقعده كانت مريحه لي ولولدي حتي امي كانت تستغرب بس تقولي وايد اريح لو تجندسين تتعبين فما كنت احتاج هالمخده واصلا ترا شغله كل مابترضعين تحطين هالمخدره داير مادار خصرج انتي يدوب بتشيلين البيبي من فراشه وتجيبينه يم صدرج ولا بنص الليل
بس استفدت منها الحين لما ولدي دش الاربع شهور قمت لما اعطيه المرضاعه ماخليه بحضني انومه عليها بحيث يكون جسمه مايل واعطيه هالشي اريحلي وهو بعد يرتاح وساعات ينام بمكانه
ننتقل للمراضيع
انا نوعين المرضاعه الي رسيت عليهم هم بيجون وجيكو
بيجون هذي معروفه وفي منها احجام وموجوده بكل مكان بيبي شوب الصيدليات وحتي الجمعيات بس عيبها حلمتها يابسه ومايبيها الياهل فكنت استخدم معاها حلمات بيبي شوب من ماركه JUNIORS مالقيت صوره لهم
وهذي مرضاعه جيكو وايد زينه وحلمات جيكو بعد زينه
وهذي مرضاعه جيكو وايد زينه وحلمات جيكو بعد زينه
وهالمرضاعه الصغيره الي فوق رقم واحد بس ريلي خذها لي وانفعتني واايد للماي والينسون وحلمتها لينه ولدي تقبلها من الولاده
ننتقل لجهاز تدفئه المراضيع الي خذته من جيكو
طبعا كلش ماستخدمته ولا احتجت اني استخدمه الصراحه انا كنت اعتمد عالحمام المائي في تدفيه المراضيع أأمن واسرع طريقه يعني اذا الحليب حار احط المرضاعه بكوب ماي بار واذا بارد العكس بس مادري يمكن في ناس استخدموه واستفادو منه يقولونلنا تجربتهم بس انا للأمانه ماستخدمته لحد الحين وطبعا حتي معقم المراضيع ماشريته المراضيع نغسلهم ونحطهم بالثلاجه هذي طريقه تعقيم عمليه ومتوفره يعني مالها داعي زياده الاغراض
الحين ننتقل لطاولة التبديل هذي وفي منها اشكال بس الفكره مثل الي بالصوره
الصراحه انا ماستخدمت هالطاوله في تبديل ولدي الا مره وحده وبعدها تحولت كبت وبس كنت استخدم فرشه التبديل الي في الصوره تحت واحطها عالسرير وعالارض واحط عليها مفرش ومخده صغيره مثل الصوره وابدله اريحلي وبعدين اذا بروح عنه شوي او بجيب شغله ما احاتي انه يطيح
طبعا في اشياء مهمه وضروريه لازم تكون عندج وكلها انواع زينه: مثل سرير البيبي, الكرسي الي يقعد وينام فيه, كرسي السياره, والعربانه انا خذت هالسوالف من جيكو بس صديقاتي بعضهم خذوهم من بيبي شوب ويمدحون نوعيتهم بعد
وبالنسبه للمصاصه انا ماكنت ابي اعطيها ولدي والحمدلله ماحتجت اني اعطيه وافتكيت من هالسالفه
الصراحه هذا الي ذكرته الحين من تجربتي واذا ذكرت شي ثاني برجع اكتبلكم عنه والي عندها سؤال لا تتردد والله يهون عالجميييع يارب
اي وبنات تذكرت بعد صدريه الرضاعه وااايد مهمه وعمليه انا استغرب من البنات الي يقولون مب ضروريه ونرضع بالستيان العادي والانواع احسنهم جيكو وبيبي شوب بعد زينين والشي الثاني انا كنت اعطي ولدي رقم ينسون وايد زين للغازات وحده بوحده يوم وترك او حسب الحاجه
يعطيج العافيه . . حلو البرنامج
حياج سارونه
ممكن تشرحين شلون تكعدين وترضعين الولد؟ مفهمت الكلام (موكويتيه)
اني رح ابدي كورس من باجر ان شاء الله ٥ محاضرات عن الولاده وشنو لازم نسوي
ووراها كورس اهتمام ورعايه بالطفل وشلون نشيله ونرضعه والبسه هدوم وهيجي
ابدا ماعندي فكره بصراحه ولاعمري بيوم شلت طفل صغير ولاقربت منه واخاف كلش
اني رح ابدي كورس من باجر ان شاء الله ٥ محاضرات عن الولاده وشنو لازم نسوي
ووراها كورس اهتمام ورعايه بالطفل وشلون نشيله ونرضعه والبسه هدوم وهيجي
ابدا ماعندي فكره بصراحه ولاعمري بيوم شلت طفل صغير ولاقربت منه واخاف كلش
تصدقين مخدة الرضاعه وايد وايد وايد فادتني
بغيت اعرف من وين اشتري كبت صغير لهدوم البيبي ؟؟
مشكورة حبيبتي أي من وين أحصل كبت البيبي أبي مثل هذاا وين الاقيه
البتات تلاقونهم بيبي سنتر الفروانيه والجهرا
واسعارهم حلوة بحدود ال ٢٥
شكرا لصاحبة الموضوع
بس برايي ان المميات لازم تتعقم اما انج تغلينهم بجدر ماي
او تحطينهم بمعقم المميات
لازم ماي او بخار حار عشان يقتل الجراثيم
المخده خواتي مطيرنها
فشريتها
مادري عاد
مالي تجارب
توني بجر
فشريتها
مادري عاد
مالي تجارب
توني بجر
ومال التبديل صاجه
خواتي قالوا ماله داعي
ماقصرتي ياقلبي
انا بجريه بعد
من رايي ان الياهل بالاربعين ما تشترين له سرير صغير كلش ولا تفكرين فيه
احسن شي السرير اللي يصير نفس السله
واذا طلعتي من الاربعين اخذيله سرير لي عمر ٣ سنين كبير
واهم شي اني اخذت له ٤ رضاعات بعد وماكثرت له هدوم الحمدلله
من رايي ان الياهل بالاربعين ما تشترين له سرير صغير كلش ولا تفكرين فيه
احسن شي السرير اللي يصير نفس السله
واذا طلعتي من الاربعين اخذيله سرير لي عمر ٣ سنين كبير
واهم شي اني اخذت له ٤ رضاعات بعد وماكثرت له هدوم الحمدلله
وبشوف اذا ولدت ان شالله شنو اغلاطي وبعلمكم
ادعوا لي ما بقى شي
يعطيج العافيةة حبيبتي
انا للحين ما جههزت مع اني بالسااابع ان شاءالله يمديني قبل لا اثثقل
انا للحين ما جههزت مع اني بالسااابع ان شاءالله يمديني قبل لا اثثقل
حبيبتي قطريه ،. ماقصرتي عالموضوع ،.
والله يحفظلج ولدج ان شاءالله ويبلغج فيه ،.
عاد انا بجريه وخذت سخانه المراضيع ومعقم المراضيع ومادري اذا بيكونون زينين ولا لا ،.
موضوع حلو لايوقف
انا بجرية
انا بجرية
رضعات شيكو من وين احصلهم؟؟