|
|
شنو الفرق بين تخصص تاريخ (بالتربية) والتاريخ (بالاداب ) ؟
انا مستجده .. وناوية أتخصص تاريخ .. وأصير مدرسة تاريخ ..
وفي بنات قالوا لي أني أقدر أصير مدرسة تاريخ بالاداب ..
بس بعرف .. تخصص تاريخ بالاداب شيفرق عن التربية ؟
والا لازم أحول تربية عشان أصير مدرسة تاريخ ؟
ياريت تساعدوني وتطمنون قلبي
اما اذا اداب تقدرين تصيرين مدرسه او اي مكان انتي تبينه ..
موفقــــــــــه
اما التربيه المواد تكون متوزعه مابين مواد التربيه ومواد التاريخ في الآداب فـ تصير المواد التاريخيه أقل من مما تكونين بـ الآداب
وطبعاً في التربيه يعلمونج ع التدريس والتعامل مع الطلاب اما في الآداب مالهم علاقه في التدريس .. تااارريخ بحت
ومع التخرج أكييد يفرق اذا كنتي تربيه ولا آداب
اللي متخرجين من التربيه هم لهم الاولويه اما في الآداب ماتدرين وين يقطونج
اعرف وحده متخرجه من الاداب تخصص تاريخ وقطوها بمستوصف !! بس قدرت بالأخير انها تصير مدرسة اجتماعيات
فـ نصيحه اذا ودج بالتدريس حولي للتربيه لأن أضمن لج وكـ دراسه هم يهيئونج للتدريس
اما بالنسبه لتخصص التاريخ روحي اسألي اذا مفتوح ولا لا .. لأن بعض التخصصات فيها اكتفاء فـ يصكرونها
وبالتوفيق قلبي
الله يوفقج
راح تكون دراستج كلها على انج بتتخرجين وتصيرين مدرسه ,, يعني يهيئونج و يدرسون على اساس تتخرجين مدرسه
في مواد عن المدرسه و التربيه و طريقة التدريس و البرزنتيشن و في ميداني اخر شي تتشغلين كورس بمدرسة و جذي
مواده تنقسم نص مواد تربويه ( تربية اسريه , اصول تربيه , مبادىء تربيه … إلخ )
والنص الثاني مواد تخصصج نفسه ( التاريخ )
هني لما تتخرجين تشتغلين على طول مدرسه ,, شهادتج شهادة ابله
:
:
تاريخ الآداب
تاخذين مواد مشتركه اول شي عربي و انجليزي و مواد علوم شويه و فلسفه و عربي ,, مواد عامه من كل الكليات يعني
ومواد تخصصج ( تاريخ )
ولازم يصير عندج تخصص مساند ,, التخصص المساند يعني تختارين اي تخصص يعجبج بالجامعه ( ادبي بما انج ادبي ) و تاخذين منهم 8 مواد
يعني مثلا تبين تتخصصين مساند اداريه ,, او انجليزي ,, او فلسفه ,, او اعلام ,, تاخذين 8 مواد من القسم ويصير تخصصج مساند
يعني تخصص رئيسي تاريخ و مساند اللي انتي تختارينه =)
بالآداب لما تتخرجين مجالات التوظيف اكثر ,, يعني تقدرين تصيرين مدرسه او اي شي ثاني ,, شهادتج ما تقتصر على التربية بس
مجالاتها اوسع عرفتي
واحس دراستها وايد احلى ,, موادها حلوه و هم يعطونج فرصه تختارين تخصص ثاني مساند لشي انتي تحبنيه و ودج تعرفين عنه ( اعلام , انجليزي , اداريه , فلسفه , عربي )
عشان لا يضيق خلقج كل شي تاريخ لوول جذي و جذي
انا اشوف انه الاداب احلى ( مو عشان كليتي لووول )
بس يعني انتي جذي ولا جذي بتتخرجين ابلة ,, استانسي بحياة الجامعه و استمتعي دراستج ,, و دراستج الاداب احلى من التربية
ولج حرية الاختيار اكيد
موفقه عسووله =)
|
المشاركة الأصلية كتبت بواسطة whisper ~
 اللي متخرجين من التربيه هم لهم الاولويه اما في الآداب ماتدرين وين يقطونج
اعرف وحده متخرجه من الاداب تخصص تاريخ وقطوها بمستوصف !! |
اهيه لو قاله تبي تشتغل بمدرسه جان حطوها ,,
بس اهيه ما تبي تربية الظاهر كانت تبي اي مكان ثاني يقبلها و حطوها بمستوصف ,, اهيه ما تبي تصير ابله
لو تبي تصير ابله عادي ما يحطونها مكان ثاني
مرت ولد خالي دارسه تاريخ بالاداب و الحين مدرسة تاريخ
و بنت خالتي دارسه انجليزي بالآداب والحين اهيه ابلة انجليزي =)
حسب رغبة البنيه
وانا مستجده بالاداب وحبيتها .. واهم شي عندي أصير مدرسة ..
والحمدلله تأكدت من ردودكم .. ^.^ .. ومره ثانية مشكورين وما قصرتوا
هالمواد تفيدج اذا بتصيرين مدرسة ,, والتاريخ من قسم الاجتماعيات
فـ هالمواد تفيدج مع تخصصج و سهله بعد =)
موفقه عسوله ,,
شنو اخذ مع العلم كان بودي اعلام بس للاسف مااقدر لاني مو جريئه وشغلها وايد ماادري اخذ تاريخ ولا جغرافيا شنو اضمن واذا
خذيت تاريخ شنو اخذ مساند يكون سهل ومرغوب وبغيت اسئل اختي الي قالت انة اتعرف وحده متخرجه من التاريخ اشلون غلوها
مستوصف غريبه ؟؟؟؟؟؟؟؟
يعطيكم آلعآفيه بنآآآت
اذا صارت شهادتج تربوية وتعينت مدرسة 00 ماراح تقدرين تطلعين من التربية الا بعد عشر سنين وماتتوظفين عقبها الا بعد سنتين
اما اذا كانت شهادتج اداب وطفرتي يوم من التربية وتبين اتحولين او تستقيلين من التربية فامورج تكون اسهل
وتوظيفج بالوزارات الثانية يكون اسهل من لو ان شهادتج تربوية
هذا الفرق حبيبتي والحمدالله انا شهادتي اداب انجليزي وناوية اطلع من خياس التربية بعد 8 سنوات خدمة بلا فائدة
لو كانت شهادتي تربوية كان قصيت لنفسي كرت في الطب النفسي
بسس بنآت سؤال اذا وحدة تاريخ تربيه ووحده تاريخ اداب نفس المعآش ؟!" وجم تقريباً معاش تاريخ اداب :’*!
موفقه يا الغلا,,