شنو الشي اللي تكرهينه بريلج ؟ وشنو الكلمه اللي ماتحبين تسمعينها منه ؟ يالله تعااالو

السلام عليكم

شلونكم بنات شخباركم حبايبي ؟

انشالله تكونون بأحسن حال

بنات طرا على بالي هالسؤال ؟

شنو اكثر شي تكرهينه بريلج ؟؟

لما يحقرج مثلا … او لما يتأخر عليج ويزرعج وانتي ناطرته ؟ .. او لما يحرجج مثلا جدام الناس بشغله وانتي مالج خلق تسوينها ؟؟؟ او .. او .. . ؟

وشنو الكلمه الي حيل تنقهرين لما تسمعينها منه ؟؟؟ تطفرين منها …

يالله انا اول وحده بجاوب :

الشي اللي ماحبه فيه واكره كره العما لما يحقرني اذا كنا متهاوشين ودي يكلمني عشان اطلع حرتي فيه لوووووول

<<<<< ماتقصر الشر

والكلمه اللي اكرها منه اذا قالي ( انزين انزين ) ورا بعض يكون ماله خلقي لووووووول والله هالكلمه حيل تبط جبدي

ونسيت اقولكم بعد الشي اللي ماحبه انه مواعيده مو مضبوطه

يالله بدعو شاركوني بردودكم الحلوه

انا زوجي مثل زوجج يحقر وقت المخانق واذا ضبت كم كلمه ابي اقولها بس يكلمني

اموت من القهر يحقر حقران مامثله وكل الكلام يضيع

اما الكلمه الي ودي ازنطه اذا قلت له ابي شغله وهو مايبي يجيبها يقول يصير خير عاد انا اقول بس تقول يصير خير ماييصير الا الشر

هههههههههههههههههههههه

اكره فيه العناد اذا قال لا ما يقول ئي
والليفزني فيه اذا قلت له خلنا نتمشى ونطلع يقولي ببرود وين نروح؟
اووف اموت من هالكلمة

لوووووووووووووووووووووووووووووووووووووول ضحكتيني

نورتي موضوعي حبوبه

لوووووول اي والله انا بعد احتر لانه ماكو مكان زين

عطرتي صفحتي

اللي أكرهه فيه لما نتهاوش و يحاول يلف السالفه علي و يطلعني الغلطانه ، اللي ما أحب أسمعه منه لما يقولي غبيه أو ما يعادلها بس عطيته درس جم مره خليته يحس بغلطته ، على شهادتي و مستواي التعليمي و غبيييييييييه

كرامتي ما تسمحلي اجاوب

لوووووووووول ضحكتووني
انا الشي الي اكرهه فيه انه وايد عصبي ويتنرفز بسرعه صج عسكري هههه ومايحاول يفهم الموضووع عدل
ةالكلمه الي مااحب اسمعها منه لمن يقووولي انتي ليلحين ماعرفتيني افيييه ودي اقطعه بأسناني
بس ومشكووورين عالموضوع الحلو

لوووووووووووووووول

الله يكون بعونج احنا الحريم كله ضحيه

حبوبه احنا قاعدين نضحك وبراحتج يالغاليه لا تجاوبين

لوووووووووووووووووول انا بعد ريلي عسكري صج يخرعون ها

العفو حبيبتي نورتي القعده

اكره عصبيته وغيرته الشديده علي وماحب اسمع منه كلام واجد بس الصبرر حلووو

اذا على الكلام الي ما احب اسمعه منه وااااااااااااااااااااااااااااايد ما اظن صفحتج تكفي

اما عن الشي الي ماحبه فيه … تطنيشه و لما يطلعني غلطانه دايمن اوف اوف اوف

الشي اللي اكرهه بزوجي يالله 1- البخل او باالاصح مش انه ما يصرف علي يعني موظفه صرفي علي عمرج وعلي بنتج
ويوم اقوله مثلا عن وحده زوجها ما يصرف عليها يقول لاااااااااااا غلط وحرام الزوج مسئول عنها شرعا امام الله من لبسها واكلها وشربها *_* وانا يعني ما انعد من الحريم او رجل كرسي؟ !!! مو قادره استوعب نظريته؟
او يوم اقوله حبيبي خل نطلع يقب بوجهي وين نروح الحين ويك اند الناس كلها بالشارع ؟؟؟ اقوله شنو يعني يقول زحمه والناس تشوفج؟
عقد رجلي عقدد
صرت اكره اطلع وحابسه نفسي بالبيت وكل يوم اعد الطوف يمكن ينقصون علي يوم
ويوم بالغلط اقول لخالتي تقب بوجهي وتقول ولدي مقصر عليج بشيء اسكت واقول لا
وخذي نصايح الخاله
سبحيه ليش ياهل ؟
بوسي ريله ومنهم اهوه علشان ابوس رجله
ابوس ريل امي ابرك
خالتي بروحه سالفه
لبسيله وكشخيله ( يعني ينقال تعرف عني كل شيء)
ما في احسن مني باللبس بالبيت والحمد الله مشكلتها تتدخل خالتي وايد
الله يهديه خالتي زينه ما اقول عنها شيء بس لو مو هالتدخلات
تحب تعرف كل شارده وورده ؟
حتي يوم ابي اقص شعري تزفني لا يا ويلج *_* شنو
شرايكم انتوا ؟
بحالتي
مع زوجي العزيز
نسيت اقولكم زوجي سلبي اشوي
وبارد وجداااااااااااااا باسلوبه معاي
ما ادري شسوي معاه
عطوني حال مع هالزوج
تخيلوا من كثر ما انا اطفر صرت اقوله شرايك بفلانه زوجه لك
والمهر علي
انا علي اطراف الجنون
ولا يوم نروح صوب دوار الطب النفسي يقولي
ادخلج واخذ فلوسج لاخر الشهر
وارجعج البيت
والله قهر من هالريال

اي كلمه ما تعجبني لاني اكثر الكلام ما يعجبني خخخخخخخخخخخ

والشي اللي ما احبه فيه لمن انتهاوش يحقر وما يرد كلش امبيييييييييه انقهر انا وازيد

ومشكوره حبيبتي على الموضوع

والله انا الشي اللي اكرهه بريلي اذا بجيت ما يراضيني اموووووووووووووت اموووووووووووت
عاد اذا صج بجيت وماراضاني ادش الحمام واقفل الباب يموووووت يمووت ما يحب ابجي بالحمام ويطق الباب لمن افتح ويراضيني لوووووووووووووووووول
والكلمة اللي اكرهها منه لمن يقولي شفيها هذي اموووووت شنو شفيها هذي ياربي علييييييييك اووف شنسوي بعد نصبر ونطوف عشان ورعانا لوووووووووول