|
|
بنات شلونكم شخباركم ..
انا كتبت هالموضوع وابي مساعدة خوات .. لان صج محتاجتكم ..
ان شاء الله بعد جم شهر راح انخطب.. في ناس دقو على امي وبيون ان شاء الله .. بس انا ماعرف ولا شي بهالمواضيع
انا تقريباً الكبيره بالعايله ، واللي من اهلي تزوجو بعاد شوي علاقتي مو وايد معاهم عشان اسأل واستفسر .. ولما اسأل امي ماتجاوبني .. لان غير عنها اول شلون طريقتهم او ساعات اسألها تضيع السالفه وتبتسم وانا اساساً استحي اسألها ف سكت قلت مابي اسألها مره ثانيه !أبي اعرف شيصير بالخطبه ؟ انا شسوي؟ شنو البس؟ وشقول؟ ناس سألتهم قالولي تقدمين شي يشربونه وتطلعين
وناس قالولي تقعدين وتسلمين وتتكلمين معاهم ؟انا وايد استحي بشكل مو طبيعي ومتوتره حيل ومادري شسوي! بليز ساعدوني بنات … وهم بعد اذا ماعليكم كلافه قولولي بعد الخطبه شيصير؟ شلون الملجه وهم شنو البس وشيصير وقتها ؟
وبس ..
مشكورين .. 
الخطبه أول شي..يجووون الحريم..وتقعد أمج واللي يعز عليها خالتج اختج..أي كان منو مع أمج وقت زوارة الناس اللي راح يخطبون..يتقهون وسوالف بينهم..بعدين يقولون نادوا العروس..علشان أمه واللي معاه يبون يشوفون الزوجه اللي يختارون لولدهم..المهم أمج تناديج..وخليج(بدلة ذربه ومكياج خفيف نااااااعم..لاتهولين بنفسج وتخشين ملامح وجهج..وتسريحه بسيطه)تعالي ادخلي وقعدي على صوب..واهم راح يشوفونج..اذا اسألوج..ردي على قد السؤال..أنا عن نفسي ما سألوا..قعدت 5 دقايق وطلعت..ويمكن أقل..بعدها راح تروحين..وتكمل سالفة الخطبه مع أمج واللي معاها..
يرووحن الناس..وإذا أنتي عجبتيهم..راح يدقون ويقولون الولد يبي يشوفها..أو يمكن يكتفي بنظرته أهله لج..وذوقهم..في حال يبي يشوفج..خليج( نفس قبل في خطبة الحريم..بس بملفعج..أذا انتي متحجبه) وراح وقتها تستحين..والكلام مايطلع..أنا أبوي احرجني واحرجه..( خلانا قباال بعض..وقال : يافلانه هذا فلان قولي اللي في خاطرج..ويفلان هذي فلانه قول اللي في خاطرك..أهو صار احسن مني..قال مافي خاطري اللي يطيب خاطركم..أنا أنطرمت..) المهم راح تطلعين..وتكمل السالفه مع أبوج وأخوانج..وراح يردون عليكم..ويقولون..جهزوا الاوراق الرسميه للبنت..يعني وافق عليج وعجبتيه..أو تدق أمه وتقول الزواج قسمه ونصيب..وهالسوااف..
وعسى ربي ان شاء الله يكتب لج النصيب الطيب..ويرزقج بالرجال الخير..اللي يخاف عليج..
الله يبارك لج ويتم كل شي على خير .. .
1 ) اول شي بعد مايقعدون الحريم بالصالة امج تكون معاهم يتسولفون بعدين أمج تناديج دخلي عليهم وقعدي دقيقه ولا تسألين عن شي واذا سألوج جاوبيهم على قد السؤال . . .
بعد مايشووفونج ويروحون احتمال تعجبينهم او مايعجبونج ويصير تلفون بين امه وامج . . .
اذا صار ارتباط , ,
2) يكون الزوج بالصاله مع امه وامج وانتي تدخلين عليه او يكون بالديوانيه مع ابوج واخوج وانتي تدخلين عليه ,, ,
وهم احتمال يعجبج او مايعجبج ويصير الاتفاق بين امج وامه , ,
3) ان حصل تراض تسألون عن الريال ويسألون عنكم , ,
4) تروحون للفحص بنفس اليوم وبعد اسبوع تطلع النتائج , , ,
5) اذا كانت النتيجه ايجابيه فزواج مبارك وتستعدون للملجه على خير ,,
6 ) اذا النتيجه سلبيه مع السلامه واهوا يدور نصيبه وانتي نطري نصيبج , , ,
بالنسبه للبس لبسي لبس حلو وناعم لاتحطين ميك آب وايد ولا عطر ودوري اللبس اللي يبرز مفاتنج ,,,
والله يكتب لج كل خير . . . .
واتمنى أفدتج يالغاليه , ,
خلج طبيعية
وتنزلين لهم وتسلمين خمس دقايق قومي وقولي عن اذنكم
وروحي غرفتج بس
((( لاتصبين لا جاي ولا قهوة ولا تقدمين حلو عشان لايصير مواقف من الربكة )))
وعليكم السسلام ~
البنات ماقصروا ~
الله يكتب لج اللي فيه الخيره ~
والله يكتب الج الي فيه الخير والصالح
البنــآت ماقـصــروو يعطيـهــم العآفيــه
كــنــت بـقــول مثــل كــلآم لميــس نفـســي 
