|
|
صبااااااااح الخييييير
بنات دقت علي خالتي تبجي لانها اكتشفت انه زوجها مريض نفسي القصه ومافيها انه خالتي خطبها واحد مطلق معاها بالدوام وخوش ولد وكان حييل معجب ويحبها وهي بعد تحبه وخطبها وملجت والعرس بعطلة الربيع لكن الحين اكتشفت انه فيه مرض الشك المرض وفيه وسواس ويشك بخالتي واخلاقها ومسوي عليها زووووم بكل شي بكل تصرفاتها جننها وياب لها اكتئاب مايدق مشتاق بس يدق للنجره والهواش نكدي يحب ينكد عليها وسألنا احد يعرف طليقته فطلع صح كان سبب طلاقها هو شكه المستمر فيها فشافت الحل هو الطلاق مشكلة خالتي تحبه بنفس الوقت ماتقدر تستحمل تصرفاته الغير طبيعية من نفس خالتي مره بزوج شكاك واشلون اقدرت تتكيف مع وضعه عطوها حل بلييييز بنات
انشالله البنات افيدونج
*
وهم مع الشك تقول خالتي بخيل بعواطفه وبخيل بكل النواحي مالت عليه
ولكن باقوال وافعال وسلوك الزوجه وطريقة تعاملها
تقدر تعالج هالمرض
وتاخذ صك الثقه منه مدى الحياة
فوفو
يحول الحياة جحيم
تصارحه بانه مريض، وانه يتطلب علاج
وتقوله
اذا ماتعالج ، مراح يستمر زواجهم
ولا حتى راح يستمر بأي زواج ثاني بالمستقبل!!!
فاذا اهوه يحرص على استمرارية الزواج
ويبي زواجهم ينجح
لازم يعالج نفسه
بتحس ان المشاكل والتحلطم على شي مو موجود
اول الزواج لازم غيره وبيسكر عليها على ابو مايتعود ويعرفها زين وتكون فبيته وشورها عنده بيهدا المهم هي ماتسوي اي شي لو واحد بالميه ممكن يكون محل شك وتداريه شوي لان عنده تجربة زواج فاشله هو الحين يبي يتفادى اللي سار قبل اكيد يبي يكون عارف هي وين وشتسوي وطبايعها عدل وتفاصيل غير
ترى صعب تحكمين على شخص انتي مو عايشه معاه هالنوعية بعدين تتغير الحين الشاب الي ماتزوج يغار فكيف اللي تزوج وفشل ؟
واهيا دام تحبه اكيد لانه يعاملها زين ولا محشش ولا سكير ولا يمد ايده الباجي يهون
الله يتمم لهم على خير