|
|
قوة بنات شلونكم .. واللي يعافيكم ابي حل انا ملجتي بعد شهر والعرس عقب الملجه بشهر بعد ( مادري شفينا عالشهر 
المهم قولولي شسوي وشنو لازم اشتري حدي حايسه وماعندي اخت كبيره متزوجه وماعرف شي .. شنو الاشياء الضروريه اللي لازم ازهبها مابي اشتري السوق كله واتوهق اللي يقول السوق بيسكر
ابي مساعدتكم .. اللي زهبوا شنو شريتوا ومن وين وشنو الضروري ؟؟؟
عفيه ساعدونييييييييييييي ببجي والله
هلا فيج اختي ومنورة القسم كله
اول شي اذا بتسوين حفلة الملجه كتبي احتياجاتج لها من بدلة واكسسوار واذا بتسوين طقطقة وتصوير وما إلى اخره ..
يوم العرس الحدث الحلو والسعيد على الكل يارب هم احتياجاته وتزهيبج له من البدلة والشبكة وصالون والتصوير ..
عطورج
انصحج اخذي هذيله لا يعلا عليهم
شانيل 5 ومع السيت كامل وكوكو شانيل هم مع السيت كامل واخذي السبري مال الشعر منهم …
وكرولينا هيريرا 212 السيت كامل …
مري زهور الريف او بدي شوب او بدي سنتر واخذي مجموعات منهم اللي يدش مزاعجج ويعجبج
ماركس وسبنسر لا يعلى عليهم لوشناتهم وعطورهم رووعه رووعه بارده وتذوبج من حلات ريحتهم …
بجايم وقمصان من كل مكان اخذي شي وشويات …
مكياج و اكسسوارات وشنط … ملافع وعبي اذا انتي لبيسة عبي … دراريع … وبدل طلعه …
علاليق لملابسج ( شغلات ترتيب الكباته والبيت اخذيهم من ايكيا يوفر عليج الفراره والحوسة )
وبس لا تكثرين وايد … على قولتج السووق ماراح يسكر … وعسى الله يوفقج وييسر عليج امورج …
القسم كله تحت امرج والعضوات عندنا ماشالله عليهم ما راح يبخلون عليج بشي
تفضلي شوفي مشترياتهم
https://www.q8yat.net/showthread.php?t=364669&page=103
حطي لج ميزانيه اول شي
وقسمي اغراضج
ملابس البيت – البجامات وقمصان النوم
العطور والميك اب
ملابس الطلعه
الجواتي عزج الله
اكسسوارات واغراض الشعر وملافع ان كنتي متحجبه
واذا تبين اسامي محلات انا حاظره بعد