|
|
خلونا نفيد بعض
المنتدى فيه حريم وبنات من كل شكل زكل لون خنشوف كل وحدة متزوجة شنو فلسفتها الخاصة بحياتها الزوجية ؟
شنو الحكمة اللي دايما ترن بأذنج ؟
شنو النصيحة اللي سمعتيها وماقدرتي تنسينها لليوم ؟
انا عن نفسي :
أول حكمة : لحية احشمها ولحية احشم نفسك عنها >>>> وقمت استخدمها لما اتعرض حق موقف مع حمولتي احترم نفسي وبعدين احترم الناس واحترم نفسي عن كلام الناس
ثاني حكمة : أمي قالت لي مرة (أبوج الصايغ وطوقج من ذهب ) يعني ما انزل مستواي واحط راس اهلي بالارض ومو كل ماسوى الريال شي غلط اقلده .
ثالث حكمة : يدتي قالت لي تبين ريلج مايشوف بالدنيا الا انتي (ديري بالج على بطنه وفراشه )
رابع حكمة : قالت لي اياها وحدة مصرية الله يذكرها بالخير (لاقيني ولا تغديني ) يعني الاقي ريلي وحمولتي بالكلام العسل والدلع حتى لو ما اسوي فعل يدل على ذلك (ريلي ممكن اسوي بس حمولتي كافي الحجي )
خامس حكمة : قول هلا لو بالقلب بلا يعني الاقي الناس بضحكة حلوة وكلمة أحلى لو قلبي شايل الهم اللي بالقلب بالقلب
واذا تذكرت شي بعد بحطه
وانتي شنو حكمتج بياتج الزوجية ؟؟؟؟؟؟؟؟؟؟؟
صارت حكمتي
وطب نفساََ اذا حكم القضاء
يعني اللي تعامل اهل زوجها بالطيب بتدور الايام بتسوي فيها مرة ولدها مثل ماسوت ..
وفي مثل سوري يعجبني يقول : لما يصير في فمك دم لا تفه في وش الناس ..ومثل سوري بعد .<==متابعة للدراما السورية .. تقعد في القلب وتجرح ولا تطلع لبرا وتفضح ,, وحكمتي ان المرة تصير صندوق مسكر ماتعرفين وش خافيه …مو مثل بعض الحريم حياتهم ويومياتهم مسرحية دخول مجاني..
واخيرا حكمة
ياغريب كن اديب
والا الحكم كثيرر بس احبهاا ايــــــــــــه بعد ابوي مايقدر الا على امي لؤؤل هم صارت حكمتي
مافي حكمة معينة اطبقها في حياتي …
بس اي شي يصير لي …. ارجع للسيرة النبوية
واشوف الرسول عليه الصلاة والسلام شنو يسوي …. واطبق هالشي ….
وهالشي حيل حيل صعب ….
بس احس براحة …. لان الرسول عليه الصلاة والسلام قدوتي
بالنسبه لي
داري على شمعتك تقيد
الطيب مع الطيب تجاره والطيب مع الردي خساره
امي دايما تردد هالاغنيه اهي مو مثل اغنيه بس صحيحه الصراحه
(( ماتحسبوش يابنات ان الجواز راحه )) هههههههه دايما تغنيها حق البنات اول ما يتزوجون
طنششششششش تعششششششششش تنتعشششششششششششش
ههههههههههههههههههه
والله عجيبة ….. جربوها ودعولي بالج اصير مرتاح
شكرا على هالامثال والحكم المفيدة
حكمتي
اهو مو حكمه بس انا دايم ارددها بيني وبين نفسي
احسن الظن بالناس بس بحذر
والله يعطيج العافيه
الحكمة ورثتها من يدتي كانت دايما تقول اللي مايحسبني راس مال ما اعده فايدة
واذا تذكرت بعد بحطهم
الريال جذاب حتى يثبت العكس
معقده
هههههههههههههههههههههههههههههههههههههههههههههههههه هههههههههههههههههه
نفسها الحكمة اللي حاطتها بتوقيعي
اعامل الناس بأخلاقي مو أخلاقهم
عامل الناس كما تحب ان يعاملوك
وامي حبيبتي اول ما تزوجت قالت لي ( عزي نفسج الناس تعزج )
وسو خييييير وقطه بحر
ومشكوورة على الموضوع