شنو التصرفات الغربية ايللي شفتيها بالعروس

1- أنا شفت حريم ييون العروس بعبي بس بقمصان نوم .. اي نعم شفت وموديل ما يترقع مهما تسوين فيه قميص نوم من النوع الفاضح .. لي هاليوم سؤال يقرقع بقلبي شاليللي خلاها تلبس هاللبس .. صراحة قصة وي كل ايللي قاعدين بالصالة

2- حضرت أحد العروس وتفاجأت إن بعض المعازيم ياييبين مصورة خاصة لهم بدون شور أهل المعرس والعروس .. جريمة في حق اللباقة والذوق !

3- سؤال محيرني .. ليش لما يدخلون الرياييل يصير مخامط كل وحدة تتل ريلها وتصور معاه .. ما اكتشفت إنه هذا ريلها الا بالعرس

4- الحش العلني .. لا تعليق

5- كذا مرة لاحظت إنه من يزفون المعرس ويرقصوله يبدى يصير مدازز بين البنات .. عيب استحن على وجوهكن !

والله اللي يضايقني دخلة العروس بعض الحريم يوقفون ويخربووون عليها
غير بعض الحريم يجيبون جهالهم معاهم
واتحسين بعض الناس واقفين معاها يعني من طقة حنا اهلها ويعني بيساعدونها واهي تمشي اح شنووو هذا

ياربي انا مااحب حرام وربي يخربون على العرايس

إللي يبط جبدي البوفيه !!
يفشلوون تمسك لج صحن و تحطلج كل الآنوااع إللي بتاكله و إللي ماراح تاكله
و تعالي شوفي المخامط آسم الله عالنعمه آستغفرالله ..
على قولت طارق العلي الحريم عن الآكل يغيبون

و الشي الثاني مثل ماقالت آختي الغايه
يجيبون عيالهم و عيالهم شياطين ..
آنا مره حضرت عرس و بالسطره إللي وراي كان في حريم و معاهم 3 صبيان صغار
و عيالهم آذووني يلزقون بالكرسي وراي و يجرون شعري و آنا آلتفت مره و آبتسمت <– يعني مسكي ولدج :/
بس ماكو فايده آذوووني لين خربتها آختي وقالت مسكوا عياااالكم ماصارت خخخخخخخخخخخخخخخخ

و العروس طبعاً و الحبايب إللي يطلعون على غفله
كلهم يترززون يبون يعلمون المعازيم ترى احنا آهل العروس ؟!
يعني لازم آدخل آخواني قاعة حريم عشان كلكم تتغطون و تقضبون آرضكم !!
جنه العروس ماتدري وين بتقعد عشان يصف هالحرس الجمهور كله

<—-لاتلوميني مقموته ههههههههههههههههههههههه