شنو الاشياء اللي نقدر نعلمها لزوجنا حبه حبه

قوه بنات ابي اسأل سؤاااال ؟؟

صراحه انا مرات اتضايق لما اشوف عائله تتمشي في السوق

الزوجة شايله البنت . و تاله الولد . و الزوج ماشي يمها كأنه ما يعرفهم !!

وله مرات الزوجة شايله الاجياس .. و الزوج يتمشي معاها من غير احساس .. حتى لو كانت الاجياس لها شفيها لو تشيلها ؟؟

صراحة ما ادري شفيهم الحريم ليش جذي معلمين ازواجكم ؟؟

اللي اعرفه ان الزوجة اهي اللي تعلم زوجها …

الله يرحمها امي كانت دائما تقول زوجك على ما تعلمينه !!!

من اول الزواج انا معلمته اني ما اشيل شي .. وحتى لو شربت ماي بالسوق بطل الماي اهوا اللي يشيله مني ليما نطلع من السوق …

لا اسوي نفسي بطله .. ولا قويه .. ولا شي .. شيل يا قلبي شيل .. و عااادي ماشيه الحياااه

لا يكسر خاطرج .. وتقولين الاجياس كثيره ! او كبيره عليه !!

لا يا ماما .. خليه يشيل ما عليج منه … لان شكلج حده مو حلو انتي شايلهالاجياس واهوا يتمشي يتمخطر عيونه رادار …

المهم .. ابي كل وحده تقول لنا شي علمته اهي لزوجها ..

مو يعني اهوا ما يعرفه لا لا

نبي شغله فيها فايده لج ( للزوجة ) يسويها الزوج لج …

سواء كانت الفايده هذه ماديه او معنويه …

بس عفيه سوالف الغرف ما نبيها

يا الله ناطرين دروسكم

مشكوووووره حبيبتي على موضوعج الحلووووووووووو

مع الاسف الشدددديد

انا علمت ريلي على الكسل والاتكاليه وان انا الام والاب في البيت

الله المستعان

اي والله صاجه بعضهم مايشيل عشان اذا شافه احد من ربعه مايقول سكانه مرته يمشي معاها ويشيل اغراضها
مع انه مافيها شي بس عاد كل واحد وتفكيره

انا عن نفسي الي احبه بزوجي انه يعرف تفكيري
واول مايحس اني متضايقة يوديني المكان الي احبه ويحاول يونسني
فديته …

ومشكوووره عالموضوع لانه صراحه يقهر صج

انا قبل كنت جذي اشيل وامشي وراه بعدين قلت ليش جذي اسوي وبو الشباب يمشي على راحته لين مره شريت شي وقتله يلله حبيبي شيل وكل ما اشتري شي اخليه يشيل ويشيل ويشيل زين ما اخليه يشيلني انا بعد.. هذيل الرياييل لازم اتكدشينهم من البدايه وتورينهم العين الحمرا بعد .. وكنت وايد كريمه وسخيه وكل شي انا ادفعه عنه يعني وايد احبه لين بعد فكرت فيها ليش بالله ادفع واهو اشخانته! بس شكل بس منظر يعني ريل.. وقمت اخليه يدفع ويدفع لي درجة اني صرت ما اجيس معاشي كلش ملش.. هههههههه .. عيل شلون عيل

اجل لازم من الحين تعلمينه العكس .. بس شوي شوي

ابدي باغراض الجمعيه .
بعدين مدرسه الجهال .
بعدين .. السوق .
بعدين يرتب معاج السرير .
اذا كان بالمطبخ يجيب لج قلاص ماي لو طبتي منه
يعني اشياء خفيفه

وانتي ادرى بس المهم يكون بين شغله وشغله على الاقل 20 الى 30 يوم عشان لا ينتبه عليج ..واذا سألج انتي ليش ما تروحين تحججي باي شي ..
الجمعية زحمه في رجال كثير .. او ما اقدر … او اذا كان بالمطبخ .. وتبينه يجيب لج ماي .. ياقلبي ماي ماي .. وقوليها باستعجال .. عشان يجيبه ما يطنشج

ادري ياقلبي يقهر انا قلت انبه البنات له .. لان شكل الحرمه غلط واهي اللي شايله و حضرته يتمشى ؟؟

حاولت معاه بسالفة الجمعيه

وفعلا راح معاي الجمعيه واول ما وصلنا

قالي روحي تسوقي وانا بروح الصالون بحلق شعري على ما تخلصين !!!!!

اشرايج بالتصرفه هذا ؟

الصراحه في أشياء اهو الي علمني إياها

انج ادبرين حالج خصوصا السوق ما يواطن يدشه

لأنه مو فاضي مشغوووول دايما

مادري شمشغولين فيه بالربع و الديوانيات

وانا علمته

كل شهر ينزل لي مصروف انا وعيالي بس حق السوق وكل ما يبت بيبي زاد خمسين على

المصروف هاهاه

وراتبي ألعب فيه على كيفي

طبعا اخلص المصروف والراتب أقضي عليييهم كل شهررر

بس باديه بسياسة التوفير صارلي … مده أنصحكم فيها

الله يكون في عونج
المره اليايه كتبي له مسج الاشياء اللي تبينه من الجمعية
و خليه يروح يجيبها بروحه

اختي" بناتي حبيباتي "

خليه يروح الجمعيه بروحه لا تروحين معاه احسن لج

طبعا أكيد الاغراض بتوصلج ناقصه أول مره بس شوي شوي

يتبرمج عدللللللل

يالله أعيدووو برمجت عقوووولهم ما ينفع معاهم إلا جذي

بحاول هالمره عشانج انتي بس

والله يستر من النتايج

انا كنت معودته اروح وياه الجمعية بس هو يدز العربانة

بس لمن حملت قمت اثقل فقمت اخليه يروح اييب الاغراض بروحة

وعلمته اني اودي ولدي بطريجي للمدرسة …

صح لسااانج

عودته اذا جا يروح اي مشوار يقول تعالي معاي اجلس في السيارة وهويدخل مثلا محل الصيانة حتى مللللللللللللليت
وصرت ما ارضى اروح معاه زعل في الاول بعدين تعود

غير ان لاتروحين وياه
شغلي عمرج وطرشيله مسج اغراض الجمعيه
ولاتشترين حتا لو فضا البيت خل يتحلطم لين يقول بس
ويتعلم يشيل المسؤوليه المطلوبه منه