شنو الاشياء اللي تخللي ريلج يمل ؟ دشوا و تعرفون :)

قوة يا احلى متزوجات ….انا حبيت اكتب موضوع نعرف فيه شنو الحركات او الافعال اللي تخللي الزوج يمل من الزوجه ؟ يعني مثلا شنو الشي اللي يخللي الريال يتغير من انه يساحل زوجته حزت الزعل و يراضيها عشان ترضى عنه و بعدها يصير اهو عاااااادي و مايهتم و اهيه اللي تراضيه؟؟؟

كل وحدة فيكم تدش و تقوووول شنو الاشياء اللي تملل الريال من المرا و شنو الطرق اللي لازم نتبعها عشان نتحاشا هالشي ؟؟؟

لمااا الوحده تتزعل وااايد احس الريال يمل ويبتدي ما يراضيها بسرعه وبعد لما يكووون وايد واااثق انها تموت فيه وما تقدر تستغنى عنه واذا كانت من النوع اللي لما يراضيها تمصخها وما ترضه بسرعه واذا كانت مطوله لسانها عليه وجرحته ما يحب يراضيهااااا …. والله لا ايب زعل انشااااااااااااء الله حيااااتكم كلهااااا عسل

اذا يبتي طاري ربعه يتزعل ما ادري ليش

ولازم تخلينه يعيش دور انه عزوبي ما ادري ليش متزوج

شوفي حبيبتى وايد اشياء :
1- الزعل وايد يخليه يبطل يصالح
2- الحنه علي شئ معين تخليه يكشت
3- لما تعودينه كل شهر تصبغين شعرج وتبين في كل مره يقولج حلو طبعا انسي لانج كثر ماتغيرين مايحس عن تجربه
4 – لما تعودينه انج تلبسين لبس معين بالبيت انا اقصد لبس عادي او حتي دايم تحطين مكياج بكل وقت
مارح يقولج هذا حلو ولا راح يلفت انتباهه
ووايد اشياء بس هذو اللي مروا ببالي

اذا يبتي طاري الدوانيه حمدالله والشكر

اذا طلبته فلوس ابسرعه يزعل ويعصب

مادري ليش هههههههههههههههههههههههاي ما يبيني اطلب يبيني كله ساكته لوووووووووووووووووووووووول

كلامك مية بالمية

اذا زعلتي من اهله وشكيتيله

كثر الحنة تملل الزوج منج أنا عن نفسي حنانة وإذا بغيت مشوار أحن كل وقت لين قال لي مرة وتقول ليش ما تقعد عندنا والسبة طلباتج ما تخلص ( يعني قد ماتقدرين لا تكثرين طلبات وتحنين قمت كل أسبوع أو أسبوعين أطلع بشغلة )

هاي …. بنات ……….. تخيلوا زوجي طب علي وانا اقرا هالموضوع …

واصر على انه يشوف شنو اقرا وقعد يقرا … وقال تدرين شنو الشي اللي

مايخلي الريال يمل هو انك تقومين تسوين لي مساج الحين ….خخخخخخخخخخخخخخ

باي اردلكم بعد شوي باسويله مساج……..

انا بطييئه بالمشي واذا رحنا السوق يعصصب ويمل بسرعه

واي شي يتملل منه اتحاشاه مع انه يمللني بكل شي

الله يعين

هاي يأحلا كويتيات م تزوجات انا اول مرة اشارك وانشالله بشارك على طول عجبني الموضوع حيل لان انا ماره في التجربة الزوج مايحب كثرة الحنة والعصبية والصراخ كثر ما نحن على ازواجنا يعاندون أكثر جربي لاتحنين وشوفي كل طلباتج مجابة من تجربتي

انا ريلي اول كاان دايم يراضيني لازعلت بس الحين صار يقولي انتي دلووعه وبصرااحه انا مليت !!!

اخ لا تجبين طاري المسج ع طووول اصابعي شغاله بالمساج ولا حكي ظهري بعد اووف يومي والله

وانا اذا زعلت منه اروح لداري وانطشه ولين اهو يجي يتحرش عشان يطيح الحطب

وياج بالراي