شنو الإستفادة من معرفة الجواب ؟

استغرب من شغلة
ما ادري اهي عادية ؟؟
ولا انا اشوفها لقافة بسبب ان نوعي ما اتدخل بخصوصيات أحد ،،

احيانا من المعارف اللي نشوفهم مرة بالسنة بالمناسبات بس والعلاقة حدها سطحية
او
بنات الدوام بشكل أكبر

تكون البنت مو متزوجة وفرق العمر كبير ،، اني اكون اكبر منها مثلا اب 8 سنوات او 10
او
حتى لو تكون متزوجة

بالحالتين
يسألون أسئلة خاصة ،، على الرغم من أن العلاقة سطحية يعني لو علاقتنا قوية ومن فترة ،، اوكي عادي ،، بس وحده توج عارفتها وتستن عليج سؤال ورا سؤال ورا سؤال ،، وهذي الأسئلة أجابتها ما تفيدهم أبأي شي مجرد لقافة
@@
حتى استغرب واقول بيني وبين نفسي ،، شكو أسئلت هالسؤال اذا اجابته لا بتودي ولا اتييب بالنسبه لها !!

يعني لو السؤال احس إن إجابته ممكن تفيدها ،، بالعكس ارد عليها واحاول أساعدها ،، بس في أسئلة جنها مقابلة شخصية لووووول

مثلا وحده بالدوام مو متزوجة فرق العمر بينا كبير ،، بدون مقدمات تيي تسأل
انتي تنزلين كل يوم عند حمولتج ؟؟؟
جاوبتها كلمة ورد غطاها ،، وخلاص اسكتت

ترد تسكت تسكت تسكت
وتسأل زوجج اييب عيالج كل يوم من المدرسة ؟؟ ولا أحد ثاني ؟؟
اوكي عرفتي ان زوجي اييبهم ،، وبعدين شنو استفدتي @@

ترد تخمر ههههههههه
وتسأل مثلا شلون علاقة عيالج مع الخدامة ومنو اللي يحبها واللي ما يحبها وجنسية خدامتج !!!!!

اللي يضحك مو ان نسولف وتسأل ،، لا تسكت وتلهى بشغلها فجأة تلتفت علي تذكر شي وتسألني تاخذ الجواب وترد تعطيني ظهرها وتكمل شغلها

لأ امبيه شكوووووووووو هالأسئلة اللي مالها هدف ولا إبإجابتها فايدة ؟؟؟؟
المشكلة الموظفة يديدة متعرفة عليها من اقل من اسبوعين ،، ولما قلت انها مو متزوجة ،، ما اقصد شي مو زين او فيها شي او خايفة منها لأن أدري ان بعض البنات بيقولون انتي خايفة منها وما ادري شنو ( هذا تفكير البعض ) ،، لا والله ،، بس القصد ان ردودي ماراح تفيدها بشي باعتبار انها مو متزوجة وأسئلتها كلها عن الزوج والخدم والحمولة والعيال

سؤالي
بشنو الناس اللي من هالنوع ممكن تفيدهم الإجابة على هالتساؤلات ؟؟ يعني في أسئلة تقدر تستفيد منها لحياتها بعدين بعد الزواج ،، او اذا كانت متزوجة ممكن يفيدها الجواب بحياتها ،، بس في أسئلة كلش مالها لا داعي ولا هدف !! ويكون الجواب اصلا غير مفيد

هذي الأسئلة الخاصة بحياتج الزوجية ،، مع الناس اللي من هالنوع هل تردون عليهم بإجابة صادقة ؟ ولا تلفون وتدورون وتسكتونهم أبأي رد ؟؟

شلون توقفون هالنوع من الناس اللي ما ادري شنو الهدف من أسئلتهم البايخة عن حياتنا الزوجية وأزواجنا وعيالنا وخدمنا وحمولتنا ؟؟