شنو اسم هالنوعيه من الاستئذان؟

اشلونكم عساكم بخير

في ظاهره بمدرستي بين المدرسات قاعده تصير وماني لاقيه لها تفسير

المهم كلنا نعرف اللي ما عندها حصه اخيره تطلع الساعه 1 صح؟

انزين في ابلات معانا يستأذنون الساعه 11 حلو؟ وما يكون عندهم حصه اخيره ماشي؟

وطبعا الاستئذان ساعتين فمن الساعه 11-1 أشحقا ترجع المدرسه فترجع البيت ووايد صايره هالظاهره عندنا

المهم ابي اعرف شنو نوعية هالاستئذان وشنو العذر اللي يكتبونه في سجل الاستئذان؟

وشنو راح يكتبون بسجل الحضور والانصراف ؟؟

ودي اعرف اشلون طريقته بالتفصيل لاني ناويه اسويها على يوم

شنوو مافهمت

ليش يرجعون ؟؟؟؟

لا بعرف شنو يكتبون بسجل الاستئذان؟

وشنو يصير بسجل الحضور والانصراف

لاني ودي اطبق اللي يسونه بصراحه

تبين تصيرييين مدرسه < ماانصح مع اني طالبه بس ليش تعيدييين حياتج وتظلييين طول عمرج بيين بس 4 طووف وهم طووف الصف لا تتسرعييين ,,,

سووري ع اللقافه بس نصيحه

وان شاء الله البنات يقولون لج شنو هالاستئذان

لا الاستئذان اكثر من ساعتين تقريبا 3 ساعات

احنا جذي بعد اذا طلعنا من ورا 11 مانرد وهذا حاصل بكل المدارس

اهم شي تطلعين ع 11 عشان ماتردين الدوام

انا مدرسه اصلا بس مااحب اذا خلصت شغلي اطالع فيهم واسمع سوالفهم ودي اخذ دربي واطلع اخر شي كنت اتوقعه ان رئيسه القسم عقرب رمل من تحت لي تحت انخدعت فيها تسوي روحها طيبه وهاديه واهي من ورانا شي ثاني ولا مخليه وحده تضبطها من المدرسات اللي كله مع الوكليات بس ما يبرد جبدي الا لما تيي الموجهه وتقعد تزفها جدامنا احلى شي استغفر الله اللهم لا شماته بس سبحان الله الله فوق كل شي

ااااهااا

ينكتب استئذلن

مافيها شي

اي شنو الاسباب اللي تكتبها بسجل الاستئذان بوبا

واشلون توقع انصراف!!!؟ واهي ارجعت البيت!

في نوعين من الاستئذا اسئذان داخلي واستئذان خارجي

استئذان داخلي للي بتروح منطقه او اي مكان تسوي شغلها وترجع للمدرسة

اسئذان خارجي اللي اهو ماترد للمدرسه يعني مثلا حامل عندها مراجعه او موعد بالمستشفي حكومي
*وينكتب بتوقيع الحضور والانصراف انها س ( يعني استئذان )

تقريبا هذا اللي اذكره
لاني ماخذه اجازه رعاية اسره اربع سنين . فهذا اللي اذكره من الدوام

وموووفقه .

بس في ناس يطلعون الساعه 11 وما يرجعون المدرسه في هذي الحاله منو يوقع لهم الاستئذان؟ ومنو يوقع بسجل الحضور والغياب

حبي الاستئذان مدته 3 ساعات اوكيه
نفرض انج بتطلعين من 11 تروحين للوكيله قبلها بيوم وتبلغينها انه عندج تبين استئذان من الساعه 11 الى اخر الدوام
بوقت الطلعه تكتبين انه لاخر الدوام والسبب خاص او عذر طبي او اي شى والتوقيع مال الانصراف انتى مالج شغل فيه الوكيله راح تكتب صوب الانصراف (س) يعنى استئذان وبس .

الله ينور قلبج كويتيه هذا اللي بغيت اعرفه بالضبطط

بس يرضون يعطوني

واذا قالو لي شنو هالعذر الخاص!!

انا بصراحه ابيه لاني ما احب اقعد اسمع سوالف الابلات الثانين وماعندي شي فأروح البيت اطبخ لي وايد ابرك

شوفي كل وحده وعلى حسب مدرستها يعنى فى مدارس تقول لج اذا بتروحين الطبيب وريني ورقه الموعد
وفى مدارس عادي تكتفي بكلمة شغل !!
انتي اذا مدرستج شويه عسره عادي قولي لهم عندي شغل ضروري بس خل اقول لج الاداره ماتحب سوالف الفجاة لا قولي لهم قبلها بيوم احسن

حبيبتي الاستئذان 3 ساعات
ينكتب بسجل الاستئذان من 11 الى نهايه الدام
والسبب مثلا البيت / المستوصف/مدرسه ابني
في هذه الحاله يسمى استذان شخصي وهو من حقج 3 مرات بالشهر
ويكتب بدفتر الحضور ةالانصراف استئذان(عند توقيع الانصراف)
اما اذاكان استئذان لتخليص امور المدرسه او حضور ورش عمل بمدارس اخرى يسمى تكليف

ومنو اللي راح يوقع بدفتر الانصراف اني مستأذنه لي نهايه الدوام بالله نسو!!؟؟

احنا ادراتنا عسرة شوي لدرجه ان توني ادري ان 3 ساعات لما مره استأذنت قالو لي لج ساعتين بس !