شنو احسن هدية للام و الخاله

السلام عليكم ..

شرايكم تنكلم في الموضوع مع ذكر الاماكن اللي نختار منها الهدايا .. عن نفسي اللي ايبه لامي اييبه لخالتي ام زوجي .. عشان ما يصير في تفرقه و لخاطر ريلي .. و احب اهديهم بالعيدين و رمضان .. احس يستانسون و يتفاجؤون .

رمضان اللي فات اخذت لهم من لافرانسيز حلويات كويتيه اللي بالماعون الالومنيوم القديم .. وايد حلوين ..
و العيد .. اشكل لهم بخور و طيب من كذا محل من الاشياء الطيبه اللي انا محربتها بصندوق صغير و اوديه ..

قولو لنا انتوا شسويتوا .. ياليت نتشارك بالافكار ..و لا تنسون دور الهديه .. و تهادوا تحابوا ..

ناطره مشاركاتكم .. و الاماكن اللي تشترون منها ..

يعيني علي المناسبه

مثلا علي دخله رمضان دايما ختار صناديق وجذي اشياء واحطلهم طيب وبخور وشيله
والقرقيعان طبعا يصير شي سبشل واحب انه يا يانحط بعدين بالدار او انه يصير للاستمعمال
لعيد الميلاد (محد يرضا)
مناسبات ثانيه مثلا العيد اعطي عيديه طبعا مع دراعه (خالتي دراعتها مالت العيد هديه مني من تزوجت لللللللللللين يومج )
وامي اللي تبيه لهو لها بعد قلبي لو تطلب ماي عيوني
بس برمضان لازم اسويلها دراعه وانا ختي ونتسابق منو ياخذ دراعه امي طبعا احنا ندفع واهي تختار التفصيل
وغير امي تحب الكريمات والخلطات فبين فتره وفتره اشتريلها
خالتي تحب المخلط والطيب والبخور اخذلها
وتحب دراريع البيت وقمصان البيت هم خذلها
وتحب جناط معينه هم احب اييبهم لها

ما قصرتي يا كوين .. بس انا احس انه المناسبات المهمه اهي العيدين و دشة رمضان . . . ودي هالسنه بمطاطير سنعه للجاي و القهوه بس ما ادري من وين .. ما ابي شغل الاسواق الشعبيه .. لا ابي شي زين و يوايه .. و ساعات افكر اب ملفع سنع .. بس ما ادري وين لو بالسعوديه عرفت المحلات السنعه بس بالكويت ما ادل لاني مو متحجبه . . . مرات افكر بجنطه ماركه بس مو غويليه مثل ايجنر او جيفنشي اذا عندهم موديلات تناسبهم .

ما ادري شرايكم ؟

اي اضافه ؟! ما قلتوا شرايكم ؟ ؟

انا ادليت بدلوي

والله انا اودي حق خالتي دراريع .. دهن عود .. بخور ..
مرة وديتلهم مصحف مغلف مع جنطته ..
وابي اقتراحات ثانية ..

مشكوره كوين .. و مشكوره رفرف .. و رايي من راي رفرف نبي خيارات ثانيه

زينه

الله يطول بعمرج

وخليج لزوجك وأولادك غذا كان عندك

أولاد

وطول بعمر الوالده وخالتج

شوفي محلات الملافع بالكويت في محلات كشخه وأتيب شغل السعوديه

عندج محل الملفع اللي بالمثني وبمجمع العثمان

وعندج فياصل شغله

بمطارات الشاي والقهوه روووووووووعه

وفعلا فكرة الجنطه الماركه حلوه

وعندج بعد قصر الجلود

أسعاره بعد مناسبه

والبخور ودهن العود

والدراريع ملينا منه

صاجه

زينه

ومشكوره علي الموضوع

يمكن شغله ذهب ناعمه

أو ساعه ماركه بسيطه

انزين بنات كل الهدايا اللي ذكرتوها حلوة …بس رفيجتي كل ما تيب هدية لخالتها ما تعجبها و بعد التقصي و البحث اكتشفت ان خالتها تحب Cash Moneyعلى الرغم انها مو محتاجه….الحين السؤال :شنو المبلغ المناسب…..بيني و بينكم احس كلش مو حلوة تعطين خالتج فلوس….بس سبحانه…الناس فيما يعشقون مذاهب

جارة القمر .. مشكوره على المرور و على الدعاء و ان شاء الله لج بالمثل .. و خوش خيارات اللي قلتي عنها ..

ستيلا .. و الله سالفتج سالفه .. فشله كاش مني .. بس تدرين خل رفيجتج تعطيها بظرف المقسوم و اتوقع من 50 الى 100 دينار زين .. و الا خلها تقدم لها هدايا و جنها ما تدري عن سالفة الكاش مني ..

خوووش موضوع الله يعطيج العافيه
انا خالتي عندها عشق جواتي عزكم الله معى اجناطها دايما ايبها لهم او اني احط بصندووق ذرب يعني مجموعة خلطات وبخور
اما اميي فهي مدمنة مواعين اشتريلها طقم كاامل حق رمضان وبالعيد حلو العيد وبدلتها دايما علي

لوولوو .. مشكوره على المشاركه الحلوه و الله يخيليج الماما و الخاله .. و حلوه افكارج .. بفكر بنفس السالفه هم المواعين حلوه و حلو التغيير

العفو ولو ما سويت شي

زيـنـه

العفو يا حياتي

وأجمعين يارب

والله يهدي خالتي لي

يا رب

شكرا على المشاركه . . . اتمنى مشاركة باجي البنات