شنوو برنامجج بعد فشل عمليه التلقيح الصناعي <<< الكل يدش حياكم

السلام عليكم حبايب قلبي بنات تجمع تأخر الانجاب اللي ان شاء الله راح أشوفهم بإذن واحد احد في تجمع الحمل و الولاده قولوا آميــــــــــــــــــــــــــــــــــــــــــــن
موضوعي اليوم ، شنو برنامجج بعد فشل عملية الحقن المجهري ، التلقيح الصناعي ؟؟

مانبي زعل و بجي و كدر و ظيقه و و و ،،، تدرون ليش لان ماراح يغير شي بالموضوع !
لأن واااقع و صار و لازم نقول الحمدلله رب العالمين ( ولان شكرتم لازيدنكم )

لازم ننظر للموضوع نظرة ايجابيه ، الدنيا ماراح توقف على فشل هالعمليه ، و ترى ماهي نهايتها بالعكس الحمدلله رب العالمين كله باجره ان شاء الله (وبشر الصابرين)ف حبايب قلبي اذا لاقدر الله صار و فشلت العمليه نقول الحمدلله و نبلش ببرنامج حلو و مفيد و بنفس الوقت نحول الوقت اللي بضيع ع البجي بشي مفيد أقولكم شلووووون

أول شي ، لازم نستعد لنزول الدوره ولازم نحرص ان الدوره تنزل و تنظف كل شي معاها و مايظل شي بالرحم عشان لايتأثر الحمل اللي بعده

اولا اذا هلت علامات الدوره لازم نطبق الآتي : مشروبات ساااااخنه و الابتعاد عن كل شي بارد وكل المشروبات الغازيه

نكثر شرب دارسين حار، الأكل نحاول يكون صحي بعيد عن الوجبات و المطاعم ،، ويكون دافي و كله فلفل أسود بنات مو معقول الفلفل الأسود شنو له مفعول،، يعني مرقوقه ، حسو ، قبوط خصوصا أول الأيام

للبنات اللي دورتهم تكون ثقيله و ينزفون ، الشمندر واااايد زين و عصير التوت ماشاء الله وعن تجربه

لازم اللبس يكون ثقيل و تلبسون دلاغات و انتوا بكرامه،،

هذا بالنسبه للأكل و العنايه فيه ،،،، النقطه اللي وراها:

أعمال الخير : لاتقولين الدوره ماقدر أصلي ؟ ماقدرأقرا قرآن

حبيبتي (انما الاعمال بالنيات) يعني ماتقدرين تقرين قرآن بس تقدرين تقرين بقلبج ، حطي بالدار و او حطي بلاب توبج و علي عليه و حطي سورة البقره و الله ترتاحين و عن تجربه و تعطيج جو ايماني و تطرد كل شيطان وا ضيقه او وسوسه

الصدقااات يابنات الصدقااااات ،، سبحان الله تطفئ غضب الرب !

لو شي قليل حاولي تتصدقين ،، والله ان شاء الله بيعوضج بكل خير

بنات الاستغفـــــــــــــــــــــــــــــــــــار ،،، خل نبدي كلنا وانا اولكم ،،، حمله على طووووول استغفار خلي هالكلمه بلسانج والاستغفار له مفعول السحر و كلنا سمعنا قصص معجزه عن الاستغفار ، اشناطرين ليش مانبدى ؟؟؟؟

وفي نقطه يمكن نكون غافلين عنها ، الحش و النميمه و سيرة الناس نحاول نتوب لربنا و نتجنب هالشي ، لانستهين بهالشي يمكن ما ايي على بال أغلبنا بس هالشي وااايد مهم

آخر نقطة بذكرها الدعاء للغير بظهر قلب و هالشي الحمدلله موجوووود فينا ان شاء الله و الكل قاعد يدعي للثاني و بحب ،، ف ان شاء الله ماتنقطع هالعاده فينا قوولواا آمين

بنات حبايب قلبي في عندي واااايد أشياء أبي تفاعلكم وياي لان بصراحه و لاتزعلون مني هالقسم نــــــــــــايم و مافي تفاعل و الصفحات اهيا اهيا ماتتغير ،،، نبي تفااااعل و الكل يقول تجربته و برنامجه و نخليه مرجع نستفيد منا كلنا

ناطرتكم حبايب قلبي مع دعوه حاااره لكل البنات بالذريه الصالحه عاجلا يارب غير آجلا

حبيبتى والله ,,

انا بصراحه ماسويت تلقيح صناعى بس سقطت اكثر من مره وكانت نفسيتى تعبانه وافكر وايد بالتلقيح الصناعى بس موغير مضمون ,,

ويارب ترزقنا الذريه كلنا

مشكوره حبي

آنا بعد ماسويت بس افكر اسوي

انا مفكرة اسوي بس والله كل شي باييد رب العباد
لو جريت جري الوحوش غير رزقك ماتحوش

كنت على اساس هالشهر بسوي وسبحان الله كل ما اروح يصير شي يمنع

ونرد البيت وجماع طبيعي وماني عارفه شنو الخيره بهالتاخير

الله كريم والف الحمد لله على كل حااال

يعطيكم العافيه كل البنات اللي دشوا

والله يرزقكم يارب بالذريه الصالحه يارب

بناااااااااااااااااااااااااااااااااات وينكم ،،،،، تعالوا شاركوووووونا

مشكوره يا قلبي وربي يرزقها يارب ولا يحرمها اختج
وانشاء الله انا بسويها شهر عشرا ام اسامه دزيت لج على الخاص رساله ناطره ردج علي

انا مو متزوجة لكن بقولكم تجربة مريت فيها وودي انها تفيدكم صايرة كونا مابقى قسم ماتحجيت فيها بس

انا اعاني من سنة التهابات متكررة وقوية ونزيف حاد بالانف … قبل 5 ايام مافيني الا العافية فجاة ماقام اقدر امشي ولا احرك ايدي اليسار

مابي ادش بتفاصيل … بنات والله شاهد علي اني قبل يومين تقريبا الفير وانا قاعدة ابجي من العوار بريولي

دعيت دعوة وكلي ثقة من كل قلبي اقسمت على ربي انه يشفيني وعاجلا غير اجل لانه اهوا قادر على كل شي

والله بنات بنفس اليوم استجاب لي ربي وصارت سالفة ريولي خيرة لانها ان شاء الله خلال ايام بتخليني اعرف شنو سالفة الالتهابات المتكررة الي تصير فيني

وبنفس اليوم الي دعيت فيه تصادفت مع دكتور كنت ادوره مو لاقيته وطمنني ولما رحت عيادته طقني ابرة كورتزون خففت العوار مدتا اسبوع على ماتطلع تحاليلي

وسخر لي طبيبي الانف والاذن والحنجرة سند الفضالة الي متاعبع حالتي من البداية وتبرع انه يتعاون مع دكتوري اليديد مال الروماتيزم عادل العوضي عشان يعرفون شنو الشي الي قاعد يسبب لي هالامراض … وتخيلو دكتور سند اهوا بنفس الوقت صاحب مستشفى طيبة مع هذا نزل معاي تحت بالباطنية وقعد يقولهم شنو الاشياء الي يعطوني اياها عشان تخفف عني الالم لانه اجتمعت فيني وايد التهابات

والي تقول انا وم عارفة شنو الخيرة بتاخير الحمل….. اني ماقدرت امشي وان صار معاي التهاب روماتيزم كان خيرة خلاني اعرف انه في شي ثاني مسببلي هالمشاكل وانا احتاج تحاليل معينة ومحد يوصفها عادة الا طبيب الروماتيزم شفتي الخيرة

والله بنات لما تدعون الله لا تقولون " ياربي عالاقل عطني جذي , ولا انا راضية حتى لو بس ياهل واحد " الله سبحانه قادر وعظييم ماله داعي اقوله عالاقل, مو مكاسر السالفة
وألحي بالدعاء وخلج واااثقة

ويا عل ما تدور هالسنة الا كلكم حمل بهاليهال وتسولفون عن النسااة آآمييين يارب العالمين

الله يرزقنا ان شاءالله وماله داعي البحي وصحيح تصير هالحالات بس ماكو فايده منها .. لازم لجأ لله سبحانه وعسى الله يرزق كل محرومه يارب

فراشه حبيبتي الله يجزاج خير ،،، و ان شاء الله بالتوفيق بعمليتج الثانيه يارب و رديت عليج بالخاص فديتج

الخنساء عسى الله يرزقج يااااااااااااااااااااااااااااااااااااااااارب في هالليالي الفضيله ان شاء الله الله سبحانه يتقبل الدعاء يااارب

وزين سويتي حبيبتي التجديد حلووو،، و خصوصا باللوك تغير النفسيه عدددددل

انا اختي قامت على دارها و فرت الأثاث و غيرت الكفر و سوت حركات بركات بس عاد لاخلصت الدوره بنصحها بتغير اللوك يبيله

حبيبتي كويتيه عسى الله يجزاج خير و الله يعطيج يارب على قد نيتج ،،، مشكوره حبيبتي على نقل تجربتج وان شاء الله سلامتج و عسى الله يرزقج الصحه و العافيه ياارب

اللهم آمين يارب انك ترزق كل محروووومه يارب و ترزق كل بنات قسم تأخر الانجاب الذريه الصالحه يااااااااااااااارب

السلام بنات… انا سويت تلقيح صناعي اليوم وووواي عورني الجهاز اللي يفتح يبط الجبد نفس جهاز تحليل الاشعة بالصبغة مال الرحم
انا عند د.ماجدة اليتامى وقالت لي ان عنق الرحم عندي مسكر حده استغفر الله ياربي بروحه انا الرحم عندي ذو قرنين وريلي الحركة عنده ضعيفة بعد مع ان عددهم زين… صار لي سنة متزوجة وما حملت لي الحين..
كنت ماخذة هالشهر حبوب فيرتاب نفس أوفاميت حج التبويض.. وقالت لي الدكتورة ان عندي بويضتين ووحدة منهم كبيرة وامس خذيت ابرة بريجنال مالت اطلاق البويضة … الله كريم انشالله ويرزق الجميع قولووووا امين ..
ابي ايميل وحدة تعالج عند د.ماجدة نفس حالتي عشان ما احس ان انا بروحي واتواصل معاها بلييييز …انا مو معلمة اهلي بعد …
و مشكورييييييييييييييييييين وسلامتكم,,,
اي بليز سؤال اخير عادي اتحرك واسبح بحمام سباحة او بالبحر واسافر عقب التلقيح اليوم؟؟؟
ساعدووووووووووووووني ترى انا عليمية ما ادري وين الله قاطني ,,,, ويسلمو حبايبي .

حبيبتي ريحي نفسج وحاولي لاتتحركين وايد
لين يثبت الحمل ونامي على ظهرج والله يثبت حملج