|
|
السلام عليكم خواتي راح ادخل بالموضوع دايركت منو يعرف شمم اللي يصيب اليهال لان ولدي عمره ثمانيه اشهر وتقولي وحده ان فيه شمم ولازم ياخذ طينه من الحواي
الله يجزاها خير كل من تعرف الشمم وشنو اعراضه وعلاجه
شمم واعراضه ارتفاع بالحرارة احمرار اللثه احيانا اسهال وعلاجه ان شاءالله الاتي تجيبين مقدارملعقتين محلب ملعقتين مره ملعقه خوا جوا وملعقه صغيره رشاد تطحنينهم وتضعينهم بعلبه وتفركين بلثه الطفل وتحت اذانه وشوي تحت الانف والله يابنات جربتها والحمدلله ممتازه طبعا احنا نبخرالبت ونتعطروماندري ان هالشي يشم الاطفال المسننين ويؤذيهم حبيت افيدكم ومابغى غير الدعاء
الشمم هو التهاب الجرح اذا كان فيك خياطه او جرح يسمونه المستشفيات التهاب والمصطلح الشعبي شمم
اعراضه الم والتهاب بالجرح وصديد وحكه
اسبابه الهواء والعطورر القوويه والبخور
علاجه انك تشربين منقوع مره او تشمينها
والكمون ممتاز والخو جوا وفي كبو للشمم
الشمم
كثير من الاطفال تلقينهم ضعااف وكسالى وماياكلون وجداتنا وامهاتنا اول مايشوفون الطفل بهالحاله يقولون هالولد مشتم …
وعلى فكره الشمم مايجي بس من العطور والبخور حتى من الادويه واكبر مثاااال المره برضو تشم وتسل حال الطفل وانا هنا اتكلم عن شمم الاطفال لان الطفل اول مايجي بعض الامهاات تعطر ثيابه فيكون تعود على ريحة العطورات …وانا راح اكتب تجربتي مع الشمم
ولدي بعد ماجبته نحف وصابه هزال والله ان امي تسحب جلده بيده صاير كانه مطاط طبعااا اعطتني درس ما انساه تقول لي اللي ذابح ولدك العطر طبعااا كان عطره (انانيا _والمسك ) طبعااا اول شي سوته امي اخذت العطر وغسلت ملابسهاا فيه وبدت رحلة العلااااج والله ان ولدي بعد علاااج امي زاد وزنه خلال شهر 3ونص ماشاء الله
بصراحه كثير قريت من البنااات ويتسائلون عن الشمم وعلااجه وحسيت فيهم لاني مريت بهالمرحله لان بعض الشمم يقتل الله يكفينا الشر والله اتصلت بأمي بس عشان خااطركم واخذت منهااا الطريقه وما ابغى الا الدعااااء بالتوفيق ويحفظ لي ولدي
المقاادير
* مـــــــــــــــــــــــره
* عنزروت
* محـــلـــــب
* خوا جوا
* زيت سمسم او زيت زيتون
يتبع
وبعد طحن المقااادير راح تكون بهذا الشكل 
ناعمه وشايفين لونهااا كانهااا جبل 
نطحن المره لوحده ونخليها على جنب
نضع الزيت بقدر ونضعه على النار حتى الغليان
وبعد الغليان نضع عليه المقاادير المكونه من (الخواجوا- المحلب – العنزروت )ونتركها خمس دقائق ثم نطفي عنهااا النار ونتركهااا تبرد
وبعد ماتبرد نضع المره وهذا هو الحل حتى ما تتصاعد بخار المره فينقلب الدواء الى داء
نتركهاااا منقعوعه لمدة ليله كاامله ومن ثم نقوم بتصفية الزيت
ثم نضعهااا في زجاجه وتستعمل عند الحاجه كدهان فقط لا تستخدم كشراب (دهاان فقط )يحفظ بالفريزه
طريقة الاستخدام
يدهن بها اصابع الرجلين والايدين وخلف الاذن ويمسح بها الانف من الخارج عند الفتحتين وممكن تمسحين بها راس الطفل .. (تنفع للكبار وللجروح يمسح بها الجرح )
وحااظرين للطيبين
لا اريد سوى الدعاااء بالتوفيق ورضا الله والوالدين
وان ربي يرزقني بوظيفه وان يحفظ لي فهودي وابووه
انا صرااحة مادري شسالفة
بس نقلت لج المكتوب
الصراحه انه اول مره اسمع عن شمم الاطفال امبييي يعني الواحد لازم ياخذ حذره اذا يبي يتبخر ولا يتعطر جدام اليهال
والله يجزاكم بكل خير انشاءالله
وبيصير احسسسن
|
المشاركة الأصلية كتبت بواسطة ورود خذلتها العاصفه
 روحي العطار واخذي قطوع ريحه
وبيصير احسسسن |
الله يجزاج كل خير اختي بس بسألج شنو قطوع الريح تراني غشيمه بالسوالف
بس ابيج تسالين امك شمم السعوط اللي يشمه الياهل من يهال مسويتلهم امهم ومسعطتهم شنو اللحل اذا شموه اعيالي الاصغال اللي ممو مشلعين اسنانهم
شنو الحل وشنو اعطيهم قطوع الريح لان الحواي قالي عطيه اولدج طينه فيديني الله يجزاج كل خير
ارجوكم خواتي اللي عندها معلومه لا تبخل علي
ناطرتكم بالردود اللي تبرد الجبد
عسى الله يشافيه إن شاء الله و يبعد عنه كل أذى و سوء.
ما يشوف الشر ان شاء الله
|
المشاركة الأصلية كتبت بواسطة أنفاسي دخون
شوفي اذا الشمم من التسنين اطحني مره ومحلب وشوي سكر نبات وافركي فمه واذا لوز مره منقوعه او حطي له القاطع تلاقينه بالحواج اسمه القطران وحده بوحده
ما يشوف الشر ان شاء الله |
مشكوره حبيبتي وماقصرتي
|
المشاركة الأصلية كتبت بواسطة -فلانة-
حبيبتي وديه الطبيب إذا عنده مشكلة لا تلعبون بالياهل و تحطوله أعشاب و مواد يمكن يتحسس منها و يزيد الطين بلة..
عسى الله يشافيه إن شاء الله و يبعد عنه كل أذى و سوء. |
مشكوره والله يجزاج كل خير