شلوون اعلم ولدي على الحمام دشــوا بنات

بنات شلونكم شخباركم

بنات عندي مشكله مع ولدي عمره الحين 3 سنوات للحين مو متعلم ع الحمام " تكرمون " بصراحه متوهقه كل ماايي اعلمه اتردد مااعرف شلون اعلمه واناا ماعندي احد اسئله
بنات ادري طولت معاه وايد مفروض من زمان بس ماادري ليش اتردد احس ماراح يستوعب شلون افصخ حفاظته شلون اعلمه يروح الحمام بروحه مو فاهمه .. علموني شلون علمتوا عيالكم ع الحماام بالتفصيل بليزز بناات … يعطيكم العافيــــــه .

خوش موضوع خل نستفيد انا عندي ولد الله يحفظه بس تو الناس عليه حبيبي بستفيد يالله يا بنات لا اطنشون الموضوع

شدعــوى بنات ردوا علي

انا ناطرة معاج

ولدي سنتين و8 شهور يعني المفروض بنخلص

أول شي لازم تطولون بالكم في أطفال يتعلمون باسبوعين و في أشهر
ثانيا في في مذركير أندروير يكون قطن من داخل ومن برة بس بين الطبقتين قطن إخذيلج منهم
طبعا ما يمنع التسرب مثل الحفاظة بس يساعد
أول شي علمي بالنهار و يفضل تشترين له لأن ممكن يخاف من المرحاض تكرمون
و لا تنسين الهدايا من سوق بو 100 و الحلويات للمكافأة
في البداية تودينه الحمام كل نص ساعة و إذا شفتي إن يكون ناشف لمدة أكثر خليه على حسب المدة
مرة تصيب و تخيب ترا
لا تنسين الصبر لأن حرام ما يفهم
و كل مرة شجعيه و عطي هدية و كلام حلو
بالليل طبعا في البداية ماتقدرين تعلمينه لما يتعلم يروح و هو صاحي
و حاولي تقللين طلعاتج عشان تجابلينه و طبعا لما تطلعين لبسي حفاضات مالت التعليم و حاولي حتى بالطلعة تودينه الحمام
عشان لا يحس إن عادي يسوي في روحه
و على فكرة لا تلومينه إذا نسى روحه
و الله يوفقج
أتمنى أشوف طرق باجي البنات بعد عشان نستفيد من تجاربهم بعد

مشكوره الاميره طريقتج حلوه مشالله
بس باي عمر نعلم البيبي انا بنتي 11 شهر ادري تو الناس عليها
يعني سنه و نص زين ؟

اول شي لازم يكون عنده اكثر من سنتين ادا علمتين قبل تصير معاتج نتيجة عكسية ويعاند الياهل بعد السنتين علمين يبيله كرسي الحمام لي يلزق مع ما الكبار وكل نص ساعة اخدية للحمام حتى لو ما يسوي شي اسبوع او كثر بعدين خليه اهو يقول انو يبي الحمام ادا ما قال خليه من غير حفاظة وراح يوسخ على نفسه ولا تغيرين له على طول خليه شوية عشان يقرف من نفسه ويعرف انو لي سواه غلط ههههههههه

بصراحه غلطانه تأخرت ع ولدي مفروض اعلمه من زمان . بنات ماقصرتوا
بعد نبي تجاربكم بنات نبي حمااس شوي عشان الكل يستفيد

بنات يلاا نبي تجاربكم مع عيالكم
أب / أب

أب

انا ولدي بعد شهرين يصيرله 3سنين وودي اعلمه عالحمام بس احسه مايفهم لانه للحين ماتكلم وثانيا مايقولي اذا وسخ مع اني انبهه واساله واوريه بس كلش مايرد علي …
الصراحه مادري شسوي فيه……

الله يعيين عاد انا ولدي عنييد بشكل موطبيعيي
موووووووفقين

بس لازم ياهل يتعلم مو نخليه يعني وراه روضه متى نعلمه ؟؟
بنات رفعوا موضوع نبي حماس شوي لانه موضوع مهم ..

انا نفس كلام البنات بس انا كل ربع ساعه لان احيانا يروح وما يسوي شي واول ما تطلعين 5 دقايق الا مسويها
ولمدة اسبوع انسي الطلعات او خففيها لان لو مره تلبسينه حفاظه خلاص راح يرد لها والخدامه لها دور كبير بعد انا قلت لخادمتي اذا تعلم اعطيج 10 دنانير لان احيانا اكون نايمه او طالعه تنساه ويدمر الدنيا بس لاتجين معاه بالهواش لان راح يكره روحه الحمام

اخواتي انا عندي اثنين واحد 3 سنوات وماتعلم الحمام والثاني 4 سنوات مايلبس حفاظة في النهار بس الليل يلبس لانه الله يعزكم يبول اكثر من مرة وانا موظفة ودوامي من الصبح للساعة 2 تعبت حيل معاهم اسعفوني