شلون يهد البامبرز

مرحبا بنات
بغيت مساعدتكم حق اختي المسكينه
ولدها عمره 3 سنين وذبحها مو راضي يهد البامبرز وتبي تفتك منه اليوم قبل باجر
تقوله بس اذا فيك بوبو قولي صار يخلص البوبو ويقولها انا خلصت
او توديه كل ربع ساعه تحطه بالحمام وتقعده تبي يسوي شي ما يسوي ترد تلبسه يسويها بالبامبرز وايد ذابحها عندكم طريقه مفيده

السلام عليكم حبيبيتى بقولج عن تجربتى مع بنتى الصراحة المسألة كلها يببلها طولة بال وصبر وتتحملين شوي اول شي لازم تتخلصين من البامبرز وماتلبسينه ياه نهائى الا بليل لمدة اسبوع اول اسبوع بلشي معاه انه تودينه الحمام وانتى بكرامة وتكونين حاطة قيصرية على الادب كل نص ساعة اول ساعة وعادى تطولين معاه انا كنت اخذ قصص واسولف مع بنتى لين تسوى ببي او ؟؟؟ وانتى بكرامة وعادى اذ اذ سواها على الارض تحملى لانه متعمد انه يسوى اي شي بالبامبرز وبعدها بتشوفين انه اهو اي ويقولج ابي حمام والاسبوع لثانى اهم شي انج ماتشربينه سوائل قبل النوم بساعة وقبل لاينام وديه الحمام وبليل كل ساعة او ساعتين جيكى اذ ماكو شي انتى شيله وديه الحمام واهو نايم بيتعسر شوى وبيرد ينام وفي شرشف عند البغلى اللى بحولى حق الاطفال عشان اذ سوو شي بالفراش بس يكون عليه مايدمر الديباج اللى تحت فيه قطن ونايلون ب6 دنانير ووووواايد زين والله يعينج اهي شوى تعب بس بعدين بترتاحين وعسى الله يوفقج

خل اتقعده بالبانيو بوضع القرفصاء اذا ما سواها خل اتصب عليه ماي دافي مايل لسخونة
راح يسويها