شلون ولاده الفروانيه ؟؟ اللي مجربتها تدخل؟؟

السلام عليكم """""
شلونكم بنات شخباركم يا حواااااااامل وانشالله اللي ما حملت تحمل يااارب

ابي اسالكم عن ولاده مستشفى الفروانيه منو جربته وابي اسالكم

1-شلون نظافتهم
2-شلون اهتمامهم بالبجر
3-بالولاده تكونين لوحدج بالغرفه ولا مشتركه مثل ما سمعت
4-في دكاتره زينين عندهم؟؟؟؟

بنات لا تدخلون بدون رد بليييييييييييز جاوبوني
ويعطيكم العافيه

شدعوه بنات ولا رد ؟؟؟؟؟؟؟؟؟؟؟؟؟؟؟
ويييييييييينكم

هلا فيج

انا جربت مسشتفى الفروانيه بجري

وكنظافه اووكي وكانو حاطيني بغرفه بروحي بالولادة

بس الله كتب وولدت بعمليه لانه نبض البيبي على اخر شي ضعف والحمدالله

طبعا هالحجي من اربع سنين مادري عن نظافتهم ودكاترهم اللحين

انا والده عيالي الاثنين الكبار بالفروانيه صراحه زينه ولادتهم ونظافتهم وكنت بغرفه بروحي بس بالثاني مانزلوني الجناح لان ماكان في سرير يعنى من غرفه الولاده ليبيتنا على طول
بس هالكلام من 5 سنين

للاسف ماعندي فكره

مشكوووووووووورين بنات ما قصرتو

بس ابي اللي والدات هالسنه ابي رايكم ؟؟؟؟؟؟؟؟؟؟؟؟؟؟

انا والده صارلي سنتين و نص في بجري

النظافه و المعامله زينه .. الغرفه اتكونين ابروحج (( هذا احلى شي ))

بس على حظي قسم الولاده اللي ولدت فيه كان يديد توه امجددينه .. و ما كان عندهم كمام

تخيلي ولدت من غير كمام

و اللي اتولدج السستر الدكتور ماله دخل

شقووووووووووووووووووول وشخلي لآتفكرين بالفروانيه اولدي بيتج ارحم …..آنا بقولج قصة ولادتي من اولها لين اخرها…. بتاريخ 4/1/2008جاني مغص الظهر على الساعه12بس كان مغص خفيف يجي ويروح طبعا هذا اول حمل لي وما كنت عارفه اذا اهو طلق ولا لا وكان زوجي نايم وما حبيت ازعجه لا ن كنا سهرانين لان كان ذكرى زواجنا ….المهم ظل المغص معاي يجي ويروح لحد الساعه2عاد قام يزيد الالم اهني ولا بعد كل دقيقه داشه تكرمون الحمام وطالعه منه احس نفسي محصوره المهم دقيت على اختي قتلها ان معاي مغص بس مو قوي حيييييييل انا حسبالي الطلق من اول شي قوي علشان جذي مو عارفه وعلى فكره لان بعدمو وقت ولادتي لان انا ولدت باول شهري يعني ما كملته عاد قالتلي اختي ليش؟ انتي مو حاسه انها ولاده قتلها مدري المهم صكيت التلفون ولا تدق مره ثانيه قالتلي امي تقول تعالي وطبعا اختي عند امي نفاس….وقعدت زوجي حبيبي قتله بطني تعورني قام فز ولبس واهنيه عاد حسيت انه طلق قام يزيد وقعدت ادعي واصبر نفسي المهم بالطريق واحنا رايحين قلت لزوجياخاف يصير فيني شي و اموت ديربالك على نفسك وعلى بنوتي اللي بطني امانتك لا تنظام بعد عمري فديته شوي ويبجي وبنفس الوقت مستانس يقولي ما عليه تصبري بعد جم ساعه انشوف بنوتتنا ليش؟انتي مو مشتاقه لشوفتها .[SIZE="7"] قلت له ودي بس خايفه طبعا وصلنا لبيت ست الحبايب امي الساعه 3 انا كنت بجر ومتحمله الطلق طبعا من دخلت البيت وانا احوس ماني قادره اقعد بس افتر رايحه راده بالبيت ماني عارفه اقعد وامي سوت لزوجي اكل علشان المسكين قعد على طول ما اكل شي عاد امي انجبت له الاكل وقعد ياكل اهو وامي انا من الالم مالي نفس طبعا ما مداه اكل الا انا قلتلهم قوموااااااااااااااااااااااااااا خلاص طبعا امي اهي صبرتني شوي علشان جذي مارحت من اول شي تقولي روحيلهم واصله احسن ما يلعبون فيج كل شوي فحص عاد انا شقرديه سمعت كلام الوالده وطول الوقت ادعي هالدعاء اللهم سهل طلقه واحسن خلقه …بالسياره احس خلاص روحي طلعت طبعا وصلت المستشفى الساعه 6لا تخيلي يدخلون الحالات العاديه ومطنشيني عاد قلت لامي ماصارت شنو هذا عاد زفيت السستر قتله اتا ولاده يعني شلون مو ناوين ادخلوني ولا شنو زين عاد حنوا علي دخلوني لما فحصني الدكتور قال الرحم فاتح 6انا اهنيه استانست اني موصله دخلت امي قتلها قالت بنتي شدي حيلج والله معاج وجا بولي سرير ودوني الجناح دخلوني غرفة الولادصج غرفه بروحي ونظافه من قلب بس شنو ينفع اذ مافي عنايه تخيلي اول ما حطوني على سرير الولاده لازم يعطوني ابرة الشرج لا ويعطونجيها بدفاشه المهم بعدها قالتلي روحي الحمام تكرمون رحت لما طلعت ظليت امشي بالغرفه علشان ابي اسهل لنفسي الولاده وافتك لما جيت بنسدح على السرير جاني طلق قوي حيل وين ؟كان بظهري يعني اشلون انسدح لازم انطره يخف ولا السستر الله لايسامحها تصارخ علي يلا نامي قتلها لحظه ما اقدر خليه يخف اشوي شلون احرك ظهري قامت تصارخ علي وانا متحملتها غصب مع ان والله هذي او ولاده لي يعني لا صارخت بصوت عالي ولا بجيت حيل كله مصبره نفسي بالدعاء ونمت على السريروحطولي الاجهزه والمهم بعدها بربع ساعه حسيت اني بموت احس خلاص وصلت قتلها سستر خلاااااااااااص شوفوا شقالت طبعا اهي بالممر قاعد تقرق قلت:انا شنو يسوي خلاص وبعصبيه تقولها هذا شلون لو اني نفس الحريم بس اصارخ شبتسوي فيني وجا الدكتور طبعا اثنين كانواعاد فحصني قال 8 قتله دكتور تكفىلاتخليني ابيك انت تولدني قال ايوه انا حولدك وكب مي الراس وراح الاخ وخلاني عاد تعبت قلت سستر عطيني كمام قالت لا مايصير انا يعطي قتله حرام عليج انا هذا اول بيبي ليش ما يعطي كل اللي يولدون اهنيه تعطونهم قالت اني شلون يعرف مو انتي يقول هذا اول بيبي قلت اي بس اختي قبل اسبوعين والده عطوها كمام النذله تراددني بعدالمهم من كثر الحنه عطتني لا بعد مقصرته حده يعني ما احس فيه وعاد طلع الراس وقالتلي اضغطي ولاتاخذين هوا انا كنت اطبق بالحرف الواحد بس ابي اخلص بنات ماني مصدقه اللي صار فيني آه لما اتذكر اكره الولاده وابجي تخيلوا شنوا…………..حسيت بالشفره لما شقتني تعرفون شنو ايعني حسيت والله مدري شلون والحقيره ثلاث مرات اجرحتني شفتوا الصوت اللي كاتمته من اوا ما جاني الطلق ساعتها انفجرت من الصراخ انفجرت :انجنيت عيوني اطلعت شلون حسيت يعني تخيلوا احد يجرحج بشفره وتحسين بالم والله مدري شلون اوصف لكم المهم اخيرا اطلعت بنوتي وجا الدكتور وخيطني الجذاب قال بيولدنيانحاش وخلاني واثاريه بعد الدكتور جديد يجرب علي لان الدكتور الثاني قاعد يقوله ايوه اكويس ما خلصت الا انا طلعت روحي الساعه 8 وربع خلصت كل شيو اهنيه قعدت ابجي بروحي بصمت وقمت اقول الله يسامحج يايمه انا كنت ابي خاص بس اهي اقنعتني قالت البجر يولدونها دكاتره اي دكاتره واي اهتمام قالولي البجر ثلاث دكاتره وسسترتين انا ما شفت الا هالسستر الخبيثه اللي سببتلي عقده طول نفاسي بس ابجي واي احد يسالني شلون الولاده ابجي وانا الحين حامل على طول حملت من عقب نفاسي ماكنت ابي الحين لان عقدوني هالمستشفى بس هذي قسمة ربي انشاءالله اذا بولد بروح لخاص وانتي اذا مو قادره على الخاص روحي الصباح يمدحونها حييييييييييل والله يسهلج يارب بس انسي شي اسمه فروانيه انا من اول ما مدحوها لي بس الله يهدي الوالده ……..آسفه اذا طولت عليج ولاتخافين السهاله من الله

اختي الصراحه انا ما ابي اخوفج بس انا نفس كلام ام غازي معاناه وعذاب شفته بعيوني وتوبه أروح لهم بعد كنت حامل في عيالي توم بسم الله عليهم المهم يومين يدخلوني الولاده ويطلعوني لانه وقف رحمي ليه 6 صانتي بس ما فتح اكثر وإلي يجربون فيني يهال صغار طبعا ليما مرت علي دكتورتي وترجيتها إن تعبت خلاص ولدوني ودخلوني ولاده من صبح بس ما سولي شيء مرت علي دكتورتي وترجيتها مره ثانيه لاني تعبت راح كلمة رئيستهم إن لازم يولدوني لانه تعبت ورحمي وقف ليه 6 بس ما ردت عليه بعدين ياني دكتور الإستشاري مع دكاتنره لصغاره إلى عذبوني وشرح لهم إن خلاص إذا مرت عليهم خاله جذي معناتها إنتوا ساعدوها على ولاده لانه رحمها صكره ما فيه مجال يفتح بعد وقف جزاه الله خير ساعدني تخل أنبوب ابيض هنيه فتح الماي كانت ساعه 12 ظهر قال خلاص بعد ساعتين تولدين منوا كان واقف علي سسترات طبعاً انا بروحي كنت اروح الحمام وأرجع على سرير مره ثانيه وأنا اشيل الأجهزه بنفسي والله المهم ولدت ساعه 2 ظهر ودكتوره هنديه موجوده بعد ما ولدت وخلصت ما شفتها من غير كمام ولا مخدر ولا شيء كل شيء حاسه فيه حتى يوم فتحتني في شفره طبعا نسيت أقولج قبل لا أنا م على سرير الولاده كان وصخ كل دمه وقالت لي نطري شويه عشان نظفه وأنا واقفه على رجولي مو حاطيني على كرسي بعد ما ولدت بسلامه خلتني وراحت وسسترات نظفوني وكل شيء حاسه فيه واتالم ولا شويه جايبين لي دكتور يخيطني قلت له دكتوره إلى ولدتني تخيطني ما ابي دكتور عصبت علي وقامت تهاوش وخلتني مفتحوحه في البرد وداش فيني الهوا ليما جت دكتوره هنديه وخيطتني وكل شيء حاسه فيه حتلى الحديد سفتها جدامي مع لخيوط إلى يشوفهم يقولون يخيطون في سمكه مو بشر واترجاه أن تعطيني مخدر ومعصبه علي مو كثر عوار ارفع جسمي حيل فوق في خياط طقني على رجلي أن أثبن وايي شفت الويل منهم والله ما نظفوا بطني عدل ناسين بقايا مشيمه خلصت الأربعين وانا انزف دم فوق هذا كله وين حطوني لعد ما خيطوني في الممر طلعوني انا وسريري حطوني في الممر تسمعين صوت الحريم ودكاتره يمرون علي أترجاها تنزلني جناح مو راضيه ليه ساعه ثمانيه بليل طلعتني واهلي ناطريني بره وفوق هذا ملابسي وصخه تكرمين دخلت الحمام قطيت ملابس ولبست ملابس فراشه كاعده صرخ شنو هذا كل وسخ عصبت عليه والله يغيت اطقها قلت لها شرايج انظف مكانج بعد ما كأني والده عندهم وامي وخالتي ترجتهم يخلون واحد من يهال عندهم لانه توم غرفه عمومي مو خاصه وضيجه يعني واحد من يهال مجابل حمام تكرمين وقالوا بس واحد كل شويه جايبين لي يوم بنتي بغت تموت علي كعدت ترجع علي بنتي من خشمها وحلجها وكعدت يسوون تنظيفات لها وينادون دكتور في تلفون مو راضي يرد عليهم معاناه والله معانه توبه أروح لهم وبس هذي قصة حياتي إذا تبين تروحين حكومه روحي صباح يمدحون فيها انا زوجت اخوي جات واسطه عشان تولد في صباح ولا تروح فروانيه بعد إلى شافته مني ولا بيبي عطينا ملابسه وشامبو صابونه عشان نسبح لهم رعايتهم فاشله والله .

أسفه طولت عليج بس ابيج تستفيدين ولا تغلطين غلطه إلى غلطتها والله يسهل عليج ولادتج يارب

جزاكم الله خير

واي معااااااااااناه الله يعنيكم ..

بكل اختصار خالتيبغت تموت … لا والله ماتت و ردت حيت شي مو طبيعي نسو نص المشيمة بداخله.. تصوروا نص المشيمة و بعدين الدكتور بس يخيط السسترات اهم اللي يولدون
حبيبي اذا مقتدرة ب 450 دينار طبيعي بدار الشفا و اذا تبين الحكومة دوريلج وااااااااااااااااااااااسطة و مو بالفروانية بالصباح على الاقل

ررررررررررررفع

الله يرزقج الهوووووون والسلامه ………………

الله يعينكم ام غازي وعمري الكويت اقرى كلامكم كاني اقرى قصه ولادتي بالصباااااااااااااااااح

حبيبتي عيون زوجج لاتروحين لاالفروانيه ولا الصبااااااااااااااح لوووووووعه ولا عنااااااااااااايه والبيبي تحوسين فيهم انتي واهلج …………
انا ولدت بالصباااااااااح ومن وااااااااسطه قريبه مني حييييييييييييل بالمراجعات يعاملوني ملكه بس انصدمت بالولاده وصح ترا السسترات يولدونج … لا وانا بعد كان يوم عطله يعني السستر تمسك غرفتين وكل غرفه فيها ثنتين

والفروانيه في غرف للولاده خاااصه بروحي بس الصباح كل ثنتين بغرفه وبينهم ستاره تخيلي كنت اول مادخلت والا يمي وحده تصرخ وانا بجر قعدت ارجف اول مرة اسمع جذي صراخ وقريب مني قلت طلعوني ماابي

نصيييييييييييحه نصيييييييييييييحه روحي الخاااااااااااااااااص (قطي فلوسج بالشمس وقعدي بالظلال)

ام غاااااااااااااااازي صراحه مت من الضحك على طريقه وصفج للوضع الله يعينج صراحه تسلين وتنسين