|
|
مرحبا صبايا…
تعويد الطفل عالحمام شي مهم
بس بصراحه بالنسبه لي كابوس 
اللي يعرفني يدري ان عندي بنوته وحده وعمرها الحين 3سنوات 9شهور
والي الان ماعودتها عالحمام
تكفون لحد يطق 
شسوي ماعرف وكل مابديت الاخت تخربها وتلوع جبدي واكنسل وشهر 9بتروح الروضه والروضه مو نفس الحضانه دلع لاماراح يدخلونها
والحين خدامتي مسافره من اسبوع ولازم ابدي معاها مابقي شي
ياريت يابنات تقولون شلون الجدول اليومي كل جم تودينها الحمام وجم المده اللي تعود عليها وراح الحمام خلو يكون لنا مرجع
وبليز لحد يقرا ويطلع الاني محتاره واليوم اول يوم الحمدالله مشي بس كانت في اخفاقات بس ابي اعرف شلون نفسيتكم وطريقتكم
انا بعد تعبت مع ولدي بس اسم الله عليه بسرعه تعلم بديت وياه من اول ما كمل سنتين ونص
كان مستانس حيل لانه يشوف اليهال الللي بعمره يروحون الحمام ومن هني تشجع…يبي يقلدهم..
المشكله انه الحين صار ثلاث ونص بس مادري شفيه رد انتكس مره ثانيه
تعبت ويااه كل شي سويته له حتى طق طقيته بس ماكو فايده دايم يوصخ نفسه…وانتو بكرامه…
مادري ليش انتكس جذي…المشكله انه مابقى شي ع الروضه
ماشالله اهيا زينه طول اليوم تكرمين تروح الحمام ماتلبس حفاظه بس وقت النوم بليل وماادري شلون اعلمها تروح الحمام بليل بدون لا تلبس حفاظه
حماتي تقول ان كل اعيالها من يصير عمرهم سنتين تعلمهم يروحون حمام تقول اقعد بليل اوديهم وارد انام وكل ساعتين اقوم اوديهم وارد انام بس بصراحه تعب كل شوي قاعده وراده نايمه اصلا ان قمت خلاص راحت النومه لووووول
يعني بالكلام تفهم
اعقتد بلشي معاها اسبوع بالكلام و كل شوي انتي وديها الحمام
بعدها استخدمي العقاب ( الحرمان او الحبس ) لا تطقينها لانج بتعقدينها و الحبس مو بغرفه لا بزاويه ممنوع تلعب خلالها او تتحرك
اعتقد جذي مناسب
بالليل وقفي عنها السوائل
و قبل لا تنام دخليها الحمام و لما تلعب بالحوش ولا شي دخليها الحمام كل ساعه علشان لا توصخ بملابسها
سامحيني ما اعرف افيدج لان ما صرت ام للحين
ومنكم نستفيد
توها بدعت ووصخت نفسها المشكله انها تجذب علي يعني نروح الحمام تقول كاااااااااااااك قصيت عليج واخاف اطقها تتعقد
واذا رات الحمام اعطيها كاكاو شقامت تسوي كل شوي تبي تروح الحمام حتي لو مافيها شي عسان الكاكاو
صار لي تقريبا 6 شهور مع ولدي بس طلع لي قرووووووووووووووون
يوم يكون زي الفل و يوم زي الخروف
يعني على حسب مزاجه بس انا ناطره اخلص امتحانات و اتفضاله عدل
تكرمون البوله مضبوطه قام يسويها بالحمام
بس الثانيه ذابحني يخاف يسويها بالحمام
هاليومين اشوفه احسن
ولدي عمره 3 سنين
ودي لما اولد يكون خلاص تعلم 100%
امبيه انا ملاحظ اغلبيه اليهال كبار !! ليش ماتعلمونهم واهم صغار احسن لان الياهل لاتعلم واهوا صغير خلاص من نفسه يتعود
اما التعليم على كبر متعب انا اشوفه بصراحه
بنتي عمرها 9 سنين اسم الله عليها ربي يسهله علينا ان شالله
بنوته نايس شنسوي مالنا خلق بس الحين قاعده احاول
مالج خلق تجابلين ولدج او بنتج وكل ربع ساعه تودينها الحمامولج خلق حق تبديل الحفظات !!اصلا احس الحفاظة تقمت الياهل ميخالف حبيبتي اتمنى انج تتقبلين كلامي بسعة صدر بس يارب تصلحه واليوم اول يوم وراح اعلمكم وحبيت احذر الطق مو زين خاصه للتعويد لان راح يعناد ونتعب معهم
احسن شيء عقااااااااااااااااااااااااااب
لانه يشوف اخوانه وتعلم منهم وتكرمين حتى الحين بروحه يغسل " اعجز منه اقوله خل اغسلك مايرضى
شوفي انا طريقتي بالبدايه كل 10 دقايق اسحبه بالطيب واوقف اقوله يلا عفيه على الشاطر وارش مااي علشان يسااعده
لانه بالبدايه بيكون خاايف ولا تنسين كل شوي سأليها يعني لاتغفلين عنها انتي راح تتعبين اسبوع بس بعدين ترا بروحها تروح
بس ديري بالج تطقينها واذا عاندت حرميها من الشي اللي تحبه وزعلي عليها
وبالليل قبل لاتنام هم وديها ولاتكثرين سوائل لها وهم احسن لبسيها اول اسبوع كتجربه اذا شفتيها ما توصخ خلاص تاكدي انها تعلمت
والله يخليها ياارب