|
|
بنتي عمرها سنه وخمس شهور ولحد الحين ترفض انها تاكل اكل ايلا لما نطحنه لها بالخلاط وكل ماحاولت اني اعطيها اكل مومطحون بالخلاط تشرق وتبي ترّجع ومرات وايد رجّعت والناس كلها تلومني وانا صج صج موعارفه شسوي معاها علموني عفيه ولكم الاجر يارب
بس كل ياهل عن ياهل يختلف
وماكو إنسان كبير ما يعرف ياكل….يعني مردها راح تتعلم…بس لما تكون مستعدة
طحني الأكل خشن شوي…وشوي شوي راح تعرف شلون تعلج وتبلع
عطيها بسكوت الأطفال اللي يذوب بسرعة…يعلمها شلون تعلج وتبلع
إذا بتعطينها عيش…حطي فيه مرق أو شوربة وايد…لأن العيش إذا كان ناشف يمكن يخليها تشرق
أو ذوبي توستة بدال العيش بالمرق أو الشوربة لين تتعلم على أنواع مختلفة من الأكل
وصدقيني مع الوقت بنفسها راح تمل من الأكل المطحون وماتبي إلا الأكل العادي
لا تغصبينها…شوي شوي راح تتعلم
في كل مره تطحنين الاكل خليه اخشن من اللي قبله واذا بغيتي اتزيدين خشونته لاتزيدين الا لما تتاكدين انها خلاص تعودت على هالنوعيه يعني اسبوع 10 ايام وزيدي
كثري المرق او الروب عشان الاكل يضيع بالصقله عرفتي؟ غرقيه بس ها لاتعودينها واهيا تاكل يمها الماي مع كل لقمه لا نطري عليها وساعات اليهال اذكياء انا بنتي كانت جذي بعدين حسيت انها تقص علي من تشوفني اشوفها او التفت عليها ترجع وان شافتني حقرتها تبلع اللقمه 
اكل العنب حبه حبه كلشي تبينه يدوم معاج لازم يكون بالتدريج
والله المستعان حبيبتي
خليه يكون اخشن بالتدريج كلما تتعود خشنيه اكثر
والعيش والمعكرونةخليهم لينييين واذا فيه مرق غمريه
و انتي اتوكلينها هرسي اللقمة عالخفييف و خليها تاكل
خليها على البسكوت فارليز اللي اتذوب