|
|
السلام عليكم و رحمة الله و بركاته
احب اعرف شلون تكون العلاقة مع ادارة المدرسة( الناظرة و الوكيلة) و شكثر قاعدة تاثر عليج مع مدرسات المدرسة ؟
بتكلم عن نفسي اول
انا مدرسة عادية بس الادارة وايد تحب شغلي خصوصا الناظرة بس بعض المدرسات احسون انه في تفرقة بتعاملها معايا خصوصا انه ناظرتنا عصبية حيل وانا اكثر وحدة احصل زف بس لاني اسكت و ما اقول فعلبالهم امدللتني و رئيسة قسمي نفس الشي تخاف اتكلم عن الناظرة جدامي عشان ما اوصلها و هالشي وايد اضايق.
شرايكم؟ و انتو شلون علاقتكم معاهم؟
للأسف
هالشي سبب لي المشاكل
وبحكم عدم خبرتي حزتها ظنيت انه هالشي صح لكن مع الوقت عرفت انه غلط
الحين علاقتي سلام عليكم السلام شلونج ست فلانة هلا ست فلانة ( انا صرت ست مثل الناظرة لووول) والله
وبالعكس ارتفعت قيمتي عندهم وصار لي احترام
ووخرت عن المشاكل لأن قبل ما يلقون الا انا بويههم فيستلموني
فخلج بعيدة عن الادارة احس ولا يشوفونج الا حزة الشغل احسن وابرك
والله راح تشوفين ان كل شي تغير وصار احسن
علاقة الناظرة معانا اخت كبيرة مع اخواتها المعلمات
ابد والله مافي اي تفرقة ومافي احد احسن من الثاني في المدرسة
وكل مدرسة لها برستيج عند الناظرة
وهالشي انعكس على اداءنا وصرنا نبدع ونبدع في شغلنا وتدريسنا على اساس بس نرضيها وهي تستاهل
ووالله انها احسن مديرة شفتها بحياتي
وهذا راي الابلات بعد
الله يخليج لنا يا ام عبد العزيز
لما كنت معلمة عادية كنت ما أوري الإدارة وجهي إلا للضرورة القصوى
بس لما صرت رئيسة قسم الحمدلله صارت لي مكانه كبيرة عند الإدارة والمدرسة كلها والكل يستشيرني وخصوصا الاحتفالات كانت تخصصي بالمدرسة
والحين انتقلت لمدرسة قريبة من بيتي والحمدلله علاقتي من أروع ما يمكن بالإدارة وقاعده ابين لهم شغلي وإني قدها وقدود
وبالنسبة لتأثير الشغلة هذي علي مع باقي المدرسة أنا دايما أقول لنفسي بما إني ماضريت أحد ولاغلطت على أحد ودايما متعاونة مع الجميع مو من حق أحد يحقد علي
وتاثر علي ايجابي طبعا :
اي شي تبيه مني ما اقول لها لأ ,, ولا اتجرأ اقول لأ ,,
لانها ما تقصر معاي بشي واسلوبها راقي وتربوي بالتعامل معاي ومع غير