.شلون زوجج تقبل انج تدخلين النت.

سلام عليكم…
.بنات كل وحدة تكتب شلون زوجة سمحة تدخل النت او شلون اقنعتة…
…
وانا بلنسبة لي…
.بلنسبة لي لمة كنت بيت اهلي ماكنت ادخل النت واجد .
حتي يمكن نادراا .لانة كلة عروس وطلعة وزيارات عند عمامة او خوالنة…
.وهم كلية…الوقت حيل قليل.كان.اما لمة تزوجت..لاني ماشتغل بليت..
الوقت كبير وخاصة 8الصبح لحد الساعة 10
..بس اول ما قلت حق زوجي عصب وتظايق شو وكان يبي يكسر الابتوب…
..قتلة خلاص عطني سبب او اي شي انت تشوف غلط وماتبيني ادخل النت علشانة .
وانا اعطيك السبب الي خلاني ادخل..وبعدة لو قلتلي لا تدخلين ماراح ادخل. وانشالة ماراح ابد ادخل النت.
..قال موزين وكلة خرابيط ولو انتي تدرسين اقول يمكن علشان الدراسة او الوظيفة…
..قلتلة..انتة قلتة يعني لا موضفة ولا ادرس؟؟ ولا الله رزقنة بعيال علشان تقول هاملتهم عندي وقت فراغ شو كبير.انا مادخل عشر ساعات بليوم.
كلة ساعة ومو كل يوم ولا وانت مو جود الا الصبح لمة تروح الدوام…وبعدين انة داخلة منتدي كلة حريم.وسوالف الي فية كلة حق حريم…من خلاطات ومن ملابس ومن شغلات صحية…وبشكل عام شغلات خاصة…
…وبعدين
اقتنع……. ابشوف ردودكم وشلون اقنعتوا ازواجكم..

انا كنت ادخل من كنت بنيه
بس اول ما خذيته طبعا كله لازق بيشوف انا وين ادش يعني بيجيك علي ههههههه
بعدين صار عادي اهو بلابتوبه وانا بلابتوبي وشغالين طول اليوم من موقع لي موقع
والله النت عالم كبير ووايد يعلم الانسان واااايد اشياء تعلمتها منه والانسان يختار الشي الزين ويترك الشين
والله يحفظنا

والله انا من قبل يس كنت ادخل اتطمش يعني ما اشارك و لا كان عندي ايميل بس قبل سنه و شوي سافروا اخواني 3 رحله علاج فقلت له ابي ايميل عشان اكلم اخواني واشوفهم و اتطمن عليهم بالبدايه ما رضى بس يوم شاف نفسيتي تعبت و احن ابي اروح لهم لأن اخوي كان تعبان.. قال اوكي و سويت لي ايميل بس هم ما كان راضي اسجل بالمنتدى اقنعته ان منتدى نسائي و استفيد منه و هم افيد البنات و بس لما اكون فاضيه اشبك رضى… و الحين 24 ساعه شابكه لوووووووول

عادي
انا من قبل الزواج وانا بالنت.. من يوم كان عمري 14 سنه
وتزوجت وهم ادخل النت..
ما علق
لأن عادي
منو ما يدخل النت الحين
وبعدين خواته الصغار كل وحده عندها لاب توب وماقالهم شي.. بالعكس اهوا اللي راح مع اخته الصغيره وشراه معاها..
وانا سويتله إيميل بعد..
واللاب توب اللي عندي اهوا شاريه حقي هديه..
مادري أحس الموضوع عادي

والله انا من قبل الزواج اشبم بالنت واعرف له
بس عقب ما تزوجت كنت بس اشبك عند اهلي بزوارتي
والحين صار حيل مشغول بضروف شغله فا قلت له هالفكره بالبدايه كان معارض وشوي شوي اقنعته
والحمد له اقتنع وشريته وصرت اشبك عليه في اوقات فراغي

صراحه ماكان يرضى حدي العب بس مع الوقت قتله ابي ايميل ومارضى غصب لين عرف ان الكل عنده ايميل عادي الحين حتي امهاتنا وعادي الحين اشبك مايقول شيء

انا زوجي يرضى ادخل النت ومواقع وجذي

بس شي اسمه ماسنجر لا

مايرضى ادخل الماسنجر كلش مع انه كله بنات عماتي وخلاتي محد غريب وبعد مو راضي

اللحين توني ادخل واشار ك في مدونة الصراحه خايفه انه يمنعني

انا الحمدلله زوجي يرضى ادخل في ثقه بينا الف الحمدلله واهو يدري ان انا ادخل على قوقل واطلع مواضيع واقعد اقرى اسلي وقتي لا اكثر ولا اقل ولين تحطت على هالنتدى الحلووو الي ادمنته قمت كلا اشبك فيه والحين اهو مستاااانس لان كلا قام يشوفني ادخل اهني وكلا بناااات فديته زوجي ادعو لي الله يخليه لي يااارب

اصلا انا وياه النت مانستغني عنه شغلنه كله عليه حتى واحنا نزهب الشقه شرينا الدي اس ال
وماكو سبب يخليه يمنعني من لانه صار شي مهم حاله حاال التلفون والسياره مايقدر يمنعني منهم وثاني الشي النت قاعدين نستخدمه مو بس منتدى وهسوالف بالعكس حق الشغل حق الدراسه حق الحجوزات
فمانقدر نستغني عنه

انا ريلي اهو اللي علمنى عالنت ومن قبل لا اتزوج كنت اشبك فعادي بالليل نشبك مع بعض وندز حق بعض ايميلات وماسنجر

يعني اهو يروح دوام بالليل وانا يضيق خلقي فاهو يحرص ان في نت عشان اشغل نفسي وهم استفيد والنت وكل شي بالحياة الزوجيه لازم يكون في مبدا ثقة يعني اذا اهو واثق مني لم اطلع مع اهلي وخواتي ورفيجاتي اكيد عنده ثقه اني اشبك وكاهو نروح دوام وكله دواماتنا رياييل

يعني ما يت على النت

انا اول ماتزوجت ماكنت اشبك وهو كان يشبك يوميا باشياء تخص شغله وبعدين اذا ضاق خلقي اشبك بلاب توب ماله وعادي يجي فجاه يطل علي يلقاني اطالع بالازياء او المكياج مافي شغل وبعدين كنت ادخل هالمنتدى اقرى وعجبني حيل وخليتيه يشوف وياي ويتاكد كله حريم ؟ وبعدين قلتله بشارك وماقال شي سوالي ايميل عشان اشارك بس حذرني من الماسنجر انه ممنووووووووووووع

والله ياقلبي اشبك من سنه 1999 في بيت اهلي
ولما تزوجت شبه عارضه وشبه وافق اول ماسوالي ايميل وشوي شوي
اشبك من تيلفونه على المنتديات
وشريت جهاز وجابلي وصلت بلتوث وصرت اشبك وجته فتره رفض وقام يخانق لاني مصختهاا
وشال النت عني
والحين فديته هو اللي مسويلي اشتارك ومتى ماتخانقت معاه قال روحي لنتج ينفعج

لاتقلبين الموااااااااااااااااجع وانا اختج

عادي الحمدلله
لأني انا اشبك بالنت وانا عمري 13 سنه وكنت ادمااااااان
وعقب ماتزوجت خفيت لأنه طلعات وايد وبعدين رجعت عاادي والحمدلله مايقول شي
لأنه اهو بعد علطووول شابك
اهوا لاب توب وانا لاب توب

انا زوجي الله يخليه عطاني الاب حقه اول زواجي وكنت قبل لا اشبك ادق عليه استأدن منه
مره مرتين بعدين قمت اشبك بدون لااقوله لأنه مايقولي شي
بعدين بعد كم شهر راح اشترا لي لابتوب ديل اصفر يهبل
الله يخليه لي ولا يحرمني منه
فديت قلبه