|
|
السلام عليكم ياااااااااااااامتزوجات 
بنات موضوعي هذا بنتكلم فيه
وخصوصااااااااا
————–
————–
المتوظفـــــــــــــــــــــــــــــات منااا
يعني بخصوص الراتب
اكيد بتعاونين زوجك بمصاريف الحياااااااه اذا مو برغبتج طيبا منج …………..
وحفاظا على مبدأ التعاون فيما بين الزوجين والاسلام وصى الزوجه بمعاونه زوجها على امور الحيااااااااه …………………
نبي كل وحده تقولنا طريقتها بالتعاون مع زوجها
انا صراحه زوجي ما يقولي ولا يطري سالفت اعطي معاش الخدامه او السايق او الجمعيه او ملابس البيبي او ما شابه
انا مفمته قبل ان معاشي لي وبس
لكن حسيت انه فيها انانيه مني……….!
بس انا بشر واحس
اصلا احس اني اكسب حبه زياده اذا عاونته ومو شي عيب ان الوحده تعاون على فكره
بعض البنات شايفين انه من الجيد والشطاره ما تعاون كلش ملش
وانا مااقولكم صيروووووو بنك متنقل وين ما رحتو ويا الزوج دفعو
لاااااااااااااااااااااااا انا ضد هالشي بس تدفعون بحدود
يعني شهر عليج وشهر عليه
او
تقسمون السالفه فيما بينكم يكون احسن
ياليت تكونون فاهميني
ويالله ننطر خبراتكم وارائكم
8888888888888888888888888888888888888
بس اذا معاشه مايكفي والله اساعده ليش لأ ..
وحاليا الحمدلله اهوه مو محتاج ولا عندنا قرض بيت او شي اللي ياكل المعاش ويحتاج مساعدة فآنا مالي شغل بشي اهوه اللي يدفع كل شي ..
ومعاشي لي واذا قصر على بنتي شي لأنه يعطيني مصرف لها بس مرات مايكفي ..
بس مشكورة وخوش موضوع
اووووووووف ليش ولا فلس
زين ما عمرج فكرتي تهدينه شغله او تساعدينه
مو من باب ان معاشه مكفي او لا………………
من باب التعاون لاااكثر
انتو شركه وحده او مثل الشركه
عشان جذي سمو الزوجين شريكين بالعمر
الشراكه تكون بكل شي بس بحدود من طرف المرأه
انا هذي وجهه نظري
ووجهت نظرج نحترمها يارفرف
وناطرين وجهات النظر الاخرى
بس عاد انا مو اشحفانه
مرات تكون العزايم علي .. مخطاعم وسينما انا ادفع ..
واشتريله هدايا اصلا معاشي طاير على الهدايا ..
واشتري اكسسوارات حق البيت واخذ جزء من اغراض الجمعية لو حسيت ان شغله وايد ومابي اتعبه ..
بس من وجهة نظري المتواضعة واللي تقبل الصح والغلط ان الريال ريال والمره مره …
وانا صج ان معاشي لي بس قاعد يسد عنه اشياء حتى لو كانت بسيطة مثل ماقلتلج بمصرف بنتي ومصرفي والنواقص ووووو …
وفوق كل هذا حق البيت اللي راح ناخذه بالمستقبل شي بديهي اني راح احط معاه …
لكن وظيفة الريال انه يصرف عالبيت هذا شغله ووظيفته بالحياة والله سبحانه وتعالى قال "وللرجال عليهم درجة" … ليش ؟؟ "بما أنفقوا" ..
وسبق وقلت هذا لووووو كان دخله كافي ووافي ومو محتاج …
ومشكلتنا يالكويتيات ان ريحنا الرياييل وايد على حساب روحنا وصحتنا وشلنا عنهم مسئولياتهم لين صرنا حريم ورياييل بنفس الوقت …
فلو ريلي احتاج على عيني وعلى راسي والله ابيع اللي وراي ودوني علشانه …
لكن لو مو محتاج !! اهو ريال وانا مره ..
وهاذي وظيفته بالحياة مو وظيفتي …
.
اكسسوارات البيت اكيد هي بتشتريهم هم اذا راحت السوق وشافت شي لعيالها اكيد بتشتري لهم من فلوسها ..
وغيره وغيره ..
لاكن لا تحددين وتخين شروط والله الشغله الفلانيه عليك والشغله العلانيه علي لا اكبر غلط تسوين جذي .
خليها على ظروفج اذا عندج ساهمي واذا ماعندج مايكون تعود واذا ما قطيتي قام يلومج وليش ماسويتي وليش ما حطيتي ..
خليها على حسب ظروفج والسيوله الي عندج ..
الريايل بلشه لاعودتيه توفرين عنه اشياء وايد استانس وبدال ما يوفر من فلوسه لاشياء اهم يصرفهم على خرابيط واذا طلبتي منه قال ماعندي ..
والله يعين ..
لازم تكون مساعده بين الزوجه وزوجها
انا عن نفسي اساعد زوجي بس من غير مايحس
مثلا اشتري ملابس حق عيالي اهوا مايقصر عنهم بس انا اكثر شي اشتريلهم
عادي اكون طالعه مع امي وخواتي وامر الجمعية اشتري اغراض حق البيت
ولما فكرنا نشتري بيت قتله معاشي حلالك مثل ماهو بيته بيتي
ولا شرايكم ؟
بس عقب ماتوظفت لالا صار عليه قرروض وايد فكنت انا المصرف لجمعيه واليهال طبعا مايطلب مني ولا انا ادفع بس اقووله وييه صج معاشج مانزل يالله اسلفك واعطيه بالسياره وطاااااااااااف ماذكره فيهم ولا انا عازمتك على المطعن الفلاني مثلا
طبعا اهوو اذا عنده مايرضااا ومايخليني ادفع فلس بس اذا ماعنده يسسسسسسسسسسسكت ومايعارض
لكن يوم بغا يدخل مشرووع مع اخوانه وطلب قرض كبير ماعطووه الا يوم دمجنا معاشاتنا قالي برد لج اللي يقصونه منج وبردلج ارباحهم طبعا سنه للحين ماشفنا ربح واللله يستر
اما سالفت اساعه وشيل عنه خدامه وجمعيه وغيره فلالالالالا بالله ليش ريال اهو ليش متزوج شلون يتحمل المسؤليه
انا مسؤليتي اني اربي اعياله احسن تربيه وطلعهم ناجحين وصالحين للأمه "أمين"
مو اصرف عليهم وعليه بعد ..
بنات لاتتحملون واجباته كل واحد يسوي واجباته ويطالب بشده بحقوقه الصرف من واااجبات الزوج علشان جذيه قالوا القوامه للرجل التي تدخل من ضمنها النفقه والانفاق
ملاحضه: اذا محتاج فعلا فعلا اساعده واشيله فوق راسي احنى ستر وقطاء على بعض
بس اذا دلع وتفسفس لا اكيف روحي وحتياجاتي واحتياجاتنا على معاشه
معاشي لي ..
اذا كان الريال يستاهل وصج ماعنده مايمنع انه المره تساعده بس ماتشيل عنه كل شي
عيبنا طاقين الصر وصايرين رياييل اول عييب الريال يحط بحجله لقمه المره دافعه فيها فلس
وعيببب ان المره تدفع عند الكاشير وريلها يعتبرها اهانه بحقه اذا قالتله احط وياك
الحين كللللللللللللللللللللللللهم يدورون موظفه علشان تشيل عنهم وتساعدهم
واذا الله سلم وستر وماخلاها تحط وياه بالبيت لما اييون يشترون بيت ضروري تدمج راتب وياه ويتقصص 60% من المنعاش هذا اذا الله يحبهم
وهذا حال الكويتين وهذا الواقع
الوحده تناضل علشان معاشها
غلط انعودهم ان لازم نحط وياهم بيالبيت
بس شتسوين تحرتقين لما تشوفين شغلات تبينهم حق بيتج ومبدأ الرياييل اذا تبين شي وميته عليه حطيه من معاشج انا موعاجبني وسبحان الله مع الوقت كل شي مايعجبه وشوي شوي انتي دافعه مصرف الثلاجه او 70% منه وشوي وشوي حتا جسوه العيد والصيف والشتا عليج مو عليه وشوي شوي يصير اهو ضيف واكرامه واجب
مايصير نوصل هالمرحله اهو له حق القوامه بالشرع علينا يعني اهو مسؤووووووول انه يصرف علينا
انا اقولكم عن تجربه
اول ماتزوجت طقيت الصدر وسويت عمري ريال يعني عشتو بثبتله انا مو محتاجتك وانت ماتتفضل علي وكنت غلطااااااااااانه وكجويه علي راسي شال ايده من كل شي وشنو همه اهو مرتاح وانا ادور الشقا
بعدين انتبهت علي روحي ليش اسوي جذي
وبديت ا خذ مصرف البيت منه ويوم يت الخدامه مو ضغلي اهو يدفع ويوم اكثرةو الخدم واذا صار ماعنده فلوس ادفع معاش وحده منهم وساعات نص معاش بس وماعوده
واليهال قمت اشتري لي طلعت وياه ، وساعات انا ادفع ، ولكن مو دايما جذي مرات البسها
واول اعزمه علي المطاعم وايد يعني ان يت ساعه الدفع وقال لي لج او علي؟ اقوله ترضا تاكل من فلوس مره؟ منو ريال البيت
فتعلم
طبعا تعبت في البدايه بس بالنهايه تعلم اني مو ريال البيت
ليش اتعب عمري واشيل حمل اهو مسؤول عنه؟
انا احبه اوكي شنو المشكله مو معناته ان معاشي كله له اعطيه بمشتهاتي وان شفته محتاج
وحتا التوفير احنا كان توفيرنا واحد
بس يوم فكرت فيها
لا والله الزمن اغبر
احط وياه بتوفيره بس نص الباجي لازم بحسابي انا مال التوفير
اللي عنده مالي تحكم عليه وان قلتله عطني من التوفير اخترع ويته ارتكاريا وليش وماليش واوشوره بكل فلس وقدمي عريضه وشرح حاله ويوافق او يرفض شنو رايحه الشؤون؟ انا لي بالفلوس نفسه
وهذي اخر هوشه لنا بسبتها التوفير
والنتيجه رديت حسابي القديم وقمت احط بالصوبين
على الموضووع المميز :9
انا شايله نفسي
ولا اطلب منه مصروف لي
بس اهو عليه الايجار وعليه الماجله وعلي معاش الخادمه وووو الالتزامات واذا طالعه معاه وشريت شي لليهال اهو اللي يدفع
بس انا اذا طلعت وشفت شي حق عيالي اشتريه ولا اقوله معاشي عندي حقي وحق وناستي وحق وناسة عيالي
ناقص شي من الجمعيه واهو طالع اييبه واذا اانا داشه الجمعيه اشتري كل اللي ناقصني
واهديه واشتريله اي شي يعجبني حقه ما اقصر معاه بس الصرف الاساسي على الريال
حاليا ما افكر احط معاه شي كونا لين الحين اللي بينا مو عشره كل اللي بينا يا دوبك 3 شهور وبعدين
كافي انه لبشي ومكياجي علي ليش اني موظفه ولا قاعده اطلب منه مصروف واهوا ما يعطي من نفسه
ولا عنده اجار شقه قاعده بيت اهله انا يعني موفره عليه .. مرات اهديه بس بمزاجي
وباعتقاديي اكبر غلط الللي تصرف على ريلها من اول شي
اذا عندة خير اكيد ماراح اقط شى حتى مصاريفى علية واذا ماعندة اساعد بحدود
وانا الحمدالله متفاهمة معاة كل شى علية ههههههههه الله يعينة على
بس جد انا امشى ع المثل اللى يقول مد الحافك على قد رجلك
واقصى حد يقدر يساهم فية بحياتنا انا استغلة بحيث لا احدة على الضيقة ولا اتساهل معاة