شلون تكلمون الدكاترة وتخلونهم يعرفونكم ؟؟؟

.
.
.
.
.
.
.
.
.
.
.
.
السلام عليكم

شلونكم
عندي مشكله واتمنى القى حل عندكم لان حايشني احباط مو طبيعي
المهم الله يسلمكم عندنا دكتورة قريداتها مو على المحاضرة ولا على المشاركة
قريداتها على السوالف
وكل ماتعرف اسمج اكثر يرتفع قريدج عندها
صراحة انا اول مره تمر على دكتورة جذي
وساعات ودي اسولف معاها بس مادري شنو المواضيع اللي اكلمها فيها او شلون ابدي
لان حتى المحاضرة تكتبنا نص صفحة ماكو شي اسألها عنه
ودي اقط ويهي عندها وموعارفه
شوروا علي شسوي

والله انا نفس حالتج
مو ذاك الزود بالمشاركات مع الدكاتره
بس تدرين احتديت هالكورس لأني مآخذه conversation
اممممم
انا الاحظ بعض البنات يشاركون لمجرد المشاركه
يعني لما دكتوره تتكلم عن شي .. يتكلمون عن نفس الشي بأسلوبهم .. أو يذكرون مثآل وتأكيد
أو يسألون سؤال حتى لو عارفين جوابه .. بس عشان يلفتون نظر الدكتور لهم
يعني لا تخلين شي بخاطرج :$
أي شي يطرى عليج قوليه حتى لو تافه :$

< طآع من ينصح

شوفي حبيبتي انا قبل مثلج ما اعرف ارز ويهي عند الدكاترة بس الزمن الحين جذيلازم على قولتج تقطين ويهج يالله يعرفونج
عشان بالفاينل اذا تبين تزيدين درجاتج او شي لا يقولون لج وينج من اول الكورس

المهم انا شسوي اروح للدكتور اطلع لي سؤال من تحت الارض واخليه يفهمني وانا ماعندي سالفه شوي الا ندش بمواضيع ثانية
مثلا دكتور الاقتصاد تكلمنا عن الازمة العالمية وانا ماعرف عنها شي لووووووووول بس تفلسفت
واي شي يقوله اقوله فعلا صح معاك حق هذا الكلام العدل ههههههههه

قلتله اني موظفه وقاعدة ادرس واشتغل
وقلتله ان ماكنت زينه بالماث بس شويس شوي تعبت على عمري لين تحسن مستواي
اسأله شلون طريقة الاختبارات حتى و مايقول بيلمح بيقط كلمه كلمتين ينفعونج
والحين لما يشرح قام كله يطالعني لان عرفني وانا دايما اطالعه وابين له اني صاحية ومنتبهه

فانتي سوي جذي قعدي هذري معاه لين تحسين ان ماقام يعطيج ويه يعني عطيني مقفاج عاد شيلي شلايلج وتوكلي على الله ههههههههههه

مشكوريين على مشاركاتكم انشالله بجرب وبانتظاار المزييد