شلون تعودون الابو على الياهل

بنات انا من طلعت من الاربعيين واحس ريلي مو متعود على بنتي مايعرف يشيلها بس وقت ماهي ساكته يصير ابووها لووول وانا ماعندي خددامه يعني بدش الحمام بسوي الغدا بنظف مو قادره ابييه يتعود انتو شتسوون؟؟

نفسي انا باول مولود ما يشيله وما يعرف اصلا وما يسأل عنه واذا مرض احس ما يضيق خلقه عليه عادي وكان هالشي يضايقني حيل لاني اقارنه باخواني يمووووتووون على الجهال بس بعد فترة ولما صار عمره 6 شهور تقريبا تعلق فيه حيل والي يومج هذا عيالي يموتون في ابوهم اكثر مني لان اساس الدلع والخراب بالبيت وما يرفض لهم طلب واذا مرضوا يضيق خلقه اكثر مني , بس اذا كان مولود ما يقرب صوبه ابد, يعني المسأله بس وقت

اي والله صاجه لي مرضت بنتي ماحس انه يضيق خلقه انشالله يكون مثل ماقلتي مسأله وقت

اب
اب
اب

هذي مشكله الرياييل يخافون ايودون الياهل

انتي تعمدي تدشين الحمام وتوهقينه وخليه يتصرف مره ومرتين لين يتعود عليها شوي شوي

حبيبتي عادي الريايل طبيعتهم جذي يخافون
بس هذا شي طبيعي شوي شوي راح يتعود

والله يخليكم لبعض ويخلي بنوتج لكم يارب

عادي خصوصا اذا اول بيبي انا بعد أول الايام مو وايد يشيلها ولا قلت له تحبني انا والا اهي يقول انتي ..

الحين يمووووووووت عليها وكلها شايلها .. ولا سالته هالسؤال مايرد يقول ثنتيكم الحين صعب الاختيار

مغ الوقت بيتعلق فيها حصوصا لا بدت تحبي وتضحك وتعرفكم وتصيح تبيه

وربي يخليها لكم يااارب

أنا صار معاي نفس الشي بأول عيالي وما حس فيه ليمن كبر وألحين صار رفيقه
أهم شي إنج تحسسينه بأهمية مشاركته معاج وإذا بغيتي تروحين تشغلين أو تتسبحين جهزي له كل شي مكن يحتاجه من الرضعه والفوطة والبنوته لازم تكون نضيفة علشان ما تأذيه بالصراخ
الله يخليها لج إن شاء الله