شلون تعاملكم المادي مع أزواجكم والميزانية وهالسوالف؟ حياكم بديوانيتنا =)

هلا حبيبتي ,,

خووش موضوع والله نقدر نفيد بعض يعني بطرق الصرف و الميزانيه.

شوفي ,, انا طالبه ، فـ عندي المكافأة مالت الجامعه 100 دينار ,, و اهو يعطيني كل شهر 80 دينار حقي ,, و 60دينار حق بنتي . و الحمدلله

اما عن صرف البيت .، فـ يسحب المعاش كااااامـل و يسدد منه الاقساط ( السيارة – تلفون … الخ ) ,

و بعدين يحط الباجي في درج صغير مخصصينه له . و نصرف منه ع البيت و بنتنا و طلعاتنا .. و ورا باب الغرفـه حاطين ورقه

و كاتبين ( شهر 6) و نكتب التاريخ و شكثر صرفنا و على شنو .. عشان نضبط مصارفينا و نعرف .

و طبعا اذا خلصت اللي عطاني اياه ، يعطيني ما يقصر بعد عمري.

اما السكن فـ احنا ساكنين عند اهله . و بس

انا موظفه الحمدلله ومعاشي وايد زين بس بو العيال اهو الي يصرف عالبيت من كل احتياجاته .. مايرضى انا ادفع شي

راتب الخدامه عليه

مصاريف الولد عليه

مصاريفي انا همن عليه

مسكييييين كل شي عليه طبعا مصرف البيت نروح مع بعض الجمعيه نشتري كل شي والسوق بعد نروح مع بعض … بس انا اذا رحت السوق بروحي مرات اشتري من فلوسي عادي حقي وحق ولدي
ومرات اروح الجمعيه اشتري من فلوسي

صراحه ريلي مبذر واااايد يصرف على اشياء ومايشتري الا الغالي .. وانا عكسه تماما .. احب اوفر

سم سيم اوبرا بالضبط بس للحين ماعندي عيال ولا خدامه
ادعولي بالحمل الثابت

ريلي ينزل معاشه قبلي فنصرف منه ليما ينزل معاشي

واذا نزل راتبي نعطي الخدم رواتبهم والباجي نعيش فيه ليما ينزل راتبه مره ثانيه

بس انا عندي حساب ثاني اخش فيه للظروف الطارئه

كل شي على ريلي انا ما اشتغل بس مسويلي استقطاع حق سووق واشتراك نت والباجي عليه

موفقيـن

والله خووووووووووش موضوع

1. هل اهو يعطيج ميزانية البيت كاش مثلا؟ ولا حاط حساب مثلا له بطاقة تصرفين منه حق البيت؟ ولا انتي تسوين سطو مسلح لما ينزل الراتب لوووووول ولا شلون الطريقة؟

يعطيني ميزانيه البيت كاش

2. للموظفات: هل اهو لازمج تساهمين معاه؟ ولا من نفسج تساهمين؟ ولا ما كو مساهمة خير شر؟ وشنهي الأشياء اللي تساهمين فيها بالبيت؟

اساهم من نفسي بس مو وايد لان الفلوس اللي يعطيني اياهم حق البيت تكفي والحمدلله

اللي اقصده ان اذا في شغلات نقصت في البيت اشتريها من معاشي

3. للموظفات: هل يعطيج مصروف حق احتياجاتك الشخصية وخرابيطج (حلوة خرابيطج يعني قصدي فواتير التلفون، بنزين، ملابس، مكياج، عطور، مواجيب) ولا انتي تصرفين من راتبج؟
ولا أهوه يعطيج؟ جم يعطيج؟ (مو لازم تقولين جم، بس اجابتج تفيد العضوات)

يعطيني بس مو الزامي … يعني اذا نقصني شي اطلب منه وما يقصر معاي

5. راتب الخدامة أو المربية أو غيرهم من العمالة المنزلية عليج ولا عليه؟

عليه

6. للي عندهم يهال. شلون الطريقة؟ هل كل شي عليه ولا في شي عليكم؟ وشنو اللي عليكم وشنو اللي عليه.

الاساسيات عليه و اذا نقص شي ازيد من عندي

7. الإيجار للي مأجرين أو قسط البيت. هل أهوه مشترك ولا عليه اهوه بس؟

الحمدلله بيتنا ملك واذا قصدج قرض البنك اللي خذاه للبيت فعليه اهو

والله مافي عندنا شي منظم
انا موظفة اهو يصرف انا أصرف عادي

الجمعيه نروح مع بعض اذا بروحي ادفع من فلوسي معاه والله ما يخليني اهو يدفع

أغراضي واغراض ولدي عليه وايجار البيت نص بالنص انا وياه لانه غالي

والحياه لحوة لما نساند بعض .. بس ماعندي أي مكان أخش فيه حق اليوم الأسود الله لا يجيبه .. وايد امي تقولي لازم تخشين بس انا مبذره

انا مو موظفه ومو من طبعي اصرف وايد يعني ماأشتري شي ماني ابحاجته والمسكين لو اطلب منه اي شي مايقصر معاي فديته والله وكل شي عليه

احنا منتفقين نخش معاش ونصرف من واحد فنخش معاشي ونصرف منه

مشكورين بعد عمري على تفاعلكم الحلو. وأنتظر تفاعل بقية العضوات

PrinCess SariTa
مشكورة وإن شاء الله تتخرجين بأحسن الدرجات
وحلوة وايد فكرة الجدول

opera
شاكرة لج مرورج … وتتهنين إن شاء الله

نفوطه
مشكورة على مشاركتج
وإن شاء الله نشوفج ام قريبا ونبارك لج

بناتي حبيباتي
عسى ربي يهنيج مع ريلج

بتبوتااا
عسى ربي يهنيكم
وحلوة فكرة الاستقطاع … الله يخليلج إياه

»غ ـرورإنـثىآ●●
مشكورة حبيبتي

أمواج البحر
مشكورة على مرورج الطيب
والله يهنيج

أم علي حبيبي
مشكورة وعسى ربي يسعدكم

أيوته9
الله يخليه لج
ومشكورة على المشاركة

engnera
خوش فكرة

انا طالبه فكل شي عليه فدييييييييييييييته
الله يخليه لي

خوش موضووع…..
والله اهو يصرف وانا احط حق سوالف التغيير يعني اغير الكفر اغير طقم الحمام الإكسسوارات يعني اجدد كل 3 اشهور عشان ما يقول لنتي ماتحطين احط بس مو بالأساسيات الخدامة الاجار الجمعية البيبي علية ومعاشي لي بس ما يمنع اني اساعده اذا اهو يقوللي كل شي واعرف عنه ومايخش اساعده وعالأقل احط بشي يشوفه