شلون العيال

بنات خلاص زهقت ودي اصرخ اليوم جتنا حرمة يعني من جماعتنا يعني تعرفني عدل اول ماشفتني قالت شلون العيال انا جذي

لو بروحي مايخالف بس كانو حريم حمواني قاعدات حسيت اني مسكينة مدري ليه الاحساس هذا انتو اذا وحدة قالت لج جذي شراح تقولين انا رديت عليها قلت انا فلانة ماعندي عيال وهذي ثاني مرة اطيح بنفس الموقف

حبيبتي وربي حاسه فيج
وشي يعور القلب بعد
بس انتي مو بيدج هذا مكتووب
والله يرزقج ياارب ومايتم الول الا والكل يسال عن ضناج اللي جبتيه
حبيبتي هذي الناس ماتدري هي ماتقصد واو يمكن تقصد
ماعليج مهنها المهم لابينين ضعفج
لهم
والله ماراح تاخذين منهم شي
ووكلي امرج لله

كبري عقلج وخليهم يولون اشكثر صارلج متزوجة

لو منك كان قلت الحمدلله ماعليهم يزقحووون وابتسمت لها بعد

خليتها تحس ياربي هالناس هذي ماتخاف الله !!

استغفر الله

عسى الله يرزقج ياربي عاجلا غير اجلا …

يمكن صج ماتدري

وانشالله الله يعوض صبرج خيير

ميخالف حبيبتي يمكن ماتدري او موقصدها
,,,

الله كريم شنسوي

عادي تصير وااااااااجد

واضحك

ياكثر ماسمعت وتعودت على كلامهم
قبل ازعل وصعد شقتى ودمووع اربع اربع
الحين طناش
وكل ماسالنى احد اقول ( يجيب الله خير )

امشي الوضع واقول العيال تمام
الله يرزقج

لا تحاتين حبيبتي ترا ناس واجد ينسون واهم يسلمون تعودو على نمط معين بالسلام
انا وحده كله انسى حتى الشايبه اقولها شلون العيال ولا وحده مو متزوجه

ياما صارت معاى واقول ماعليهم طيبيين وابتسم صار الامر عادى ماتقدرين تسكتين الناس هذى طبيعه بشريه فى الانسان وراح تعودين حبيبتى ماعليك كنا نتضايق اول شى الحين الامور عاديه ولله الحمد عسى ربى يرزقك ويرزق بنات المنتدى

عاااااااااادي جدا دايم تصير

ارد بضحكة و أقولها زينين يسلمون عليج

لأن المرة يا تكون ماتعرف أو ناسية و حتى لو مستقصدتها

هي بتحتر لأنها ماوصلت للي تبيه

ربج كريم

ان شاءاللة ربي يرزقنا قريب عاجلا غير اجل

انا لي شهرين واحد وعشرون يوم تقريبا متزوجة

لكن زوجي واهلة حسسوني ان لي سنتين ما انجبت

مدري واللة انا متاخرة بالحمال او طبيعي