شلون اقطع البامبرز ساعدوني

السلام عليكم ورحمة الله وبركاته………

بنات ساعدوني بنتي عمرها سنتين و4 شهور بحاول اقطع عنها البامبرز شلون اعودها قاعده احاول وشلتها عنها

بس ماكو فايده كله تسوي بملابسها عزكم الله ماتقولي عن الحمام الا بعد ما تدمر ملابسها عفيه بنات

شنو الطريقه السليمه اللي اقدر اخليها تروح وتمسك نفسها ..

والله يعطيكم العافيه……………………

ولدي الحين كمل ثلاث سنين وتوا تعلم صبري عليها شوي

كل نص ساعه وديها الحمام خففي عنها السوائل شوي موووووووو تحرمينها وشوي شوي تتعود عالحمام واتقولج بروح الحمام
انا نفس حالتج حاليا ولدي كبرها تقريبا وماشيه معاه على هالنظام نفس اخوانه قبل نفع معاهم
واحيانا يجذب نروح الحمام واخر شي يضحك يستعبط بس طولي بالج عليها

لاتشيلين الحفاضه وكل شويه وديها الحمام وخليها تشوف احد صغير يدخل الحمام
وشجعيها بعد ماتدخل عطيها حلاو ولا كاكو بعد ماتخلص
وصفقي لها وقولي حق ابوها جدامها انها اهي سوتها وخلي ابوها يشجعاه ويصفق لها
حاولي تسوين لها انه دخلت الحمام كلها تشجيع ومهمه على شان تحبها

شي طبيعي البدايه جذي واذا تشرب مميه بتكون اصعب لانه كل شوي بتبول وانا بما انه ولدي يحب لفلوس يمعت خرده ميات واايد وكل ماراح الحمام اعطيه ميه ونعت واايدهالحركه يعني خذت مني اسبوع تقريبا لمن تعلم عدل شوفي اي شي تحبه وقوليلها اذا رحتي الحمام اعطيج هديه الشغله اللي تحبها ترا تفهم ولدي اسم الله عليه حزتها كان عمره سنتن الا شهر ويفهمبس كنت فاططمت من المميه حزتها

الله يعينج يبي لج تطولين بالج وتصبرين شوية
وكل نص ساعه وديه الحمام لين مايقولج بأروح الحمام

احسن طريقه انج كل ربع ساعه تودينها وتنطرين عليها شوي بالحمام تكرمون اول فتره لاتلبسينها بالبيت بامبرز بس بره وبعدين شوي شوي تعلم

حاولي تشجعينها قوليلها اذا سويتي بالحمام اعطيج حلاوه وصبري عليها ويفضل تعلمينها الحين قبل لا يدخل علينا الشتا وتستبرد

الله يجزاكم خير ماقصرتوا

بحاول وياها مثل ماقلتوا الله يعطيكم العافيه..

والله ولدي تو قطع الحفاظ لان البجر وانا مو عارفه متى تنقطع جان تقولي اختي انه كبير لازم يقطع وصح علمته اول اسبوع والحمدلله تعلم بس يبي طوله بال

انا ولدي عمره سنتين و 8 شهور
توني بادية أعلمه على الحمام كل شوي اوديه الحمام وما ألبسه حفاظة بالحمام
بس مأذيني أوديه الحمام وعقب ما يخلص يسويها بالصالة
يبيله صبر

مشكورين ماقصرتوا

ادري الموضوع قديم بس انا الخين مفكره اقط الحفاضه عن ولدي عمره الحين سنتين وشهرين
يعني تنصحوني اعلمه الحين والا انطر عليه ؟؟

انا ولدي توني هالاسبوع قطع عمرة ٣ سنين جربت قبل ٦ اشهر حسيت مو مستعد ، اللحين الحمدالله. يومين ضبط
النصايح:
لازم الطفل يكون عندة قدرة كلاميه انه يعبر عن الحمام انه بروح الحمام
تقدر تحبس نفسها لين تروح الحمام وهذي تعتمد علي الطفل
قررتي تشيلين البامبرز يعني صج شيليها وخليها تحس بالبول تكرمين او ال….. اذا نزل انها راح تتضايق وتفهم اي شي ثاني بديل للحفاظة
وديها احمام بعد ما تشرب انتي راقبي ويها ابين اذا بتسويها فا علي طووووول الحمام
علقت انا ورقه بالحمام تكرمين واحط حق ولدي نجمه كل ما يسويها بروح
مهم جدا تعلمين الطفل خطوات: وريه اول شي تنزل هدومك، تقعد بالمرحاض انا حاطة كرسي عشان يصعد، تغسل وتمسح بعدين تاخذ الكرسي وتغسل ايديك، اول شي سويته معاه بعدين اهوا ابروحه انا بس اراقب واوجه.
المدح لما تسويها
وريها فيدوات من يوتيوب عن potty train ولدي شاف اليهال وتشوق

الله يسهل عليج ان شاللهء كفيت

موضوع روعه

بعلم ولدي على الحمام ومتوتره حدي عمره سنتين و6 شهور

يارب صبرنا ..