شلون اتصرف مع زوجي ابي الخبيرات بطبايع الرجال

السلام عليكم

شخباركم وشخبار البرد معاكم احنا برياض عندنا مطر الله يجعله خير علينا

بقولكم عن زوجي بس بصراحه مدري منين ابتدي بقولكم طبعه بس تكفون لاتغلطون عليه ( احبه حيييييل

)

ابي اعرف شلون اتصرف معاه لن نوعه غريب عجيب احيانا يطفرني ويغثني بس مالي حيله زوجي عمره 44 وانا 24 ويحبني بس مايقول لي بس احس احساس بهشي وهو يقول هذا يكفي انك تحسن بحبي من غير مااقول بس المشكله يابنات ان زوجي دايم عينه براااا صحيح ملتزم ومايسافر براا وماعنده سوالف بنات وتلفونات بس دايم مشكلتي معاه ان لو طلعنا مكان اذا شاف بنت حلوه يقعد يمدحها بطريقه تحرق اعصابي واذا راح عند امه مثلا يكون جايهم ناس وحريم يقعدون يسولفون عن بنت كانت حاضره وهو يجي يقولي بنت فلان يقولون حلوه بنت فلان يقولن مملوحه بنت علان جسمها مليان ومعزل وانا والله يابنات حلوه وموناقصني شي ولو ما اخذني كان ميت قهر وبعض المرات يقولي لو انتي موزوجتي كان تلقيني اموت فيك لو شايفك ولو انتي مذيعه كان اقعد اقابل التلفزيون ليل نهار علشانك بس انتي زوجتي الحين فالامر عادي عندي -واحيانا اماشيه بلكلام وقوله ايوالله هذي المذيعه حلوه يقول لا عاديه واذا غلطت على احد يقول حلوه تهبل انا الحين موتاثير اي زعله علشان اقولكم بس حابه اعرف شلون اتصرف معاه اذا مدح احد وانا معاه لن دايم اتهاوش معاه وازعل وابكي واموت قهر ويراضني وارضى هذا الطبع من الرجال كلهم ولابس حظي انا

مو كل الريااييل جذي
مابي ازيد الي فيج بس طبعه يحر ولازم يعرف ان هالشغله تضايق
مادري بس حاولي تفهمينه بهدوء ان هالشي يضايق المرااا عموما يعني
يعني قوليله تخيل انا اقعد اتحلى عالرياييل واعلق على فلان وعلان
بهدووووء وبدلع وباسلوب حلو وصليليه هالرساله
لانه مادري احس ان ماله داعي اتيينله بطريقه فيها لفه يمكن تنعكس عليج لان احنا مانعرف طبع ريلج عدل عدل
والله يهديه ان شاءالله

دايم احط بنفسي واكتم وماقول لاحد وهو بعد الي يقوله يرجع عادي ويدلعني ونرد طبيعين وانا دايم اقوله اقوله بس مايفيد يقول كل الرجال كذا مو بس انا

قوليله بالكلام الحلو انا مالي شغل بكل الرياييل انا لي شغل فيك انت ترضى اتضايق واتكدر . وبس انا ابي اكون حلوه بعينك
ومن هالكلام الحلو وزيدي من عندج
.. واذا كلش كلش مافاد وياه
ماكو الا انج تتحلين على الرياايييل وتحطين دوبج دوبهم لما ينقهر ويحس فيج ويتعدل ( لووووووووول اتغشمر ترى نصيحتي تودي بداهيه )

ياقلبي لا تساااااااايرينه اذااا شفتيه يمدح وحده جدامج قوليله ليش انا اشناقصني وش فيها زود عني؟

قوليله انج تغارين وان اسلوبه يضايقج ويغثج وهالشي يأثر علي نفسيتج

ترا بعض الرياييل لما يشوفون اي تقصير من حريمهم يقطون عليهم هالكلام علشان يحركون فيهم الغيره وينتبهون علي نفسهم وهذا الريال الذكي اللي يعرف اشلون يخلي مرته تصير خاتم بصبعه ويخليها تسوي اللي اهو يبيه طوااااعيه

واذا انتي مومقصره بكل النواحي وتشوفين ان هذا طبع فيه تقدرين تغيرين هالطبع بليله تسوينها حقه وتقعدين تتناقشين بهالموضوع وتحطين النقط عالحروف وخلنا نشوف خلنا نشوف هههههههههههه

مادري بس لو ريلي يسوي جذيه اعامله بالمثل
يعني اسقيه من نفس الكاس
يمدح فلانه انا امدح فلان
يعجب بمذيعه انا اعجب بمذيع
يحب ممثله انا احب ممثل
خله ينكوي بنفس النار
بس عاد هااااا يجووز ماينفع مع ريلج هالاسلوب انتي جربي عالخفيف اول وشوفي يمكن تييب نتيجه معاه

الظاهر انه طبع بريلج يحب منظر وشكل الحريم ونوعه اذا بغى الشي بشده يمتلكه ولما يمتلكه خلاص يرتاح ويدور على
الي احلى منه بس نصيحتي عادي خليه يطالع ويتغزل بالاخير بيرجع لج ويدلعج دام مايفكر يكلم ولا راعي طلعات وردات

شي يغطي عن شي فهمتيني والله يهنيج ويسعدج دوم انشالله

والله احسه يستانس لو عصبت وبينت غيرتي عليه

تدرون شيقولي لوبغى يراضيني يقول انتي عقلك ناقص تزعلين من سبب تافه

مره عاملته مثل ماتقولون بس بطريقه غير قلت له اذا حطيت عينك علا غيري والله لازعل واتطلق واقط بنتك عليك وبعد اتزوج واشوف حياتي (استغرب وفتح عيونه) بس بعدها زعل علي حيييييييييييييل ويومين مايكلمني وبصعوبه راضيته وقلت له هذا مزح وانا كنت منفعله من السالفه الي صارت وانت السبب الرئسي في هذي الزعله

هلا والله اي احس انه طبع وتعود عليه

ويييييييه ريلج قلبه طيب وهو لو لئيم جان طالع بهالبنات وسكت ولا غازلهم .. بس اهو قلبه خضر ههههههههه يحب الزين ويحب يشاركج ويقولج ولو نيته شينه جان خمر وسكت …. بس لأنه يحب الزين خليج دايما على سنقة مليون مو عشرة ….. ولا تقولين له شي وخليج واثقة من نفسج دامه يحبج ومعجب فيج…. الريال تزوج عمره 45 ويمكن لو ما انتي اللي دخلتي مزاجه بالحيل كان للحين اهو عانس ههههههههههههه الله يوفقكم ويهدي مابينكم

أهو يحب ويستانس لحس أنك تغارين عليه وبحكم أنه أكبر منك بعشرين سنه يخاف منك أنك تخونينه بحكم أنه كبير
ولما قلتي له أني بخليك وبتزوج عيرك زعل عليك لإن هذا اللي خايف منه
أنا أشوف زوجك يحبك ويموت فيك لأن يبي يشعل نار الغيره فيك عشان ماتفكرين بغيره.
واهو لو مايحبك كان ماخذاك.
أنتي حسسيه أنك صاينته وحابته ولاتشوفين غيره وهذا الصج حسسيه أكثر بالثقه بنفسه.
قوليله أذا مدح وحده أمدحيه أهوا بالطيب وعطيه من الكلام الحلو.خليه يحس بالغرور.شوفي شنو الحلو فيه وهات يامدح
أو قولي له فعل سواه حسيتي برجولته بيني له أنه سيد الرياجيل.
وهذي كل السالفه لإنك حلوه ودلوعه يخاف لأحد ياخذك منه.المهم أقطعي سوالفه بمدح له.
صدقيني ماراح يحس بنقص وبالعكس يحبك أكثر لاتبكين ولاتحرقين دمك بالعكس أستانسي وثقي تماما أنه أهو يموت فيك.

كل ماعلق على وحده سكتي ولا كلمه واذا قالج اشفيج ساكته قوليله مابي اعلق مع المده بروححه بيبطل يعلق جدامج

الله يكون بالعون

الي جذيه عرفيه بو طبيع او عنده نقطة ضعف انج اصغر منه بيحسس عمرة تراه حلو ويمكن وحدة تتعطف وتتلطف عليه وتعطيه نظرة

الله يعينج طلعي معاة وربطي عيونه وانتي دليله بعد شتسوين يعينج ربي

أم منصووووووووووووور