شكوى ضد توجيه الانجليزي يا وزير التربية

لكل ابلة انجليزي سواء ابتدائي متوسط ثانوي,,,,,لكل رئيسة قسم ..

لكل وحدة لاعت جبدها من طلبات توجيهنا الظالم اللي ما يرحم,,

لكل وحدة عندها اعتراض عالمناهج الصعبة..
لكل وحدة تندب حظها يوم صارت ابلة انجليزي وتفكر تستقيل او تحول وزارة ثانية او ادارية بالمنطقة,,,

لكل ابلة انجليزي تعبت من كثر التصحيح من دفتر لي واجب لي ووركبوك لي كويز درجته 40 و 20 ونقسمهم يطلع 2 او 4 وغير جذي تصحيح كتاب الخط وتلخيص القصص

لكل ابلة تحاتي مستقبل عيالنا الطلبة من صعوبه الامتحانات الجاية من استنتاج واستنباط على قولتهم وما يبون عيالنا يحفظون! يونهم يحللون قصص وينتقدون بالانجليزي..حيييييل صعبة..وباجر بالانجليزي النتيجة لم ينجح احد!!

لكل ابلة تعبت وهي تعبي فئئات الاسئلة سؤال سؤال من كلمات لي قواعد لة ست بوك لي تعبير…والمشكلة انهم يعرفون المشكلة الازلية ماراح تتغير وهي صعوبة القواعد والتعبير حتى الامريكان واهل اللغة عليهم صعب ويبون عيالنا يتفوقون فيها!!

لكل ابلة تشرف وتناوب وتدقق درجات وتاخذ احتياط بالاضافة لشغلها من تصحيح وتحضير غثيث كل شوي يغيرونا لنا الموجهين ولا مجه يعجبه شي

لكل ابلة تأخرت بتصحيح الورقتين بيوم واحد واحنا اخر قسم نطلع من التصحيح على حساب عيالنا وبيوتنا بسبه توجيهنا بيسويه يوم واحد عشان الطلبة..اذ الطلبة نفسهم تعبوا وودهم يدرسون التعبير والاملاء بروح عشان يركزون عدل..ما لاحظتو انه الاملاء راسبين فيه شكثر وسببه انه دمجوه مع الورقة الاولى بيوم واحد!!!

لكل رئيسة قسم ماتلقي وقت ببيتها عشان ترضي التوجيه وتلبي طلباته بدون معنى وغير جذي مطالبة توزر 14 معلمة وتحضر دروسها وتصحح دفاتر بناتها وتشوف طلبات الادارة وتسوي تقارير وخطط ويالله تلقى وقت تشرب جاي خلال كل هالوقت المزحوم

لكل ولكل ولكل

لازم نوصل صوتنا لوزير التربية عالتويتر..

حيلكم بنات …عشان يخفون الضغط علينا,ويفكونا من عقدهم هالموجهين!
ماعليكم الا انكم كل يوم تدزون تغريده لوزير التربية تكتبون مشكلة من المشااكل اللي تواجهكم,,لازم نتحرك لي متى ساكتين على توجيها الظالم!!!!

هذا عنوان وزير التربية المليفي الله يسخره لنا يارب ويريحنا..والله اني مسوية اوراقي للنقل بس قلت انطر اشوف شنو ممكن يساعدنا فيه هالوزير!
https://*******.com/#!/almelaifi

تكفون بنات لا تقولون بعدين وللا مو فاضية حيل…ترى مستقبلنا ومستقبل الطلبة بأيدنا احنا ..لازم نغير للافضل ..وما نسمحلهم يطفرونها من الشغل اللي نحبه!!