شفط الدهون يارب لا تخسر علي

السلام عليكم
بنات انا مره حطيت موضوع في الاستفسارات الجماليه بخصوص شفط وحقن
الاكيد رحت لدكتوره ايمان الليثي وشافتني وسويت العمليه ببنج كامل بس بطني وخواصري وحقن الدهن بالموخره قمت من البنج ياااااااااااااااو

الالم فظيع والله الكلام سهل والفعل غيييير او اني انا ما اتحمل الحين لي اسبوعين من الشفط ما احس ان بطني راحت عادها موجوده اجل طول هالفتره شنو يسوون فيني بالعمليات والله ضايق خلقي توقعت غير الدكتوره تقول انتفاخ ويروح مدري ليه احساسي انه هذا شكله مراح يروح خساير عالفاضي وتعب بنات تكفون طمنوني منو جربت وصار لها نفسي والله اني توقعت اطلع من النفاس مفاجاه لزوجي بس يالله
جت الحزينه تفرح مالقتها مطرح
الدكتوره تقول شفطت مني 4 ونص لتر تقص علي هاذي وين الدهن اللي شفطوه الكرش لازالت موجوده والموخره احقنتلي لكل جانب 600 ملي حلوين وباقي بعد 600 بحقنها قبل ما اروح
والله اني حزينه تكفون ادعوا لي الله لا يخسر علي
شفت الغرز اربعه وحده عالسر ووحده فوق العانه ووثنتين يمين ويسار تحت الخصر
يالله الخيره

الله يستر انا ناويه اشفط
يعني اشلون ؟
الدكتور قالي النتيجه تبان بعد 3 شهور ولازم تلبسي مشد لمده 3 شهور والمشد مخصص من عندهم
انتي كم صار لك ؟

الحمد لله على سلااااامتج
والنتيجه حبيبتي مو على طوووول توج يالله 3 شهور تبين النتيجه

صارلج اسبوعين و تبين تشوفين النتيجه لووول بيييه نطري خل يخف الورم
و لبسي المشد

و ان شاء الله تشوفين النتيجه الي تعجبج

توج اسبوعين مايبين بعدين شلون سويتيها بالنفاس انا دكتورتي مارضت قالت بعد النفاس كم صارلج بالنافس يوم سويتي العمليه ودمج كم كان وقت العمليه وكم كلفتج العمليه وباي مستشفى سويتيه وخلفيتج افرقت عن قبل واااي اسئلتي وايد الله يعينج علي لاني ناويه اسويها ان شاءالله

انا نفسج حبيبتي …..
لي اسبوعين الحين و فعلا للحين جسمي كله وارم …. اصلا حتى ايديني و رجولي وارمين بس ان شاء بعد اسبوع على كلام الدكتورة راح ابدأ اشوف نتيجه و بعد شهرين بتكون النتيجه النهائية
زين انتي الدكتورة ما عطتج شي يخفف هالتورم ؟؟؟؟

حمدلله على سلامتج

الله يسلمكم جميع
سويتها يوم صار لي 38 يوم وقف الدم من زمان كلفتني الف ضبط مع الادويع عند دكنتوره ايمان الليثي بمستشفى عاليه هي تشتغل هناك المشد عطوني رقم شركه وشريته منهم ب 70 وعطتني ادويه ومسكن بس والللللله من العذاب اول ايام مانفعني المسكن امي جابتلي واحد من الصيدليه مكتوب عليه للعمليات الجراحيه ريحني نوعا ما
اسبوعين عالاقل اشوف نتيجه لو الشكل الخارجي مو معقوله شكلي كلش ماسويت شى مدري يابنات الاكيد لا طالعت نفسي بالمنظره صديت مابي التندم ياكلني
والانتفاخ كنت 70 زدت من لورم 73 الين لي اسبوعين رد الحمدالله وزني لكن بطني وخصري يابس وشكله نفس قبل ما ادش العمليه
الخلفيه اوكيه حلوه 20 بالميه لانها ماحقنتلي واجد بس بحقن الاسبوع الجاي 600 ملي بس هذا اللي باقي لي يعني 300 لكل صوب ماظن يكفي لانها بصراحه اول اسبوع كانت منتفخه الحين عادي
حبوبات مابي احبطكم بكلامي وحده عن وحده تفرق بس انا محتاجه افضفض لاحد

صحيح تذكرت لما المس بطني وخصري احس نفس الارتفاعات والنزلات شوي يابس وشوي لين الجلد لعن ملمس بطني وخصري مو سيده للي جربو انتو نفسي؟

حبيبتي اخطر الانواع الشفط
بس الحمدلله انج طلعتي بسلامة
ماعليج هذا الالم مدته شهر اعرف وحدة مسويته
وبعدها ماعليج الا العافية

حبيبتي لاتستعجلين توج صبري اسبوع وان شاءالله تبدا النتيجه تبين بس النتيجه النهائيه تبين بعد 3شهور والله لايضيعلج تعب وفيه مساجات يسونها عشان تخفف التورم سئلي الدكتوره عنها

تو الناس عالنتيجه
بس غلط توج والده
بشري بالترهل

ليش ترهل ضيقتي خلقي
انا بطني مو ذاك الكبر حتى خطوط الحمل مافيني
بس شفطت خواصري وبطني قصدي النحت والكروشه تروح

زين ماقلتيلنا وين سويتيه وجم كلفتج
ومكان الغرز كبير ولا صغير ؟
الله يوقمج بالسلامه يارب

كلفتني الف غير المشد ب 70 والله لا يخسر