شفت والله ياليتني ماشفت ساعودني

انا حبيته من كل قلبي وماقصرت معاه بشئ في البدايه شفت له محادثه مع وحده كان يعرفها وقلبت البيت على راسه وهو والله ندم من كل قلبه وقعد يومين ماياكل والليل كله يبوسني يبيني اسامحه سامحته وانتهينا من المشكله بعدها الحمد لله ماسوى اي شئ يزعلني ومو مقصر معاي يحبني اكثر من عيونه صح في مشاكل بس هذي لابد منها المهم انا دايما اخاصمه على البنات اللي في الماسنجر والاسكايبي وصوره اللي في الفيس بوك مع البنات الشقر مع العلم كل هذول انا عندي ارقامهم السريه ومايفتحهم الا واهو بالبيت واكون لاصقه فيه ودايما افتش لابتوبه وعمره ماسوى شئ غلط لان اغلبهم امريكيات وفي المدينه القديمه اللي كان فيها فنسي علاقاته مررره وغير جواله في رسايل حب وغرام مع اللي كان يعرفهم العربيات يعني كان متعرف في كل مكان مع هذا يقولي انا لااؤمن بحب قبل الزواج هذا كلام فاضي ويوقلي كلامي معاهم كان تضيع وقت فقط واللحين جواله دايما عندي يعني عمره محد دق عليه يخليه احيانا بالبيت ويطلع واخر مره فتشته امس انصدمت ماكنت مستوعبه ان كل هالبينات يعرفهم كان تقريبا 5 او 6 طبعا هذا قبل الزواج وفي بعضهم بدايه الملكه لاني شفت التواريخ فعرفت يعني عمري مافتشت جواله بذي الطريقه دايما الاب توب بس الجوال لا ادري انكم بتقولولي علاقات سابقه بس ماني قادره اتغاضى عنها وهو مخليها بجواله وبكل مكان وكل ماقلتله امسحها يوعدني لمن يفضى وكل يوم بعدين لمن مل مني لاني هلكته بهالموضوع وصار ماثر على نفسيتي احس مني طايقته وهو قالي ليش تعامليني كذا
الله يعلم انه جتى خواتي مايدريون بالموضوع ماابي انزل راسه بينهم ولا عندي حل يريحني تعبت من التفكير وحاطه حرتي فيه وهو صار يتهرب من البيت بسبب تحقيقي له من وين رايح ومن وين جاي ومع مين بس والله من حبي له وغيرتي شوري علي الله يجزاكم الجنه وانا ماكتبت هني الا انا واثقه اني بلاقي ردود تشرح الصدر مشكورررين يااحلا كويتيات

حبيبتي حطي ابالج هذا شيء قبل الزواج وحطي ابالج انج انتي خليتيه يوخر عن كل هالاشاء يعني انتي صج ملكتي قلبه

مشكوره يابنت الرسنال وماقصرتي بس احيانا احس كانه ماخذني بس عشان اساعده بسنوات بعثه ولارجعنا لديرتنا تزوج غيري والله ذبحني التفكير الخايس ذا

لاتكثرين الحنه عليه هذا انسان فقد الحنان وعنده فراغ عاطفي فيحاول يلقاه عند البنات
انتي عوضيه ودلعيه وخليه يلقى الحنان عندج واكيدراح ينساهم وخليج له ام وزجه

لاتطفشينه

حبيبتي ما يصير جذي بعدين راح يمل ويزهق حرام خفي عليه اوكي تغارين بس مو لهدرجه فديتج لا تخسرينه الواحد يتحمل بس اخر شي يطفش

وهذي اللي يخليني اعذره مشكوره ياقلبي على ردك سلمتي يالغاليه

ان شالله مااخسره بس تعرفين تفكر وحده عايشه باميركا واختلاطه بالبات على طول مشكوره ياقلبي على ردك الحلو

انتي طريقة خطأ الرجاجيل مايحبون هالطريقة كأنه في قسم شرطة بالعكس اوهميه انك واثقة منه حتى لوكنتي من داخل العكس وقولي له انا من زود حبي لك اغار عليك وابيك لي بروحي ويمكن انك تعانين من هالعلاقات بحكم انك في دولة غريبة والحريم هناك فري بس ان شاء الله اذا رجعتي لديرتك بيتغير الوضع وحاولي ماتنبشين في اغراضه فالرجال مايحب هالطريقة ابد واذا كان بيلف ويدور بأمكانه يطلع له رقم ماتعرفين عنه ويخلي رقمه القديم لك تفتشين فيه على راحتك او انه يمسح من السجل كل الاشياء اللي مايبيك تشوفينها وبعدين عليك بالدعاء واللجوء الى الله انه يصلح حالكم وانه يسخره لك تقبلي رائي واني قسيت عليك شوي بس والله لمصلحتك الله يسخره لك ومايشوف غيرك من الحريم

حبيبتي هدي بالج و ادعليه و ادعي لنفسج و ربي يهدي سركم و يريح بالج يارب

شوفي حياتي انتي خلي عنج الشك

انتي قلتي بلسانج الريال مخلي عندج حوالة ويطلع ومحد يدق عليه كلش ومايرد

حمدي ربج وقولي الحمدالله على النعمه وكل ما فكرتي غلط قولي بسمالله اعوذ بالله من الشيطان الرجيم
لأنة فوق راسج يوسوس لج

عادي كل الرياييل في علاقات سابقة بس الدورو والباقي على اللي عنده سابقة وتابعه ومستمرة

قولي الحمدالله وخلي عنج الوساوس لأن الريال اذا مل من المره .. يمل وبعدين يسوي صج ؟؟

بعدين انتي اللي تدفعينه حق الغلط
لانج مانعه الثقه عنه فا بيقول خربانه خربانه خلني اخرب
فا ديري بالج على ريلج والله يهديكم يارب

صدقتني مدامه اختارج وهو بالغربه يعني شاريج لا تعبثين بالنماضي انسي وامسحي كل شي قبل وارتاحي وريحي عمرج وشوفي بقولج شي
لا تضيعين الرجال منج واطفشينه مدام مافي غيرج معاه بالغربه فرصتج تخلينه ينعود عليج ومايخليج لاتخلينه يكرهج من الحنه والتحقق الي فات مات

وحده ذوق -خذاك الموت – ام علي حبيبي مشكوووووووووووورين على ردودكم وان شالله اسمع ارائكم واطبقها سلمتوا

حبوبه ديري بالج تطفشين ريلج من البيت المفروض تفتحين صفحه جديدة وكل شي يديد بينج وبين ريلج وتعوضينه عن كل شي عشان لا يفكر يشوف غيرج الانه اسلوبج ينفره منج

نسيت اقولكم شئ هو تزوجني وابوه من يوم ماخطبني مايكلمه مقاطعه عشان امه هي اللي خطبتني وهم بينهم مشاكل وقال لزوجي اذا تزوجت انته منت ولدي وتزوجني فاحيانا اقول تحدى ابوه عشاني يهون علي شوي

غلاي غير – men ana مشكورين والله ادري ان كلامكم صح سلمتوا حبيباتي